Ala Kalɔ Buse 22:4 - Katɔti Ɔku Kedee

⁴ Na ka bákɛ ulu bésela limeyi lɛtɛdi lɛlɔ ni, Abraham ɔ́talaku anumi na ɔ́nu kesii kammɔ úmene.

Ala Kalɔ Buse 22:4 Referans Kwoze

Korintoƒuɔ 1 15:4

Na báva-nwu, na Katɔti ɔ́gyila-nwu ɔ́lɛku bekpine akɔ emeyi atɛ kama, na úbo uli ngba aani kalɛ na ɔkya Bunweni Kedee Ɔku kemmo.

Luka 13:32

Mmɔ na Yesu ɔ́su-ma ɔnini, “Bisie na bitásu uƒukutu ɔmmɔ ka lɛ́su lɛnii, ‘Ɔmwi ni, ndubo ayu ekpidi bɔgya na lɛbwi bekyuli lɛlɛ lɛni na beeƒi utálɛ kɔnaadi. Na limeyi lɛtɛdi lɛlɔ ni, ndubɔwɔlɔ mina kabla.’

Mateo 17:23

na badu-mi. Na emeyi atɛ kama ni, Katɔti ɔdubɔgyila-mi ɔsiku bekpine akɔ.” Mmɔ ni, batɛyane bammɔ enu áƒɛ-ma.

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.

Ester 5:1

Na limeyi lɛtɛdi lɛlɔ ni, Ester ɔ́da nwuna beleku ɔga adala na úsie unye kaduli kemmo na ɔtɔ ɔni kemmo na ɔga uulie nwuna lɛgaboku lɛlɔ taanu keyi teemene anumi.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Samuel 1 26:13

Amu na Dawid ɔ́via úténye ɔgyu na lɛbinkpo lɛdi lili na ɔ́da kuƒi geen úwi anwu ku-ma ntɛ.

Yosua 1:11

“Bɛvi bekyuli bammɔ lɛlɔ na bana kɔkyakɔ na bɛsu-ma bɛnini, ‘Bɛklibi lɛlɔ na bɛwia adila adi bise bite lɛlɔ. Ɔsika emeyi atɛ kama bɔdubɔvia Yordan Ketu na busie kalɔ kani na bina Unwoti Katɔti ɔ́su ka wete-mii kemmo.’ ”

Bumomo Bɔka 31:19

“Na bina akɔ ɔdi biala na ɔ́du ukyuli ɔdi iye úti kɔnu útuku ukpine ɔmmɔ ɔdi ulie kakyakɔ kama emeyi maatɛ. Na limeyi lɛtɛdi ku maatɛdi lɛlɔ ni, amii ku bekyuli beƒiedi bammɔ ƒui bɛbla lɛlɔ sɛɛn.

Bumomo Bɔka 19:19

Na limeyi lɛtɛdi ku maatɛdi lɛlɔ ni, ukyuli ɔni nse sɛɛn ɔkuna ntu bɔmmɔ uwi ukyuli ɔni neeese sɛɛn mmɔ lɛlɔ. Na limeyi maatɛdi lɛlɔ ukyuli mmɔ ɔlɛka ɔƒɔ nwuna adala na ɔkpi ntu. Na ɔmmɔ kama ukyuli ɔni nákuna ntu bɔmmɔ úwi lɛlɔ mmɔ ɔbla-nwu sɛɛn. Na si ɔƒɔ na ukyuli mmɔ ɔbla sɛɛn.

Bumomo Bɔka 19:12

Na limeyi lɛtɛdi ku limeyi maatɛdi lɛlɔ ni, ɔlɛka uti ntu bɔmmɔ ɔbla lɛlɔ sɛɛn, na nwuna lɛlɔ lɛdubɔbla sɛɛn. Nsu si úteti ntu bɔmmɔ útabla lɛlɔ sɛɛn na limeyi lɛtɛdi ku maatɛdi lɛmmɔ lɛlɔ ni, ɔɔɔdubo buse sɛɛn.

Bumomo Bɔka 10:33

Ɔmmɔ ɔsu Israelƒuɔ báta Sinai kɔbi kedee kaƒɔna mmɔ na bésie emeyi atɛ. Na Unwoti Bunyimi Adaka ɔtɔ-ma emeyi atɛ ammɔ ƒui kalɛ na utáwia keliekɔ kadi ute-ma na banwuna.

Lewiƒuɔ Ɔda Bubo 7:17

Na si ebuo ɔni na béti bábla akpala ammɔ lɛna lɛdi lɛsɔ líbu limeyi lɛtɛdi anwu ni, na ɔlɛka bakyula-ni.

Israelƒuɔ Bɔlɛ 19:15

Ɔmmɔ kama Mose ɔ́su-ma ɔnini, “Bɛklibi lɛlɔ bise bite limeyi lɛtɛdi. Na ɔdi utese ulekudi kudɔ.”

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Israelƒuɔ Bɔlɛ 15:22

Amu na Mose ɔ́tɔnku Israel bekyuli bammɔ ɔsiku Ɛpugyie kɔtu mmɔ útédu ketele kani baalɔ banii Sur kemmo. Na bésie lɛgba emeyi atɛ sɔɔn na ketele kemmo. Nsu bátasiaku ntu bɔdi.

Israelƒuɔ Bɔlɛ 5:3

Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”

Ala Kalɔ Buse 22:3

Ka kadi kégye lɛdigye tutuutu ni, Abraham ɔ́ta na útile nwuna ebuo ala utine ala na ɔ́bala-nwu ala kaduɛ. Amu na útiku nwuna kabla bablane inyɔ ku ubidi Isak. Na ka ɔ́yɔ ekyweni pii na edu kalɛ na weti wakyula akpala ammɔ ni, ɔ́yu ulu úsie kesii kani na Katɔti ɔ́tina-nwu mmɔ.

Ala Kalɔ Buse 22:5

Amu na ɔ́su nwuna kabla bablane ɔnini, “Amii bɛsɔ binye mɛni ku ebuo ala utine ɔmmɔ. Na ami ku mina ubi busie butákpa Katɔti na bɔsɔ bunwini bubo.”