Ala Kalɔ Buse 21:7 - Katɔti Ɔku Kedee

⁷ Na ɔ́sɔ ɔ́su ɔnini, “Ɔma ndubɔkana na nka ɔsu Abraham ɔnini, ami Sara lɛnɔ ndubute ubi lɛnyi na ɔnyimi. Nsu ina ka Abraham ɔ́ɔbi ni, lɛ́wɔ lite-nwu na nwuna linengu uwi.”

Ala Kalɔ Buse 21:7 Referans Kwoze

Yesaia 66:8

Ɔma na ɔnii anwu únu lɛni dii iye ɔbla kasusu ka ɔlɛ lɛni? Baawɔ kadi ƒui bekyuli limeyi linwi iye anumi bubo kunwi kemmo? Nsu Yerusalem anwu ni, útenu tɔ kawɔƒɔ bɔdu asa na ɔ́wɔ nwuna bebi.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Kɔgya 86:8

Beleti baƒiɔ badi balákɔku-ɔ, ɔsika awɔ kani mɔɔkana na aabla akɔla ala budie taatina. Ɔsika ɔdi ulákana ala enengudi ani na aabla bɔbla.

Yesaia 49:21

Mmɔ na Yerusalem aani uleku ɔmmɔ kalɛ ɔdubuye ɔnini, “Ɔma náwɔ bebi bamɛni ama. Lɛ́yila mina bebi na nsɔ naaanu-ma. Wɛ na bamɛni bási? Béti-mi bésienku kaƒɔ na liiibo ɔma nanyuɛ bebi bamɛni? Ami lɛti kani nebu nli. Na wɛ na bebi bamɛni bási?”

Ala Kalɔ Buse 17:17

Mmɔ ni, Abraham ɔ́yu úbi kalɔ na úye lɛlɔ ɔnii, “Ami ɔnana ɔni náaƒɔ akwa eti anyɔ mɛni ku ukyuli ɔdi bɔdubɔkana ubi ɔdi bɔwɔ? Na Sara lɛnɔ ɔ́ɔƒɔ akwa liti ku aavlene. Ɔdubɔkana kaƒɔ bɔda?” Litemi lɛmɛni lɛ́da-nwu lɛma, na ɔ́ma.

Ala Kalɔ Buse 18:13

Amu na Unwoti úye Abraham ɔnini, “Bi ɔsu na Sara ɔ́ma na úye ɔnii, ‘Sɔsɔ na ndubɔsɔ lɛkana kaƒɔ bɔda ɔƒɛni?’

Ala Kalɔ Buse 21:8

Isak úbabi lɛlɔ na basɔ belete-nwu lɛnyi. Na uwi ɔmɛni kemmo ni, Abraham ɔ́di limeyi libendi lɛdi.

Yeremia 20:15

Na ɔnana ɔni nésie útásu mina ɔti ɔnini, “Mbo! Ákɛ ɔnanabi” ni, kusɛ kusɛ utasiaku-nwu.

Baga 1 3:21

Amu ka kadi kégye ni, lɛ́ta nnii muute mina ubi lɛnyii. Na ka mɔɔnu ni, na ubiwɔ ɔmmɔ úkpi. Ka lɛ́sia-nwu anu kaduɛ uwi ɔni na kadi kábla nwaa ni, lɛ́nu lɛ́ti ka ɔɔɔdi ubi ɔni lɛ́wɔ mmɔ na ɔdi.”

Baga 1 11:20

Na Tahpenes ɔnwani ulekubi ɔmɛni ɔ́wɔ ɔnanabi. Na ɔ́sia-nwu lɛnyi ɔnii Genubat. Na Tahpenes ɔ́tumini ɔnamu ɔmɛni na ɔga kaduli, na Genubat ku Ƒarao beli básala.