Ala Kalɔ Buse 21:4 - Katɔti Ɔku Kedee

⁴ Na ka ubidi Isak ɔmɛni ɔ́ƒɔ emeyi maane ni, Abraham úkulo-nwu lego aani kalɛ na Katɔti úbo-nwu ɔda.

Ala Kalɔ Buse 21:4 Referans Kwoze

Batalane Kabla 7:8

“Amu na Katɔti úti lego bukulo linyese úte Abraham uwi ɔmmɔ kemmo aani lɛla lɛni makya anwu Katɔti ku Abraham bawɔ ntɛ. Na Abraham úbawɔ Isak na úkulo-nwu lego uwi ɔni na ɔ́ƒɔ emeyi maane. Isak lɛnɔ úbawɔ Yakob, na Yakob lɛnɔ ɔ́wɔ bebi leevu-inyɔ bani nábawɔ Yudaƒuɔ adua leevu-anyɔ ammɔ ƒui.

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Luka 1:59

Ka ɔnamu ɔmmɔ ɔ́ƒɔ emeyi maane ni, bébo banii bebekulo-nwu lego na báwia ka basia-nwu ɔti lɛnyi banii Sakaria.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Lɛkpa Ulu 12:32

Na bɛnu ka bɛ́bla lɛla biala na líbo-mii ɔda nnii bɛbla. Na bitada ɔdi bitedie iye biteti ɔdi bitebunku.

Lewiƒuɔ Ɔda Bubo 12:3

Na limeyi maanedi lɛlɔ ni, ɔlɛka bekulo ubiwɔ ɔmmɔ lego.

Israelƒuɔ Bɔlɛ 12:48

“Nsu bɛnu ka ukyuli biala na útekulo lego útadi adila ammɔ adi. Na si baƒɔ bani nkya-mii akɔ ɔdi ɔɔwia ka ɔdi Kukpi Lili Bɔvia limeyi lɛmmɔ na uti ɔkɔliku Unwoti lɛnyi katɔ ni, ɔlɛka ɔka nwuna bebi bananabi ƒui ago bukulo. Na ɔmmɔ kama ukyuli ɔmmɔ unwini Israelni na ɔkana na ɔdi limeyi lɛmmɔ lɛdi.