Ala Kalɔ Buse 21:3 - Katɔti Ɔku Kedee

³ Na Abraham ɔ́sia ubi ɔni na Sara ɔ́wɔ úte-nwu mmɔ lɛnyi ɔnii Isak.

Ala Kalɔ Buse 21:3 Referans Kwoze

Ala Kalɔ Buse 17:19

Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.

Romaƒuɔ 9:7

Na ulátina ka ni, Abraham kaba ƒui ndi Katɔti bebi. Katɔti ɔ́su Abraham ɔnini, “Ɔkɛnku Isak lɛlɔ na adubudie kaba aani kalɛ na lɛ́su-ɔ líse.”

Ala Kalɔ Buse 21:6

Ɔmmɔ ɔsu ni, Sara ɔ́su ɔnini, “Katɔti ɔ́ya na mina anumi aƒɛnimi ku lɛma. Na ukyuli biala ɔni menu lɛla lɛmɛni ɔdubo bɔma ku-mi ku ebiti.”

Hebriƒuɔ 11:18

Ɔ́bla lɛni ina ka ɔkɛnku ubidi Isak ɔmmɔ lɛlɔ na Katɔti ɔ́su ɔnini, “Ɔkɛnku Isak lɛlɔ na adubudie kaba aani kalɛ na lɛ́su-ɔ líse.”

Mateo 1:2

Na ɔ́si Abraham lɛlɔ úbalɛ Ɔga Dawid lɛlɔ ni, kaba kammɔ kemmo bati anyi atɔ asia ndi amɛni. Abraham, Isak, Yakob,

Yosua 24:3

Amu na líti Abraham ɔni ndi bina bati kuuku unwi lɛ́lɛku mmɔ na lɛ́ya na úsie ɔ́vi Kanaan kalɔ lɛlɔ ƒui. Na líte-nwu bawɔ pii. Na lɛ́ya na Abraham ɔ́wɔ Isak.

Batalane Kabla 7:8

“Amu na Katɔti úti lego bukulo linyese úte Abraham uwi ɔmmɔ kemmo aani lɛla lɛni makya anwu Katɔti ku Abraham bawɔ ntɛ. Na Abraham úbawɔ Isak na úkulo-nwu lego uwi ɔni na ɔ́ƒɔ emeyi maane. Isak lɛnɔ úbawɔ Yakob, na Yakob lɛnɔ ɔ́wɔ bebi leevu-inyɔ bani nábawɔ Yudaƒuɔ adua leevu-anyɔ ammɔ ƒui.

Ala Kalɔ Buse 22:2

Amu na Katɔti ɔnini, “Ta na eti ƒ'ubidi Isak unwi pɛ ɔni na aayɔ́ mmɔ, na eteesie Moria kalɛkɛ lɛlɔ. Mmɔ ni, tádu-nwu na akyula-nwu eti abla akpala ete-mi na kɔbi kɔni matina-a lɛlɔ.”

Ala Kalɔ Buse 21:12

Nsu Katɔti ɔ́su-nwu ɔnini, “Awɔ, nu lɛla biala na Sara wasu-ɔ. Na kayi katakpulu-ɔ na ƒ'ubidi ku ƒula kabla ɔblane uleku ɔmɛni lɛlɔ. Ɔsika ɔkɛnku Isak lɛlɔ na adubudie kaba aani kalɛ na lɛ́su-ɔ líse.

Ala Kalɔ Buse 17:21

Nsu mina bunyimi ni, ami ku Isak bawɔ ntɛ na ndubɔlɛ-mu ugyii. Na anwu ndi ubi ɔni na Sara ɔdubɔwɔ ute-ɔ na lɛkwa lɛni ndubo aani uwi ɔmɛni kalɛ.”

Ala Kalɔ Buse 25:19

Abraham ubidi Isak lɛlɔ kɔtɛ na bɔdubo bunu mɛni. Úbebo úte ka Abraham ɔ́wɔ Isak.