Ala Kalɔ Buse 21:1 - Katɔti Ɔku Kedee

¹ Ɔmmɔ kama ni, Unwoti ɔ́nu Sara kɔnyana aani kalɛ na ɔ́su-nwu úse.

Ala Kalɔ Buse 21:1 Referans Kwoze

Kɔgya 12:6

Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

Ala Kalɔ Buse 18:10

Amu na Unwoti ɔ́su-nwu ɔnini, “Sɔsɔ ni, ndubɔsɔ linwini libo-ɔ kudɔ lɛkwa lɛni ndubo uwi ɔmɛni kalɛ. Na ƒ'ulekudi Sara ɔdubɔwɔ ɔnanabi.” Na uwi ɔmmɔ kemmo ƒui ni, Sara ɔkya kevo kemmo uunú lɛla lɛni na baasu, ɔsika bénwini kama bákya kayakun kammɔ.

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Ala Kalɔ Buse 17:19

Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Galatiƒuɔ 4:23

Na ubi ɔni na uleku ɔni mɔɔbla-nwu kaduli kabla ɔ́wɔ ni, báwɔ-nwu na uwi ɔni kemmo na ɔnana ku uleku beelie taawɔ kalɛ kani. Nsu ubi unyɔdi ɔni na kɔduni ɔ́wɔ anwu ni, litela na lɛdi lite-ma na Katɔti lɛsuse kenye na uwi ɔni na ɔnana ku uleku basɔ balásia kɔwɔ anu.

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.

Samuel 1 2:21

Unwoti ɔ́bla Hana lɛƒɔndia sɔsɔ na ɔsɔ úbada kaƒɔ na ɔ́wɔ bebi bananabi ɛtɛ ku belekubi inyɔ. Na uwi ɔmmɔ kemmo ni, Katɔti anumi ásia Samuel lɛlɔ na ɔ́lɛ lili geen na kakpakɔ mmɔ.

Galatiƒuɔ 4:28

Na ɔƒɛni ni, mina banwa, amii bílieku Isak na bɛdi Katɔti bebi ɔkɛnku nwuna linyese lɛlɔ.

Rut Keliela Ɔku 1:6

Uwi ɔni kemmo na Naomi ɔmu ɔkya Moab kalɔ lɛlɔ ni, únu ka Blɔti úbo úbanu nwuna bekyuli kɔnyana na Israel kalɔ lɛlɔ na úte-ma adila.

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Ala Kalɔ Buse 17:21

Nsu mina bunyimi ni, ami ku Isak bawɔ ntɛ na ndubɔlɛ-mu ugyii. Na anwu ndi ubi ɔni na Sara ɔdubɔwɔ ute-ɔ na lɛkwa lɛni ndubo aani uwi ɔmɛni kalɛ.”

Ala Kalɔ Buse 17:16

Ndubute-nwu kusɛ kusɛ. Na ɔdi litemi geen ka anwu ɔlati ɔdubɔwɔ ɔnanabi ute-ɔ. Ndubute-nwu kusɛ kusɛ ɔni na ɔdubɔya na unwini kaba bekyuli pii uni. Na baga bani madi bekyuli lɛlɔ badubɔlɛ basiku-nwu lɛlɔ kemmo.”

Luka 1:68

“Bɛya na bumwi Blɔti, Israel Unwoti, ɔsika úbo úbebunku nwuna kadi na ɔƒɔ-ma na bakɛ bɔnwuna.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Luka 19:44

Bekyuli badubo ɔma ɔmɛni bɔyila ku udu na badu bekyuli bani nkya-nwu kemmo ƒui. Na lɛtabi lɛdi muedi lɛsɔ lilése nina keliekɔ. Ɔsika bíni na bítanu bítati uwi ɔni na Katɔti úbo ɔnii ubedie-mii!”

Ala Kalɔ Buse 24:36

Na Sara ɔni ndi mina ɔtɔlati ulekudi ni, ɔ́ɔbi asa na ɔ́wɔ ubi unwi pɛ. Na ubi ɔmɛni ɔdi ɔnanabi ɔni na mina ɔtɔlati úti nwuna ala ani ƒui na ubo úte.

Samuel 1 1:19

Ka kadi kégye ni, Elkana ku nwuna badi ƒui báta na ka bátákpa Katɔti báwɔlɔ ni, bátɔlɔ bésie bana ɔma na Rama. Na Elkana ku ulekudi Hana bátɛ, na Unwoti anu asia-nwu lɛlɔ.

Baga 2 4:17

Nsu uleku ɔmmɔ úbada kaƒɔ na ɔ́wɔ ɔnanabi kalɛ kani na Elisa ɔ́su-nwu mmɔ.