Ala Kalɔ Buse 20:2 - Katɔti Ɔku Kedee

² Mmɔ ka Abraham údie ulekudi Sara ɔ́tina bekyuli bammɔ ni, ɔ́su-ma ɔnini, “Mina ɔnwani ulekubi na ɔdi.” Ɔmmɔ ɔsu Abimelek ɔni ndi Gerar ɔma ɔga ɔ́tala na bátákpanku Sara béboku-nwu.

Ala Kalɔ Buse 20:2 Referans Kwoze

Ala Kalɔ Buse 12:15

Na ka Ƒarao benengu bammɔ bánu-nwu ni, bémwi-nwu bátina Ƒarao na bákpanku-nwu bésienku nwuna ɔga kaduli mmɔ.

Ala Kalɔ Buse 26:7

Amu ka kadi kammɔ bekyuli béye-nwu ulekudi lɛlɔ litemi ni, ɔ́su-ma ɔnini, “Mina ɔnwani na ɔdi.” Ɔsika na nwuna kakali kemmo ni, ɔ́su ɔnini, “Kadi kamɛni banana badubo-mi bɔdu na Rebeka ɔsu, ɔsika ɔɔdia bɔnu geen.”

Koloseƒuɔ 3:9

Bitatɔlɔ lɛlɔ, ɔsika bɛ́da udu ɔkukudi ɔni nákya-mii kemmo mmɔ bídie.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Agba 24:16

Ɔsika si ina bébuli maatɛ muedi badubɔsɔ bata. Nsu si ɔgbankpi ɔ́siaku bekyuli bekpidi ama ni, ɔɔyila-ma ku udu kɔnakunwi.

Ala Alɛdi 2 32:31

Na uwi ɔni na Babilonƒuɔ batɔnkune bátala batu badi banii betéye Hesekia na ɔ́su-ma ala adi ɔsiku akɔla budie taatina ani nálɛ na nwuna kalɔ kemmo mmɔ ni, Katɔti únye ɔ́nu Hesekia na anwu ɔlati udie kenye na anwu ɔlati kasusu kenye na ɔnu si ɔmu ɔsiaku-nwu kama siin.

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Ala Kalɔ Buse 26:16

Amu na Abimelek ɔ́su Isak ɔnini, “Tɔlɔ-bu kalɔ lɛlɔ mɛni. Bɔɔnu ka ábakɛ ɔyikun étulo-bu ƒui.”

Ala Kalɔ Buse 26:1

Na uwi ɔmmɔ kemmo ni, kɔka kɔdi kúbo kalɔ kammɔ ƒui lɛlɔ aani kalɛ na ɔ́lɛ na Abraham uwi úbavi dii. Na Isak úsie Ƒilistiƒuɔ ɔga ɔni baalɔ banii Abimelek kudɔ na kesii kani baalɔ Gera.

Ala Kalɔ Buse 20:12

Na ɔmmɔ kama lɛnɔ ni, mina ɔnwani na ɔdi sɔsɔ na kalɛ na báwɔ-bu kenye. Ɔsika mina ɔti ubi ulekubi na ɔdi, ina ka ɔɔɔdi mina uni náwɔ-nwu.

Ala Alɛdi 2 20:37

Nsu Kenye Udiene Elieser ɔ́lɛ Yehosaƒat kpakplaa ɔnini, “Unwoti ɔdubo lɛkɔkɔ lɛmɛni udu bɔyila, ɔsika ébunku Ahasia.” Na sɔsɔ ni, lɛkɔlɔ lɛmɛni lɛ́bwɛ na lítasia ntu anumi lítabla kabla kadi.

Ala Kalɔ Buse 21:22

Na uwi ɔmmɔ kemmo ni, Abimelek ku nwuna bekpone ɔtɔnkune ɔni baalɔ Pikol básu Abraham banini, “Bɔɔnu ka Katɔti uliku-ɔ na ƒula lɛla biala na aabla kemmo.

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Agba 6:29

Lɛni geen na use ute ukyuli ɔni matɛ nwuna ɔkpana ulekudi kudɔ. Na ukyuli ɔni makya ɔkpana uleku kɔgbu ni, badubɔni-nwu kɔtu.