Ala Kalɔ Buse 2:8 - Katɔti Ɔku Kedee

⁸ Amu na Unwoti Katɔti ɔ́bla kemo kadi na kesii kani baalɔ banii Eden na ɔƒɛ katukɔ kakɛ. Na mmɔ ni, úti ukyuli ɔni na ɔ́vɔ mmɔ ɔ́kya.

Ala Kalɔ Buse 2:8 Referans Kwoze

Esekiel 28:13

Na Eden Ɔban kemmo na ákya na áda sika ugyiedi adala ani na béti sika ugyiedi atabi ani mbo bukeye lidu lidu bábla na aadia bɔnu geen. Na ala amɛni ƒui ese ete-ɔ ɔ́si limeyi lɛni na báwɔ-ɔ lɛlɔ.

Ala Kalɔ Buse 3:24

Na ka ɔ́bɔku-ma ɔ́lɛku ɔ́wɔlɔ ni, ɔ́ya na nwuna batu bagyumanane badi benye ku kewii kadi mɔɔbwɛ ogya teesie anumi teebo kama taabala Eden kemo kammɔ ɔƒɛ katukɔ. Na bétile ukyuli biala kuƒi kalɛ na ulakana kugyii kɔni mɔɔyá na ukyuli uulie ngba mmɔ kudɔ bɔni bude.

Ala Kalɔ Buse 13:10

Amu na ka Lot ɔ́kɔliku anumi na ɔ́nu ɔ́mana ni, ɔ́nu ka Yordan kalɔ kani nwi késela ƒui ni, ntu bɔkya-ka kemmo geen. Na kese aani Katɔti kemo kani na ɔ́bla na Eden. Na kese aani Egyipte kalɔ kani nwi késie ɔma ɔni ndi Soar kakɛ. Na uwi ɔni na ɔɔnu ala amɛni ƒui lɛni ni, ɔdi uwi ɔni na Katɔti útakyula tɔ Sodom ku Gomora kalɔ.

Yoel 2:3

Ogya ɔdubo butaakywi na bana anumi ku kama na mmɔ ɔni na ɔdi ulakana bukeli. Na kalɔ kani nse aani Eden kemo kadubunwini kɔnwinimi kalɔ kakwiidi kani nsɔ naaadia lɛla lɛdi bɔbla si uwi ɔni na békpo na bébile ala báwɔlɔ.

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Baga 2 19:12

Na mina bati kuuku báyila Gosan ku Haran ku Reseƒ na báyila bana lɛma udu. Na bádu bekyuli bani nli Eden na Telasar. Nsu bana baƒiɔ badi biala bátakana-ma bukpo bɔ́ƒɔ.

Ala Kalɔ Buse 4:16

Ɔmmɔ ɔsu Kain ɔ́tɔlɔ Unwoti Katɔti anumi mmɔ na útélie kalɔ kani baalɔ Nod si álɛ Eden ésela ɔƒɛ katukɔ kakɛ.

Esekiel 31:16

Kugyii kɔmɛni kɔ́ƒɛ kúwi kalɔ na kúduo kekpine. Na bekyuli ƒui bánu na lɛlɔ lɛ́tɔ-ma. Na ɔban kemmo egyii ku Lebanon egyii aƒunadi abuni ani nkya kekpine mmɔ ánu ɔmɛni na lɛlɔ lɛ́yɔ-nya na kugyii kɔmɛni bukpi ɔsu.

Esekiel 31:18

“ ‘Ala amɛni ƒui adubo awɔ Egyipte ɔga ku ƒula bekyuli bɔbla! Bise aani egyii amɛni, na bɛ́kuku na bibo ɔkplu lɛnɔ geen na kalɔ lɛlɔ. Nsu ɔƒaani ni, badubo-mii bɔda bɔva kalɔ aani kalɛ kani na ɔ́lɛku ɔban kemmo egyii ammɔ na ékpi. Na bɛdubo kekpine buduo na bitáblaku bani nkya kekpine mmɔ unwi. Ama bábla ulikplu na bátayia Unwoti na batábu lɛla lɛdi lɛnɔ. Anwuɔsu békpi kukpi buɛ kɔmmɔ udu. Ami Unwoti Katɔti násu.’ ”

Esekiel 27:23

“ ‘Lɛni kani na awɔ ku bekyuli bani na bási lɛma linengudi lɛni ndi Haran ku Kane ku Eden ku Seeba ku Asur ku Kilmad bɛ́di kuye bɛ́sala.

Ala Kalɔ Buse 3:23

Anwuɔsu Unwoti Katɔti ɔ́bɔku-ma ɔ́lɛku Eden kemo kammɔ, na ɔ́su-ma ɔnii batátaatuma kalɔ kani kemmo na údie-ma ɔlɛku mmɔ.