Ala Kalɔ Buse 2:4 - Katɔti Ɔku Kedee

⁴ Kalɛ na bédie katɔ ku kalɔ kɔtɛ ndi amɛni. Uwi ɔni na Katɔti údie katɔ ku kalɔ ni,

Ala Kalɔ Buse 2:4 Referans Kwoze

Ala Kalɔ Buse 5:1

Kalɛ na Adam údie kaba na bénweni bése lɛlɔ kɔtɛ ndi ɔmɛni. Uwi ɔni na Katɔti údie ukyuli ni, údie-nwu na anwu Katɔti udu kenye.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Hiob 38:28

Bubo na ɔnantu ku amii ani mɔɔna bebo ɔti ɔni mɔɔtɔnku-ma?

Baga 1 18:39

Amu ka bekyuli bammɔ ƒui bánu ɔmɛni ni, báyu bátɛ kalɔ na baava momoomo na baasu banini, “Unwoti ndi Katɔti! Unwoti ndi Katɔti!”

Israelƒuɔ Bɔlɛ 15:3

Unwoti ɔdi ukpone geen. Na nwuna lɛnyi ndi Unwoti.

Ala Kalɔ Buse 36:1

Esau ɔni basɔ baalɔ lɛnɔ banii Edom lɛlɔ kɔtɛ na bɔdubo bunu mɛni.

Ala Kalɔ Buse 1:31

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.

Ala Kalɔ Buse 1:4

Na Katɔti ɔ́nu ka bukeye bɔmmɔ bɔdia. Na úle bukeye bɔmmɔ na lɛdisa kudɔ.

Kɔgya 18:31

Na ɔma lɛnɔ ndi Katɔti ɔmmɔ si ɔɔɔdi Blɔti? Ɔsika anwu kani ndi lɛtakpɛ lɛni lɛlɔ na bula kama kekpo.

Ala Alɛdi 2 20:6

na ɔ́kpali Unwoti úvele ɔnini, “Awɔ Unwoti ndi Katɔti ɔni na bula bati kuuku bákpa. Na eli katɔ kakaaka mmɔ na aadi kayawi kamɛni kadi biala bekyuli lɛlɔ. Na ebo ɔyikun geen ɔni na ukyuli ɔdi biala ulakana-a lɛlɔ bɔdi.

Israelƒuɔ Bɔlɛ 6:16

Na bamɛni ndi Lewi bebi anyi na kalɛ na bénweni-ma anyi bése kenye. Gerson ku Kahat ku Merari. Na Lewi úlie ngba akwa eti anyɔ ku avlaatɛ maatɛ (137).

Ala Kalɔ Buse 36:9

Esau ɔni nédie kaba kani ndi Edom kadi bekyuli na Seir lɛlɔ kɔtɛ na bɔdubo bunu mɛni.

Ala Kalɔ Buse 25:19

Abraham ubidi Isak lɛlɔ kɔtɛ na bɔdubo bunu mɛni. Úbebo úte ka Abraham ɔ́wɔ Isak.

Ala Kalɔ Buse 25:12

Abraham ulekubi kabla ɔblane ɔni baalɔ Hagar ubi ɔni na ɔ́wɔ úte Abraham na baalɔ-nwu Ismael ni, nwuna lɛlɔ kɔtɛ na bɔdubo bunu mɛni.

Ala Kalɔ Buse 11:10

Sem lɛlɔ kɔtɛ na bɔdubo bunu mɛni. Ɔbla aani akwa anyɔ kama na ɔnantu ɔmmɔ bɔna kama uwi ɔni na Sem ɔ́ƒɔ akwa eti anyɔ ni, úbawɔ ubi ɔni baalɔ Arƒaksad.

Ala Kalɔ Buse 10:1

Noa bebi bani ndi Sem ku Ham ku Yaƒet na ama lɛnɔ bawɔ bebi na ɔnantu bɔna kama ni, bana lɛlɔ kɔtɛ na bɔdubo bunu mɛni.

Ala Kalɔ Buse 1:28

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Ala Kalɔ Buse 1:1

Na kayawi kalɔ kesekɔ ƒui ni, Katɔti údie katɔ ku kalɔ.

Budie Taatina 16:5

Amu na línu ka ɔtu ɔni mɔɔnu ntukpa lɛlɔ ɔ́su ɔnini, “Awɔ ɔni nli na élie ni, awɔ nse kedee. Ɔsika átɛ etemila amɛni ƒui na ulu siin lɛlɔ.

Budie Taatina 11:17

Na baasu banini, “Blɔti ɔni mbo ɔyikun ƒui, ɔni nli na úlie, bɔɔgyá-a enu, ɔsika áƒɔ ƒula ɔyikun ubendi na ése kalɔ aadi lɛlɔ!

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.

Ala Kalɔ Buse 1:3

Amu na Katɔti údie lɛdi ɔnini, “Bukeye bubo,” na bukeye búbo.

Ala Kalɔ Buse 2:3

Na limeyi lɛmmɔ lɛdanku kusɛ kusɛ na lise kedee ka ɔ́ƒuna-ni úse ɔsu. Ɔsika limeyi lɛmɛni lɛlɔ na ɔ́nwuna ɔni na údie ala ƒui ɔ́wɔlɔ.

Hiob 38:4

“Dɛ na lɛ́kya kayawi awodu ɔka kalɔ? Na wɛ na akya uwi ɔmmɔ?