Ala Kalɔ Buse 19:9 - Katɔti Ɔku Kedee

⁹ Amu na Sodom banana bammɔ básu-nwu banini, “Gyu lɛgba bula anumi.” Na básu lɛnɔ banini, “Ɔƒɔ na Lot ɔmɛni ɔdi na úbeduo-bu, na ɔƒɛni amu úti lɛlɔ ɔ́bla bula litemi ɔtɛne. Bɔdubo awɔ ɔlati ɔmmɔ lɛla lɛdi bɔbla butulo bekyuli bani néduo-ɔ si átanu kaduɛ!” Na bénye-nwu lɛlɔ geen ɔni na baayɔ́ babwɛ kayakun kammɔ beduo ɔtɔ muedi.

Ala Kalɔ Buse 19:9 Referans Kwoze

Israelƒuɔ Bɔlɛ 2:14

Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”

Ala Kalɔ Buse 13:12

Abram úlie Kanaan kalɔ lɛlɔ. Na Lot ɔ́tu nwuna nvo na kalɔ ƒiaa ntɛ kesii kani nde Sodom.

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Etemila 10:13

Badɔlɔdi balabla kasusu si baatɛmi. Na ɔmmɔ muuboku-ma ɔgbankpi na kawɔlɔkɔ.

Etemila 9:3

Nka ubo ɔkplu na ɔɔɔdia ka kɔnyana litemi lɛmɛni udu lɛlɛku bekyuli babuni ku bekpidi ɔsala. Bula ngba uliewi ƒui ni, bɔdi bekyuli bani na bɔ́sɔ na bɔ́dɔlɔ lɛnɔ. Ɔmɛni kemmo kani na bɔɔkya laa na buti bukpi.

Agba 27:3

Lɛtabi libo unu na kɔnwinimi kuse gbɛn, nsu kayi kemmo ɔlɛ ɔni na ɔdɔlɔdi ɔɔkya ukyuli kayi ni, ubo unu utulo alakpa anyɔ ammɔ ƒui.

Agba 17:12

Si awɔ ku ebuo ukpidi ɔni na lɛla lɛdi líƒie-nwu bebi bɛ́sa ni, ebo bɔƒɔ utulo ka enwini ɔdɔlɔdi kasusu na nwuna kɔdɔlɔ ulu lɛlɔ.

Agba 14:16

Banundane baatí lɛlɔ kalɛ na beekeli ɔgbankpi. Badɔlɔdi ama baatu lili taakya lɛla biala kemmo ku kayi kekpidi.

Samuel 1 25:17

Anwuɔsu, ti litemi lɛmɛni lɛlɔ kasusu na anu kalɛ na bɔdubo bɔbla, ɔsika ɔgbankpi ɔ́ɔsi ɔdubo bula ɔtɔlati ku nwuna kaduli bekyuli ƒui lɛlɔ. Na bula ɔtɔlati ubo lili ɔkplu ɔni na uláwia ka unu ukyuli ɔdi litemi.”

Samuel 1 17:44

“Awɔ, bo mɛni na lɛtina-a lɛla lɛdi. Ndubo-ɔ bɔmɛnɛ eku eku lite baasɛ ku beƒiebuo na bakun!”

Ala Kalɔ Buse 11:6

Mmɔ na ɔ́su ɔnini, “Si bekyuli bamɛni badi benwi na baatɛmi lɛdi linwi na béese kalɔ badaku lɛla lɛmɛni udu bɔbla ni, amu lɛla lɛdi liiibo na si béti-ni kasusu na balakana bɔbla.

Samuel 1 2:16

Uwi pii si úbo lɛni ni, bɔsu na bekyuli bammɔ baasu banii kabla ɔblane ɔmmɔ ɔlati udie lɛni na ɔɔyɔ́. Mmomu ɔya na baka-ni buti bɔkpa bute Unwoti asa. Nsu kabla ɔblane ɔmmɔ ɔɔsu-ma ɔnini, “Oowo, na si bitenu-mi kalɔ bɔdi ni, ndubudie lɛni mɔɔyɔ́ ɔkplu kemmo.”

Esekiel 16:49

“ ‘Bátaatalaku lɛlɔ katɔ na bébile lɛlɔ. Na ala ƒui ása-ma, nsu ina amu béni na bétebunku bawabane ku bani na balakana na bebunku lɛlɔ na ulu ɔdi lɛlɔ.