Ala Kalɔ Buse 19:5 - Katɔti Ɔku Kedee

⁵ Amu na bákpali Lot beye-nwu banini, “Ntele bekyuli bani néduo-ɔ. Kpanku-ma boku na abu ku-ma bɔtɛ aani ɔnana ku uleku.”

Ala Kalɔ Buse 19:5 Referans Kwoze

Litemi Batɛne 19:22

Uwi ɔni bakya baaní taakɛ ebiti ni, bekyuli bekpidi bani nkya ɔma ɔmmɔ kemmo bábaka bámana unengu ɔmmɔ kaduli. Na bakya beebó kaduli kammɔ kayakun, na baakpali unengu ɔni mbo kaduli kammɔ ka udie ɔnana ɔni néduo-ma kaduli mmɔ ɔlɛku na ama ku-nwu batɛ.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Lewiƒuɔ Ɔda Bubo 18:22

“ ‘Útalɛka ɔnana ku ɔnana batɛ aani kalɛ na uleku ku ɔnana baatɛ. Ɔmɛni ɔdi lɛla lɛni muusé Unwoti lɛlɔ.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Esekiel 16:51

“ ‘Amii Yerusalemƒuɔ bɛ́bla ekpidi ani na etulo Samariaƒuɔ adi kunyɔ. Na bina alaekpidi ani udu na bɛ́bla ni, ɔ́ya na mɔɔnu Samaria ku Sodom aani si lɛla lɛdi lɛɛɛda-ma na bátabla ekpidi adi munu munu.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Esekiel 16:49

“ ‘Bátaatalaku lɛlɔ katɔ na bébile lɛlɔ. Na ala ƒui ása-ma, nsu ina amu béni na bétebunku bawabane ku bani na balakana na bebunku lɛlɔ na ulu ɔdi lɛlɔ.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yesaia 1:9

Si Blɔti Ɔyikune Ƒui útebu bula ɛlɛɛ badi útese kama ni, bɔdubo udu bɔyii aani kalɛ na Sodom ku Gomora lɛma lɛ́yii udu.

Lewiƒuɔ Ɔda Bubo 20:13

“ ‘Si ɔnana ku ɔnana batɛ aani kalɛ na uleku ku ɔnana baatɛ ni, ɔlɛka badu-ma na bana ubugya ɔdubɔsia-ma lili.

Petro 2 2:2

Baƒɔtaadine pii lɛnɔ badubɔbla ala ekpidi ani na ɔkɔ ala batinane bamɛni baabla. Na si bani nátaƒɔ bátadi bánu lɛla lɛni baƒɔtaadine bamɛni baabla ni, ama lɛnɔ badubɔtɛmi enyekpi na Kristo bɔƒɔtaadi lɛlɔ.

Petro 2 2:7

Katɔti údie Lot ɔni nse siin, ɔsika ngba bukpidi ku lɛyalɛ ala ani na bekyuli bammɔ baabla áda-nwu ɔƒɛ.

Ala Kalɔ Buse 19:6

Mmɔ ni, Lot ɔ́vi ɔlɛ útásiaku-ma na keyi, na ɔ́kalɛ ɔ́da-ma.

Lɛkpa Ulu 23:17

Na Israelni ɔnana iye uleku ɔdi utenwini ɔyalɛ na koƒiodu kɔdi.

Baga 1 14:24

Na bebo banana na bakya aƒiodu ammɔ na benye bete lɛyalɛ ala bɔbla kani na kalɔ kammɔ ƒui lɛlɔ. Na Israelƒuɔ ƒui béti lɛlɔ béte ala ani muusé lɛlɔ bɔbla aani kalɛ na bekyuli bani na Unwoti ɔ́bɔku ɔ́lɛku kalɔ kammɔ lɛlɔ na Israelƒuɔ anumi baabla.

Baga 1 22:46

Na ɔ́bɔku banana bayalɛ bakladi bani na ɔti Asa útabɔku na bamu baakpá na abi lɛlɔ mmɔ.

Esekiel 16:50

Bákali ka bádia betulo ukyuli biala na baabla ala ani na nkisi. Anwuɔsu na lɛ́yila-ma udu.