Ala Kalɔ Buse 19:3 - Katɔti Ɔku Kedee

³ Nsu Lot únye-ma lɛlɔ kpakplaa útédu ka ɔ́ya na bánwa adila béte-ma. Na úƒi bodobodo ɔni kemmo na bɔnyii buuubo béte-ma na bádi.

Ala Kalɔ Buse 19:3 Referans Kwoze

Samuel 1 28:24

Ɔmmɔ kama uleku ɔmmɔ úƒie koƒonu kɔkɔdi kɔdi na kúlie lɛmwi kaduɛ na ɔ́du-ku. Na ɔ́ma ɔlaaƒɔ ɔdi lɛnɔ na ɔ́nwu na úƒi bodobodo ɔni kemmo na bɔnyii buuubo.

Litemi Batɛne 6:19

Amu na Gideon únwini úsie kaduli na útádu ese ɔkɔdi ɔdi na ɔ́bla kutu ƒɛƒɛɛ na úti ɔlaaƒɔ ɔni kemmo na bɔnyii buubo, na úƒi bodobodo na úti ala ammɔ ƒui ɔ́kya kagyigyɛ kemmo ku lɛna ku kutu lɛnwabui lɛmmɔ ƒui úboku kugyii kubendi kɔmmɔ kalɔ úbete-nwu.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Korintoƒuɔ 1 5:8

Anwuɔsu ni, bitaya na bɔdi bula Kukpi Lili Bɔvia Limeyi ku bodobodo ɔni kemmo na bɔnyii bɔkukudi bɔni ndi likpidi ku likyulikpi ala ani bɔɔbla akya. Mmomu bɔɔdi limeyi lɛmɛni ku bodobodo ɔni kemmo na bɔnyii buuubo na bɔɔtina ka bɔɔɔdi anumi lɛlɔ bekyuli. Mmomu bɔkɛnku litemi geen lɛmmɔ.

Israelƒuɔ Bɔlɛ 12:39

Ka bɔbɔku na bábɔku-ma bálɛku Egyipte kalɔ lɛlɔ ɔsu ni, bátakɛ kɔnu na banwa adila adi bada. Mmomu bodobodo ɔni básiku Egyipte na bɔnyii buuubo-nwu kemmo mmɔ na béti béƒi bodobodo wɛlɛ wɛlɛ ɔdi.

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Yohane 12:2

Mmɔ ni, bánwa Yesu ebiti bɔkya adila na anwu ku nwuna badi bádi. Na Marta néti adila ammɔ útése-ma. Lasaro lɛnɔ ɔ́kya Yesu ku bani mɔɔdi mmɔ akɔ.

Luka 14:23

“Amu na Unwoti ɔmmɔ ɔ́su-nwu ɔnini, ‘Sie na asia umolu ku akpaklɔ lilu na akya ɔkplu na akpanku bekyuli ƒui eboku kalɛ na mina ɔtɔ ɔmmɔ kemmo ƒui keyi.

Luka 11:8

Si úbo úte lɛni ni, bi na adubo bɔbla? Mɔɔsu-ɔ nnii si nka kɔkpana kenye lɛti ɔsu ni, ulata. Nsu kalɛ na enye eevele-nwu taasia kama ɔsu ni, ɔdubɔta na ute-ɔ lɛla biala lɛni na aawia.

Luka 5:29

Lewi ɔ́ya na bánwa adila abuni ɔnii uuti ɔkya Yesu kubiti na nwuna kaduli. Na bekyuli pii bébo mmɔ ku kuyi baƒɔne bamba lɛnɔ.

Baga 2 4:8

Dii ni, Elisa úsie Sunem na uleku ɔlakɛne ɔdi uli mmɔ. Na uleku ɔmɛni ɔ́lɔ Elisa kadikɔ. Anwuɔsu uwi biala na Elisa wavi mmɔ ni, uudí teenye uleku ɔmɛni kudɔ na ɔɔdi.

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Ala Kalɔ Buse 21:8

Isak úbabi lɛlɔ na basɔ belete-nwu lɛnyi. Na uwi ɔmɛni kemmo ni, Abraham ɔ́di limeyi libendi lɛdi.

Ala Kalɔ Buse 19:2

Mmɔ na ɔ́su ɔnini, “Ati bene, buvele binwini bibo-mi kaduli mɛni na bibaƒɔ bina lɛgba na bɛtɛ-mi kudɔ. Na si kadi kégye ni, na bɛsɔ bɛyu ulu biteesie ƒaa.” Amu na bédie kenye banini, “Oowo, kalɔ ntɛ na kadi kasakɔ, na bɔdubo bunye usien umodi.”

Ala Kalɔ Buse 24:31

Na ɔ́su-nwu ɔnini, “Katɔti kusɛ kusɛ ɔsiaku-ɔ geen. Bo na buteesie. Tasɔ tenye libiɔ lɛmmɔ kɔtu lɛni. Lɛ́ɛklibi ɔtɔ ku bebuo bammɔ kakyakɔ ƒui líse.”

Ala Kalɔ Buse 26:30

Amu na Isak ɔ́ya na bánwa adila abuni geen béte-ma na bádi na báni na bákɛ ebiti kaduɛ.