Ala Kalɔ Buse 18:1 - Katɔti Ɔku Kedee

¹ Na uwi ɔdi kama ni, Unwoti údie lɛlɔ ɔ́tina Abraham na Mamre egyii enengudi kudɔ uwi ɔni na ulie nwuna kevo kenye ka kadi kábi ɔsu.

Ala Kalɔ Buse 18:1 Referans Kwoze

Ala Kalɔ Buse 14:13

Na ukyuli ɔni kani nákana bukeli ni, anwu nébo ubedie litemi lɛmɛni kalɔ úte Abram, Hebrini ɔmmɔ. Na uwi ɔmmɔ kemmo ni, Abram kakyakɔ kedenku Mamre egyii enengudi ammɔ. Na Mamre ɔmɛni ɔdi Amorini ɔni ndi Eskol ku Aner ɔnwani. Na bekyuli bamɛni ƒui ni, ama ku Abram básala lɛlɔ na badi benwi.

Ala Kalɔ Buse 13:18

Anwuɔsu Abram ɔ́ta mmɔ ku nwuna ala ƒui na úsie kesii kani na Mamre egyii enengudi enye na Hebron kalɔ lɛlɔ. Na mmɔ na ɔ́tu lɛkpabi úte Katɔti.

Ala Kalɔ Buse 48:3

Amu na Yakob ɔ́su Yoseƒ ɔnini, “Unwoti Katɔti údie lɛlɔ ɔ́tina-mi na kesii kani baalɔ Lus na Kanaan kalɔ lɛlɔ. Na mmɔ ni, úte-mi kusɛ kusɛ.

Ala Kalɔ Buse 26:2

Katɔti údie lɛlɔ ɔ́tina Isak na ɔ́su-nwu ɔnini, “Tatɔlɔ tesie Egyipte kalɔ lɛlɔ. Mmomu sɔ lie kalɔ kani na lɛ́tina-a lɛlɔ.

Batalane Kabla 7:2

Amu na Steƒano údie kenye ɔnini, “Ati bene ku mina banwa, binu kaduɛ ka ni, Katɔti údie lɛlɔ ɔ́tina bula Nana Abraham na Mesopotamia kalɔ lɛlɔ asa na ɔ́ta mmɔ úsie kalɔ kani baalɔ Haran lɛlɔ.

Ala Alɛdi 2 1:7

Na usien ɔmmɔ ni, Katɔti údie lɛlɔ ɔ́tina Salomo na ɔ́su-nwu ɔnini, “Salomo, vele-mi lɛla biala na aayɔ́ na ndubuti-ni lite-ɔ.”

Ala Kalɔ Buse 17:22

Na ka Katɔti ɔ́wɔlɔ Abraham bɔtɛmiku ni, ɔ́tɔlɔ úsie katɔ.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Israelƒuɔ Bɔlɛ 4:1

Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Hebriƒuɔ 11:9

Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Ala Kalɔ Buse 18:22

Amu na bekyuli bammɔ bátu bénwini bésie Sodom kakɛ, nsu Abraham anwu ɔ́sɔ únye mmɔ ɔɔnu Unwoti anumi.

Ala Kalɔ Buse 20:1

Na uwi ɔmmɔ kemmo ni, Abraham ɔ́ta kesii kani na úlie mmɔ na úsie Negev kalɛkɛ lɛlɔ. Na útélie Kades ku Sur lɛma ntɛ. Na ɔ́ƒɔ lɛlɔ ɔ́kya Gerar ɔma kemmo uwi blii ɔdi.

Ala Kalɔ Buse 35:27

Na Yakob ulu busie kemmo ni, úbedu ɔti kudɔ na bana ɔma Mamre ɔni na ude Kiriat Arba ɔni basɔ baalɔ banii Hebron. Mmɔ na Abraham ku Isak bélie dii.

Yosua 5:13

Uwi ɔni na Yosua ɔni uude Yeriko ni, ka ɔ́talaku anumi ni, kɔnakunwi kani na ɔ́nu ɔnana ɔdi ka unye-nwu anumi na ɔ́da kewii kagyɔlɔɔ kadi. Amu na Yosua ɔni ude-nwu na úye-nwu ɔnini, “Adi bula bekpone akɔ unwi, munuu ukisine na adi-bu?”