Ala Kalɔ Buse 17:1 - Katɔti Ɔku Kedee

¹ Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 17:1 Referans Kwoze

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Ala Kalɔ Buse 6:9

Noa ngba litemi na bɔdubo bunu mɛni. Noa ɔdi ukyuli ɔni nse siin na likpidi lɛdi lɛɛɛda-nwu na bakladi akɔ. Na ɔ́siaku Katɔti kama geen.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Kɔgya 116:9

Na nli mɔɔdi ƒula etemila lɛlɔ geen na bayawine akɔ.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Yesaia 38:3

“Unwoti, nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Lɛkpa Ulu 18:13

Na bɛnu kaduɛ kalɛ na lɛla lɛdi lilada-mii na bina Unwoti anumi.

Mateo 19:26

Amu na Yesu ɔ́nu-ma anumi na ɔ́su-ma ɔnini, “Ɔyawine biala ulakana ɔmɛni bɔbla. Nsu Katɔti anwu ni, ɔɔkana lɛla biala bɔbla.”

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Ala Kalɔ Buse 28:3

Unwoti Katɔti kusɛ kusɛ ɔsiaku-ɔ na ɔya na awɔ bebi na bemomo na benwini kadi bekyuli pii.

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Baga 1 3:6

Amu na Salomo údie kenye ɔnini, “Édie kɔnyana bɔnu geen átina ƒula kabla ɔblane ɔni ndi mina ɔti Dawid. Ɔsika ɔ́bla ala ulu lɛlɔ na úse siin na nwuna kayi kemmo na ƒula anumi. Na ésie anumi na eedie kɔnyana bɔnu bɔmɛni taatina-nwu, na éte-nwu anwu ɔlati kaƒɔ ubi anii úlie nwuna liboku lɛlɔ ɔmwi kadi.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Ala Kalɔ Buse 35:11

Amu na Katɔti ɔ́su-nwu ɔnini, “Ami ndi Unwoti Ɔyikune Ƒui. Wɔ na bimomo! Kadi kadi bekyuli badubɔlɛ basi ƒula kadi bekyuli akɔ. Na baga baga badubɔlɛ basi-ɔ lɛlɔ kemmo.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Ala Kalɔ Buse 48:15

Amu na úte Yoseƒ kusɛ kusɛ na ɔ́su ɔnini, “Unwoti Katɔti nátɔnku mina bati bani ndi Abraham ku Isak. Unwoti Katɔti anwu náda-mi na mina ngba emeyi kemmo ƒui aani baƒonu ɔdane kalɛ.

Ala Kalɔ Buse 12:1

Na uwi ɔmmɔ kemmo ni, Unwoti ɔ́su Abram ɔnini, “Tɔlɔ ƒula kalɔ lɛlɔ, ku ƒula bekyuli kudɔ ku ƒ'ɔti kaduli na eteesie kalɔ kani na matina-a lɛlɔ.”

Ala Kalɔ Buse 5:24

Na Henok ɔ́siaku Katɔti kama geen ɔni na Katɔti útiku-nwu ɔ́tɔlɔku na ɔdi ɔ́sɔ útanu-nwu kudii.

Batalane Kabla 23:1

Amu ka Paulo ɔ́tɛ anu na ɔ́nu Yudaƒuɔ litemi batɛne bani nása bélie litemi katɛkɔ mmɔ kpoo ni, ɔ́su-ma ɔnini, “Banwa, mina kayi kaladu-mi kɔtɔ kɔdi na Katɔti anumi úbedu ɔmwi kadi kamɛni lɛlɔ.”

Kɔgya 115:3

Bula Katɔti ɔkya katɔ na ɔɔbla lɛla lɛni mɔɔyɔ́-nwu kaƒɔ.

Hiob 11:7

“Bɔkana na adubɔkana Unwoti Ɔyikune Ƒui akɔla ala budie taatina bɔkɔku bɔnu, na awia-nya kalɔ ati etédu ana kawɔkɔ?

Baga 1 2:4

Ɔmmɔ ndubɔya na Unwoti wadi nwuna kenye kani na úse-mi lɛlɔ ɔni na ɔ́su-mi ɔnini, ‘Si ƒula bawɔ básia bana keliela anu na baadi mina etemila lɛlɔ na basiaku-mi kama siin ku bana kɔyu ku kayi ƒui ni, bana akɔ na ubi ɔnanabi ɔdubɔsi na ulie Israelƒuɔ lɛgaboku lɛlɔ uwi biala kemmo.’ ”

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Bumomo Bɔka 11:23

Amu na Unwoti údie Mose kenye ɔnini, “Si lídie kɔnu nnii mɔɔbla lɛla lɛdi ni, bɔsɔ na mina ɔyikun ɔ́sɔ? Adubo bɔnu si lɛla lɛni na lɛ́su lɛdubo-nwu kemmo lɛni iye lilebo.”

Israelƒuɔ Bɔlɛ 6:3

Na lídie lɛlɔ lɛ́tina Abraham ku Isak ku Yakob ka ami ndi Katɔti Ɔyikune Ƒui. Na Unwoti lɛnyi lɛni na mɔɔdi ni, ńtedie-ni keyi ńtatina-ma tɔ?

Ala Kalɔ Buse 18:1

Na uwi ɔdi kama ni, Unwoti údie lɛlɔ ɔ́tina Abraham na Mamre egyii enengudi kudɔ uwi ɔni na ulie nwuna kevo kenye ka kadi kábi ɔsu.

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Baga 1 8:25

“Na ɔƒɛni ni, Unwoti, Israel Katɔti, muuvele-ɔ ka kenye kani na ése mina ɔti Dawid uwi ɔni na ásu-nwu anini, ‘Ndubo bɔya na ƒula kaba kemmo ubi ɔnanabi utaadi lɛga na Israel uwi ƒui si baadi mina ɔda bubo lɛlɔ kaduɛ aani kalɛ na ábla,’ ubo-nwu kemmo.

Ala Kalɔ Buse 16:16

Ɔƒɛni na uwi ɔmmɔ kemmo ni, Abram ɔ́ɔƒɔ akwa liti ku avlaatɛ-ɛku.

Ala Kalɔ Buse 5:22

Na Metusala bɔwɔ kama ni, Henok ɔ́siaku Katɔti kama geen akwa eti aku (300) na ɔ́wɔ bebi bananabi ku belekubi bamba.

Ala Kalɔ Buse 24:40

“Mmɔ na údie kenye ɔnini, ‘Katɔti ɔni mɔɔnu kalɛ na nlie ngba nte-nwu ni, ɔdubɔtala nwuna ɔtu na ɔsiaku-ɔ na ulu ɔni na adubo busie kemmo na lɛla biala lɛtɛ. Na adubɔkɛ uleku eboku mina ubi asiku mina kɔdua ku mina ɔti kaduli bekyuli akɔ.

Ala Kalɔ Buse 26:2

Katɔti údie lɛlɔ ɔ́tina Isak na ɔ́su-nwu ɔnini, “Tatɔlɔ tesie Egyipte kalɔ lɛlɔ. Mmomu sɔ lie kalɔ kani na lɛ́tina-a lɛlɔ.

Ala Kalɔ Buse 43:14

Na muuvele Unwoti Katɔti nnii ɔnu-mii kɔnyana na ɔya na ɔnana ɔmmɔ kayi kayɔ na ɔnyonu Benyamin ku ɔnwani ɔni na úƒie úse, na basiaku-mi na bɛsɔ binwini bibo. Nsu ami amu ni, si kukpi kɔ́du-mi ni, bɔdu na kɔ́du-mi.”

Ala Kalɔ Buse 46:3

Mmɔ ni, Unwoti Katɔti ɔ́su-nwu ɔnini, “Ami ndi ƒula Unwoti Katɔti, na ndi ƒ'ɔti lɛnɔ Unwoti Katɔti. Tayia ka esie Egyipte, ɔsika ndubɔya na bimomo na bɛbla kadi bekyuli bani mbo ɔyikun geen na mmɔ.

Lɛkpa Ulu 30:20

Anwuɔsu bɛyɔ bina Unwoti Katɔti na binu-nwu litemi, na biti bina anu bɛsia-nwu lɛlɔ kaduɛ. Ɔmɛni ndubɔya na amii ku bina bawɔ belie ngba gyɔlɔɔ na kalɔ kani na Unwoti ɔ́su úse ka wete bina bati kuuku bani ndi Abraham ku Isak ku Yakob.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Ala Kalɔ Buse 48:3

Amu na Yakob ɔ́su Yoseƒ ɔnini, “Unwoti Katɔti údie lɛlɔ ɔ́tina-mi na kesii kani baalɔ Lus na Kanaan kalɔ lɛlɔ. Na mmɔ ni, úte-mi kusɛ kusɛ.

Bumomo Bɔka 24:16

Etemila ani na ukyuli ɔni muunú lɛla lɛni na Katɔti ɔɔsu ubo na udie, ukyuli ɔni úbo lɛlati ɔsiku Katɔti kudɔ, ukyuli ɔni mɔɔnu budie bɔtina taasiku Ɔyikune Ƒui kudɔ, ukyuli ɔni náyu ɔ́tɛ na nwuna anumi ebi kalɔ nsu ɔɔnu nwaa.

Agba 10:9

Na bekyuli bani mɔɔdi litemi lɛlɔ ulu lɛlɔ ni, balánya teegyiile. Nsu bani kasiakɔ nse gontii ni, badubo bugyiile bubuli.