Ala Kalɔ Buse 16:8 - Katɔti Ɔku Kedee

⁸ Mmɔ na ɔ́kpali-nwu ɔ́su-nwu ɔnini, “Hagar, Sarai ubi ulekubi, wɛ na ási na wɛ na ésela?” Amu na Hagar údie kenye ɔnini, “Bukeli na nda mina kɔduni Sarai kudɔ.”

Ala Kalɔ Buse 16:8 Referans Kwoze

Ala Kalɔ Buse 3:9

Nsu Unwoti Katɔti ɔ́kpali ɔnana ɔmmɔ ɔnini, “Wɛ na akya?”

Ala Kalɔ Buse 4:10

Amu na Unwoti úye Kain ɔnini, “Bi ɔsu na ábla likpidi bonwu lɛmɛni udu? Nu! Mɔɔnu ƒ'ɔwani ubugya ɔni nwi kalɔ. Use aani ukyuli mɔɔkpali ɔnii nkpo nte-nwu.

Etemila 10:4

Si ƒula ɔtɔnkune ɔ́kɛ kɔnyi ɔ́kya-a ni, teni ƒula kabla na ada-ka ewi. Ɔsika lɛlɔ kalɔ buboku buɛɛ uutile na uuboku kɔnyi ku ala pii kalɔ.

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.

Ala Kalɔ Buse 16:4

Na ka anwu ku Hagar bátɛ ni, ɔ́da kaƒɔ. Uwi ɔni na Hagar ɔ́nu ɔ́ti ka ɔ́ɔda kaƒɔ ni, ɔsɔ ulakpete nwuna kɔduni.

Ala Kalɔ Buse 16:1

Na uwi ɔmmɔ kemmo ni, Abram ulekudi Sarai útawɔ ubi ɔdi útete-nwu tɔ. Nsu Egyipteni ulekubi ɔdi ɔ́kya-nwu kudɔ útaabla-nwu kabla ɔni baalɔ Hagar.

Ala Kalɔ Buse 16:9

Amu na Katɔti ɔtu ɔmmɔ ɔ́su-nwu ɔnini, “Sɔ nwini teesie ƒula kɔduni kudɔ na eboku lɛlɔ kalɔ ete-nwu.”

Baga 1 19:9

Mmɔ na útéduo lɛtakpɛ ubu ɔdi kemmo na ɔ́tɛ mmɔ usien umodi ɔmmɔ. Amu na Unwoti úye-nwu ɔnini, “Elia, bi na aabla mɛni?”

Baga 1 19:13

Na ka Elia únu lɛdi lɛmmɔ ni, ɔni nwuna awu ɔtɔdi úbi anumi na ɔ́lɛ úténye ubu ɔmmɔ kenye. Mmɔ na lɛdi lɛmmɔ líye Elia ɔnini, “Bi na aabla mɛni?”

Ala Kalɔ Buse 21:17

Katɔti únu ka ubi ɔmmɔ uuwulo. Amu na Katɔti ɔtu ɔdi ɔ́kpali úmene ɔ́si Katɔ na ɔ́su Hagar ɔnini, “Hagar, bi nébo? Tayia! Katɔti únu ka ɔnamu ɔmmɔ uuwulo na kesii kani na ɔtɛ.

Litemi Batɛne 19:17

Uwi ɔni na unengu ɔmɛni ɔ́nu belusiene bamɛni ka belie ɔblɔnu lɛlɔ ni, ɔ́kpɛ úde-nwu na úye-nwu ɔnini, “Wɛ na bɛ́si na wɛ lɛnɔ bísela?”

Baga 2 5:25

Na anwu lɛnɔ únwini úsie Elisa kudɔ. Amu na Elisa úye-nwu ɔnini, “Wɛ na ésie akya?” Mmɔ na Gehasi údie kenye ɔnini, “Ati, ńtesie kesi kesii.”