Ala Kalɔ Buse 16:2 - Katɔti Ɔku Kedee

² Ɔmmɔ ɔsu Sarai ɔ́su Abram ɔnini, “Unwoti ɔ́ya na naaawɔ. Anwuɔsu sie mina ulekubi kabla ɔblane kudɔ na bɛtɛ. Ɔƒɛni kalɛ ndubudie kaba bɔsiku nwuna bebi bani na ɔdubɔwɔ kemmo.” Abram lɛnɔ únu lɛla lɛni na Sarai ɔ́su-nwu kalɔ.

Ala Kalɔ Buse 16:2 Referans Kwoze

Israelƒuɔ Bɔlɛ 21:4

Na si nwuna unwoti náwia uleku úte-nwu, na anwu ku-nwu báwɔ bebi ni, na uleku ɔmmɔ ku nwuna bebi badi unwoti ɔmmɔ badi.

Ala Kalɔ Buse 18:10

Amu na Unwoti ɔ́su-nwu ɔnini, “Sɔsɔ ni, ndubɔsɔ linwini libo-ɔ kudɔ lɛkwa lɛni ndubo uwi ɔmɛni kalɛ. Na ƒ'ulekudi Sara ɔdubɔwɔ ɔnanabi.” Na uwi ɔmmɔ kemmo ƒui ni, Sara ɔkya kevo kemmo uunú lɛla lɛni na baasu, ɔsika bénwini kama bákya kayakun kammɔ.

Ala Kalɔ Buse 3:17

Na Adam anwu ni, Katɔti ɔ́su-nwu ɔnini, “Ka énu ƒ'ulekudi litemi na ádi kugyii kɔni ebi na líbo-ɔ ɔda nnii, ‘Tadi-ku ebi’ ɔsu ni, “Líwida kalɔ kammɔ ƒui na awɔ ɔsu. Na adubo abi bubo kana lɛlɔ asa na akɛ-ka lɛla lɛdi adi na ƒula ngba emeyi kemmo ƒui.

Kɔgya 127:3

Nu! Unwoti Katɔti muute bebi na baawɔ. Na bani mɔɔlɛ́ taasi uwele kaƒɔ kemmo ni, ɔdi nwuna lɛƒɔndia.

Rut Keliela Ɔku 4:11

Amu na benengu bammɔ ku bekyuli bani ƒui nli mmɔ básu banini, “Ɛɛn, bɔdi kenye bediene bute-ɔ. Na buuvele Unwoti bɔnii ulekubi ɔni ndubo ubelie-ɔ kaduli mmɔ ni, ɔbla-nwu aani Rahel ku Lea kalɛ. Rahel ku Lea bamɛni náwɔ bebi pii béte Israel. Na buuvele bɔnii kɛ akɛla pii na Eƒrata ɔtɔ ɔni kemmo na Unwoti ɔ́bla-a ukyuli ɔni náƒɔ kuye na Betlehem.

Ala Kalɔ Buse 30:22

Ɔmmɔ kama ni, Unwoti Katɔti ɔ́ya na Rahel ɔ́ti ka útayiƒala-nwu. Anwuɔsu ɔ́lɛmi-nwu kaƒɔ, na ɔ́wɔ ɔnanabi. Na ɔ́su ɔnini, “Unwoti Katɔti údie kɔƒa mina anumi.”

Ala Kalɔ Buse 25:21

Na Rebeka ɔmɛni ni, ɔdi udinkɔ. Anwuɔsu ni, Isak ɔ́kpali Katɔti na nwuna lili na nwuna tawɔ tawɔ ɔsu. Na Unwoti Katɔti lɛnɔ únu-nwu bɔkpali na ɔ́ya na ulekudi Rebeka úbada kaƒɔ.

Ala Kalɔ Buse 20:18

ɔsika nka Katɔti útile Abimelek ku nwuna kaduli bekyuli ƒui kɔwɔ kenye, ɔkɛnku Abraham ulekudi Sara litemi lɛmɛni ɔsu.

Ala Kalɔ Buse 17:16

Ndubute-nwu kusɛ kusɛ. Na ɔdi litemi geen ka anwu ɔlati ɔdubɔwɔ ɔnanabi ute-ɔ. Ndubute-nwu kusɛ kusɛ ɔni na ɔdubɔya na unwini kaba bekyuli pii uni. Na baga bani madi bekyuli lɛlɔ badubɔlɛ basiku-nwu lɛlɔ kemmo.”

Ala Kalɔ Buse 3:12

Amu na ɔnana ɔmmɔ údie kenye ɔnini, “Uleku ɔni na éti éte-mi ni, anwu néde ebi ammɔ adi úte-mi na lɛ́di.”

Ala Kalɔ Buse 30:6

Na Rahel ɔ́su ɔnini, “Unwoti Katɔti úte-mi ubo. Na únu-mi buvele na úte-mi ɔnanabi.” Ɔmmɔ ɔsu ni, ɔ́sia ɔnamu ɔmmɔ lɛnyi ɔnii Dan, na nwuna kalɔ ndi ubo bute.

Ala Kalɔ Buse 19:31

Limeyi lɛdi ni, ulekubi unengudi ɔ́su ɔnwani ɔnamudi ɔnini, “Bula ɔti ɔ́ɔbi lɛlɔ na ɔnana ɔdi uuubo mɛni na bulieku-nwu na bula ɔdi kenye.

Ala Kalɔ Buse 11:30

Ɔƒɛni Sarai ni, ɔdi udinkɔ na útawɔ kudii.