Ala Kalɔ Buse 13:11 - Katɔti Ɔku Kedee

¹¹ Ɔmmɔ ɔsu kalɔ kani nwi késie Yordan kakɛ mmɔ na Lot ɔ́ƒuna. Na ɔ́yu ulu úsie ɔƒɛ katukɔ. Mmɔ nkyuli inyɔ bamɛni bégyingyaku lɛlɔ.

Ala Kalɔ Buse 13:11 Referans Kwoze

Ala Kalɔ Buse 13:9

Aanu ka kalɔ kamɛni ƒui kewi ƒula anumi. Ya na bugyingyaku lɛlɔ. Na si awɔ ésie kɔdianu ni, na ami nteesie kɔmiinu.”

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.

Hebriƒuɔ 10:25

Bitaya na bɔda bɔsa bɔya aani kalɛ na badi badaku lɛlɔ bɔda teedie. Mmomu bɛya na bɔkya lɛlɔ ogya, na bɔbla lɛni butulo na uwi ɔni kemmo na limeyi linengudi lɛmmɔ lɛdaku bɔni teede geen mɛni kemmo.

Agba 27:10

Tenwini kama takya ƒula bakpana ku ƒ'ɔti bakpana na adubɔkɛ bebunkune uwi ɔni na ala étulo-ɔ, na elésie ƒula ɔtɔ kemmo bekyuli kudɔ. Ɔsika ɔdia ka esie ƒula ɔkpana ɔni nde-ɔ kudɔ utulo ka esie ƒula ɔtɔ kemmo ukyuli ɔni nkya ɔgyu kudɔ.

Kɔgya 119:63

Na bekyuli bani na baabu-ɔ na baadi ƒula ɔda bubo lɛlɔ ni, ama na mɔɔdiku kɔkpana.

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Ala Kalɔ Buse 13:14

Ɔmmɔ ɔsu ni, uwi ɔni na Lot ɔ́mami Abram lɛlɔ ni, Katɔti ɔ́su Abram ɔnini, “Talaku ƒula anumi na anu asi kesii kani na enye na anu esie katɔ kakɛ ku kada kakɛ. Na anu esie ɔƒɛ katukɔ ku ɔƒɛ kanukɔ.

Ala Kalɔ Buse 19:17

Ka bálɛ ɔma ɔmmɔ kemmo kani na batu bammɔ kemmo unwi ɔ́su-ma ɔnini, “Ɔdi biala ukeli momoomo na udie lɛlɔ na ɔgbankpi ɔni ndubo bɔlɛ kemmo. Na ɔdi utenwini utanu kama. Na ɔdi lɛnɔ utasu ɔnii uudí unye na kalɔ ntɛ mmɔ kesii kadi. Bikeli siin biteesie abi lɛlɔ. Si ɔɔɔdi lɛni bɛdubo bɔkywi!”

Ala Kalɔ Buse 13:10

Amu na ka Lot ɔ́kɔliku anumi na ɔ́nu ɔ́mana ni, ɔ́nu ka Yordan kalɔ kani nwi késela ƒui ni, ntu bɔkya-ka kemmo geen. Na kese aani Katɔti kemo kani na ɔ́bla na Eden. Na kese aani Egyipte kalɔ kani nwi késie ɔma ɔni ndi Soar kakɛ. Na uwi ɔni na ɔɔnu ala amɛni ƒui lɛni ni, ɔdi uwi ɔni na Katɔti útakyula tɔ Sodom ku Gomora kalɔ.

Ala Kalɔ Buse 13:12

Abram úlie Kanaan kalɔ lɛlɔ. Na Lot ɔ́tu nwuna nvo na kalɔ ƒiaa ntɛ kesii kani nde Sodom.

Esekiel 47:18

“Na ɔmii ɔni na ɔƒɛ katukɔ kakɛ ɔmii ɔdubuse kalɔ ɔsi ɔmii ɔni nkya Damasko ku Hauran lɛga kadikɔ kalɔ ɔmii lɛlɔ. Na ɔdubuti ɔyu kada kakɛ na ɔkɛ Yordan Ketu kani néle Gilead ku Israel kɔlɛkɛ. Na ɔdubusie útáwɔlɔ na Ɛpugyie na kesii kani nde Tama ɔma.