Ala Kalɔ Buse 12:6 - Katɔti Ɔku Kedee

⁶ Abram úsie ɔ́vi kalɔ kammɔ ƒui kemmo útédu kesii kani na More kugyii kunengudi kunye na Sekem. Na uwi ɔmmɔ kemmo ni, na Kanaan kadi bekyuli nli mmɔ.

Ala Kalɔ Buse 12:6 Referans Kwoze

Hebriƒuɔ 11:9

Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.

Lɛkpa Ulu 11:30

Bɛgyi ka abi anyɔ amɛni ede ɔma ɔni baalɔ banii Gilgal na Araba Kɔwɛ kemmo na Yordan kalɔ lɛlɔ. Na mmɔ ɔkya Yordan Ketu ɔƒɛ kanukɔ kesii kani baalɔ More na egyii enengudi enye mmɔ.

Ala Kalɔ Buse 35:4

Ka ɔ́su-ma lɛni ni, bálɛku baƒiɔ lidu ƒui béboku-nwu na Yakob úku-ma ɔ́kya kugyii bonwu kɔdi nnye mmɔ kalɔ na Sekem mmɔ.

Litemi Batɛne 7:1

Kadi kégye ɔtanta tutuutu Yerubaal ɔni ndi Gideon ku nwuna bekpone bátábɛ bakya Harod libiɔ kɔmadɔ. Nsu kesii kani na Midianƒuɔ bátábɛ bakya ni, kakya Gideon bekyuli kada kakɛ na kɔwɛ kɔni nde More kɔbi kudɔ.

Ala Kalɔ Buse 13:7

Ɔmɛni úbaya na kadɔ keduo Abram bebuo lɛlɔ banune ku Lot bebuo lɛlɔ banune ntɛ. Na uwi ɔmmɔ kemmo lɛnɔ ni, Kanaanƒuɔ ku Perisiƒuɔ bakya kalɔ kammɔ kemmo.

Batalane Kabla 7:16

Na básɔku bana ƒui bésienku ɔma ɔni baalɔ Sekem. Na bátáva-ma mmɔ na kaƒiɔtɔ kani na Abraham úye ɔ́siku Hamor kaba kudɔ kemmo.

Yohane 4:5

Amu na ɔ́kpɛ úde ɔma ɔni baalɔ banii Sikar ɔni nde kemmo kani na bana Nana Yakob úte ubidi Yoseƒ.

Baga 1 12:1

Rehabeam úsie Sekem, ɔsika Israelƒuɔ ƒui bésie mmɔ ka bétése-nwu lɛga.

Litemi Batɛne 9:1

Gideon ubidi Abimelek úsie uni banwani bananabi kudɔ na ɔma ɔni baalɔ Sekem, na útásu-ma ku uni kɔdua bekyuli ƒui ɔnini,

Yosua 24:32

Na Yoseƒ likubi lɛni béti básiku Egyipte kalɔ lɛlɔ ni, béti likubi lɛmmɔ bátava na Sekem kalɔ lɛlɔ. Kalɔ kammɔ na Yakob úye egulabi ɔƒualadi eti anyɔ ɔ́siku Hamor bebi unwi ɔni ndi Sekem Ɔti. Na kalɔ kammɔ na béti béte Yoseƒ kaba bekyuli.

Yosua 20:7

Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.

Ala Kalɔ Buse 34:2

Uwi ɔni na Hamor ubidi Sekem ɔni ntɔnku Hiwiƒuɔ ɔ́nu ulekubi ɔmɛni ni, úƒie-nwu na ɔ́yɔ-nwu mmɔ kani.

Ala Kalɔ Buse 33:18

Ka Yakob ɔ́tɔlɔ Mesopotamia kalɔ lɛlɔ mmɔ ni, úbeduo Sekem na Kanaan kalɔ lɛlɔ buɛɛ. Mmɔ ni, ɔ́sɔ ɔ́lɛ kevo bamba. Na si enye mmɔ ni, aanu Sekem ɔma unengudi ɔmmɔ teemene.

Ala Kalɔ Buse 10:15

Na Kanaan ubidi udeedi ndi Sidon ku nwuna kaba kemmo bebi babambadi bani ndi Hitiƒuɔ ku

Baga 1 12:25

Na uwi ɔmmɔ ni, Ɔga Yerobeam ɔ́tu ɔ́mana Sekem na Eƒraim abi lɛlɔ kalɔ kemmo na uli mmɔ. Ɔmmɔ kama ɔ́ta úsie útáda Panuel ɔma.

Kɔgya 60:6

Katɔti ɔ́tɛmi ɔsiku nwuna kakpakɔ Katɔma kedee kemmo ɔnini, “Lɛlɔ lɛɛyɔ́-mi ka lile Sekem ɔma ku Sukot Ɔkwalɛ ɔmmɔ lite mina bekyuli.

Ala Kalɔ Buse 34:30

Mmɔ na Yakob ɔ́su Simeon ku Lewi ɔnini, “Bíti lɛbibo bonwu bíboku-mi lɛlɔ. Na bíti lɛla libudi bibawɛɛ-mi lɛlɔ. Na ndubo buteenwenyi na Kanaanƒuɔ ku Perisiƒuɔ kadi bekyuli kudɔ na kalɔ kamɛni lɛlɔ. Bɛɛnu ka buuumomo na si básala lɛlɔ na báta kekpo na mina lɛlɔ ni, badubɔyila mina kaduli bekyuli ku ala ƒui udu.”

Hosea 6:9

Bina bakpane bénwini beyune kasala na batɛ kuludɔ baatú bekyuli. Bádu bekyuli na Sekem ulu lɛlɔ na baabla alaekpidi lidu bamba lɛnɔ.