Ala Kalɔ Buse 10:7 - Katɔti Ɔku Kedee

⁷ Na Kus bebi bani na ɔ́wɔ ndi Seba ku Hawila ku Sabta ku Raama ku Sabteka. Na Raama bebi bani na ɔ́wɔ ndi Saba ku Dedan.

Ala Kalɔ Buse 10:7 Referans Kwoze

Esekiel 27:22

“ ‘Beyedine bani na bási Seeba ku Raama béti kutu akyala abuni geen ku atabi ani na áƒɔ kuye geen ku sika ugyiedi bábavumana ku ƒula eyedila ani na ebo.

Esekiel 27:15

“ ‘Awɔ ku Dedanƒuɔ bɛɛdi kuye taasala. Na kadi bekyuli bani nli ɛpu kɔtu mmɔ bene ƒui bɛɛdi kuye na beeyé batu ɔtunkpɛ teete-ɔ ku egyii atonwudi kpakplaa adi udu teeti taavumanaku ala ani na awɔ ebo.

Yesaia 21:13

Unwoti údie lɛla lɛdi ɔ́tina Arabia kalɔ lɛlɔ. O amii bekyuli lisu bonwu bani nékeli bɛ́si Dedan kalɔ lɛlɔ na bíbo bíbawia kabɛkɔ na Arabia kalɔ alakpi akɔ,

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Baga 1 10:1

Uwi ɔni na Seebaƒuɔ ɔga ɔni ndi uleku únu Salomo lɛnyi kalɛ na lísie anumi na lɛ́ƒɔ kuye mmɔ, ku kalɛ na Salomo ku Unwoti ntɛ buse mmɔ ni, ɔ́ta úsie-nwu kudɔ utákɔku-nwu, na uye-nwu ala ani mbo ɔkplu unu.

Ala Kalɔ Buse 2:11

Ketu kedeedi lɛnyi ndi Pison. Na kaagbá taavi kalɛkɛ kani baalɔ Hawila kemmo, kesii kani na sika ugyiedi ɔkya.

Ala Kalɔ Buse 10:8

Kus ɔ́wɔ Nimrod. Na Nimrod ɔmɛni úbenwini ukpone ɔyikune geen na kalɔ lɛlɔ.

Ala Alɛdi 1 1:9

Na Kus bebi ndi Seba ku Hawila ku Sabta ku Raama ku Sabteka. Na Raama bebi ndi Seba ku Dedan.

Hiob 1:15

Nsu búdu bɔti ni, Sabaƒuɔ badi bábwɛ bálɛ na békpoku-bu, na bádu ƒula kabla bablane ƒui, na bála bebuo bammɔ ƒui békeliku bátɔlɔku. Na ami kani nébu na líbo nnii mbasu-ɔ!”

Yesaia 43:3

Ami ndi bina Unwoti Israel Katɔti Kedee ɔni mɔɔƒɔ́-mii ngba. Na kalɛ na amii bɛkɛ bɔnwuna ɔsu ni, lídie Egyipte ku Kus ku Seeba kadi bekyuli ƒui atu.

Esekiel 27:20

“ ‘Dedanƒuɔ béti kuntu ɔni na baasia bapɔnkɔ lɛlɔ teelie-nwu lɛlɔ mmɔ béboku-ɔ.