Ala Kalɔ Buse 10:5 - Katɔti Ɔku Kedee

⁵ Na kaba kamɛni négyingya bákya kayawi ekpo ƒui lɛlɔ na bana adua ku kadi kenye. Na baatɛmi bana kadi lidu adi lɛnɔ.

Ala Kalɔ Buse 10:5 Referans Kwoze

Seƒania 2:11

Ndubo-ma bukpo ku kɔnyi geen kalɛ na baƒiɔ bani ƒui nkya kalɔ lɛlɔ mɛni bayii bakya na basɔ baladi lɛla lɛdi belete bekyuli, mmomu kadi biala bekyuli ɔdi biala ɔdubɔkya lili kalɔ ute-mi na kesi kesii na belie.”

Yeremia 2:10

Bɛvia bisie Kitiƒuɔ ketu kɔtu na bitánu, na bɛtala bekyuli na Kedar na bátásia anu kaduɛ, na banu si lɛla lɛmɛni udu lɛ́ɛlɛ dii.

Yeremia 25:22

Lísie Tiro ku Sidon ku baga kudɔ ku bana kɔlɛkɛ bamba kɔni nkya-ma kalɔ ka baanu-ku lɛlɔ si ávia ɛpu lɛnɔ kudɔ.

Yesaia 42:4

Ulayila nwuna lɛnunsia, na enu lɛnɔ alaƒɛ-nwu úti útédu uwi ɔni na ɔ́ya na ala bɔbla ulu lɛlɔ siin bɔ́ƒɔ kalɔ ƒui lɛlɔ. Na kadi bamba kɔlɔ bekyuli ƒui báƒɔ nwuna ala ani na ɔɔtina.

Ala Kalɔ Buse 10:20

Anwuɔsu Ham bebi bani na ɔ́wɔ ku bana adua ku adi ku kɔlɛkɛ ku kalɔ ni, ama badi mmɔ.

Yesaia 60:9

Ƒula bekyuli benye bagya ami Unwoti na ntuntɛ kɔlɔ kɔni nkya ɔgyu kakaaka mmɔ. Na ɛpu lɛkɔlɔ bonwu lɛmmɔ lɛ́ɛgyu lɛtɔ kalɛ na litéti-ma liboku ɔma, ku bana sika ugyiedi ku ɔƒualadi ƒui. Ami Unwoti nábla ɔmɛni líte ƒula bekyuli kalɛ na bekyuli beti ɔbu bete ami bina Unwoti Israel Katɔti Kedee na bataanu kalɛ na biikeye.

Yesaia 59:18

Unwoti ɔdubo kɔnyi buti geen na udie nwuna bekisine kasi, bekisine bani nde ku bani nkya ɔlɔgyu ƒui, na udie kasi na ekpidi ani na bábla kenye.

Yesaia 51:5

Uwi ɔsɔ uletu asa na ndubɔda bɔlɛ na bɛnu kalɛ na nse siin. Ɔsika mina bekyuli bɔƒɔ uwi údu na ndubɔtɛku bekyuli ƒui litemi. Kadi bekyuli bani na ketu ɔvi ƒui benye baanu-mi ulu ka libo mbedie-ma.

Yesaia 49:1

Ukyuli biala use kɔtu na unu, amii ɔgyu kadi bamba bekyuli ƒui bani nkya ɛpu ɔvi. Unwoti ɔ́ƒuna-mi na ɔ́sia-mi lɛnyi asa na báwɔ-mi.

Yesaia 42:10

“Bɛsu kayawi ƒui na bedie ɔnu ɔwɔdi bete ami Unwoti. Na bɛsu bani ƒui nkɛ ɛpu anumi baaví ku bani nli kalɔ ɔgyu kakaaka ƒui bɛnii basalaku-mii na beti bumwi bete-mi.

Yesaia 41:5

Ntuntɛ kɔlɔ bekyuli ƒui útédu kalɔ kammɔ kawɔlɔkɔ bánu lɛla lɛni na lɛ́bla na liƒu líƒie-ma na baatɔ́ kpakpaakpa ɔni na bási badubo.

Yesaia 40:15

Geen ni, bekyuli bayawine baaadi lɛla lɛdi na Unwoti anumi. Mmomu buse bese aani kalɛ na ntu buudú teebo lɛkpibui kemmo kani iye aani ɔtumu na unu lɛnila lɛlɔ. Na ɔɔnu ntuntɛkɔlɔ ƒui aani ɔtumu na nwuna lɛkɔkɔ.

Yesaia 24:15

Anwuɔsu bɛkɔliku Unwoti lɛnyi katɔ, na bimwi-nwu bɛsiku ɔƒɛ katukɔ ku ɛpu ntuntɛ kɔlɔ ƒui. Bibo Israel Unwoti Katɔti kudu.

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Ala Kalɔ Buse 10:25

Uleku ɔni na Eber úti ni, ɔ́wɔ bebi bananabi inyɔ úte-nwu. Na unwi baalɔ banii Peleg, ɔni kalɔ ndi bule, ɔsika nwuna uwi na Katɔti úle kayawi kammɔ. Na ɔnwani baalɔ banii Yoktan.

Ala Kalɔ Buse 10:4

Na Yawan bebi bani na ɔ́wɔ ndi Elisa ku Tarsis ku Kiti kadi bekyuli ku Dodan kadi bekyuli.

Ala Kalɔ Buse 10:6

Ham bebi bani na ɔ́wɔ ndi Kus ku Misraim ku Put ku Kanaan.

Esekiel 26:15

“Na lɛlɔ lɛdubo bekyuli bani nkya ɛpu ɔmmɔ katɔ kakɛ ku kada kakɛ ƒui butaatɔ ku liƒu si beenú bina kɔvanu ku edumo ku kalɛ na badubo bina kukpi kɔku buteenu.

Esekiel 26:18

Nsu ɔƒaani ni, Tiro ɔma unengudi ɔmmɔ ɔ́bwɛ ƒui kede kede na ɛpu kɔtɔ bekyuli baanu-nwu teemene ku liƒu ku bɔyia na bana lɛlɔ lɛɛtɔ́ sɛsɛɛsɛ.’

Daniel 11:18

“Kama ƒui ni, ɔga ɔni nási katɔ kakɛ na ɔdubo lɛlɔ katɔ butaatalaku mɛni ni, ɔdubo kadi bekyuli pii bani nli bede ɛpu kɔtu mmɔ bukpoku na ɔdi-ma lɛlɔ. Nsu bekpone ɔtɔnkune unengu ɔdi ndubo-nwu lɛlɔ bɔdi na nwuna lɛlɔ katɔ bɔtalaku bɔyii udu.

Ala Kalɔ Buse 9:19

Noa bebi ɛtɛ bani na ubo ndi bani anyi na bɔ́lɔ mɛni. Na ama náwɔ bebi na báƒɔ kalɔ lɛlɔ ekpo ƒui.

Ala Kalɔ Buse 10:32

Ɔmɛni ɔsu Noa bebi ku bana adua ku kalɛ na bana bati báwɔ-ma kenye na bana kɔlɔ lɛlɔ na badi mmɔ. Na ama ndi bekyuli bani nédie kadi lidu kaba bekyuli na báƒɔ kayawi ƒui lɛlɔ na ɔnantu bɔna bɔmmɔ kama.

Lɛkpa Ulu 32:8

Uwi ɔni na Unwoti ɔni ntulo ƒui úti kalɔ úte kadi biala bekyuli na uwi ɔni na úle-ma ntɛ ni, ɔ́sia kalɔ kammɔ lɛmii úte bekyuli bammɔ na nwuna badi bumomo kenye na ama alati baƒuna bana unwoti ɔni na beti lɛlɔ bete na utaanu-ma lɛlɔ.

Ester 10:1

Ɔga Ahasweros únyimi úte nwuna lɛga kadikɔ bekyuli bɔmmɔ ƒui ku bani na ɛpu ɔvi na baaƒɔ nwuna kalɔ kemmo bɔkya kayu kadi teete-nwu.

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.