Ala Kalɔ Buse 1:26 - Katɔti Ɔku Kedee

²⁶ Amu na Katɔti ɔ́su ɔnini, “Bɛya na bɔbla ukyuli na ɔlɛ-bu na bula udu kenye kalɛ na utaadi ɛpu ku kalɔ ku kayaa bebweyi ƒui lɛlɔ.”

Ala Kalɔ Buse 1:26 Referans Kwoze

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Eƒesoƒuɔ 4:24

Na biti udu ɔni mɔɔtina ka bise siin bɛda. Ɔsika Katɔti údie-mii ka bɛbla kedee aani anwu kalɛ.

Ala Kalɔ Buse 3:22

Amu na Unwoti Katɔti ɔ́su ɔnini, “Ɔƒaani ni, ukyuli ɔgyi lɛbuni ku likpidi lɛnɔ aani abu kalɛ. Anwuɔsu ɔ́sɔ útalɛka ɔkɛ kuƒi na ude kugyii ebi ani mɔɔyá na ukyuli uulie ngba mmɔ ɔdi na ɔsɔ ulekpi.”

Ala Kalɔ Buse 5:1

Kalɛ na Adam údie kaba na bénweni bése lɛlɔ kɔtɛ ndi ɔmɛni. Uwi ɔni na Katɔti údie ukyuli ni, údie-nwu na anwu Katɔti udu kenye.

Kɔgya 100:3

Bɛnu bɛti ka Unwoti ndi Katɔti! Anwu nábla-bu na bɔdi nwuna badi bani na ɔɔnu lɛlɔ aani nwuna baƒonu kalɛ na kadikɔ.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Yakobo 3:9

Unyemi ɔmɛni na buuti teemwi Katɔti. Na anwu kani na buuti teewida bula ukyulikpana ɔni na Katɔti údie aani anwu ɔlati kalɛ.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 1 11:7

Útalɛka ɔnana ubi lɛla lɛdi lili, ɔsika Katɔti údie ɔnana na nwuna udu kenye. Na uudie Katɔti ɔbu keyi. Nsu ulekudi anwu uudie ɔnana ɔbu keyi.

Ala Kalɔ Buse 9:6

“Ukyuli biala ɔni mewi nwuna ɔkpana ubugya kalɔ ni, anwu lɛnɔ ukyuli ndubo-nwu ubugya kalɔ buwi. Ɔsika Katɔti udu kenye na Katɔti údie ukyuli.

Etemila 7:29

Lɛla linwi nábla-mi nwaa ƒui ndi ka Katɔti ɔ́bla-bu na nka bɔdi bekyuli siin, nsu búbavumana kasusu bɔ́sia ala bamba pii lɛlɔ na búƒu bula kasusu.”

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 1 5:7

Ala ani muudie-nwu kenye mmɔ ebo atɛ. Na anya ndi

Yakobo 3:7

Ukyuli ɔɔkana na ɔbla bebuo bebendi ku baasɛ ku balakpi ku kɔkpaku na beteenu-nwu lɛdi. Na bábla lɛni sɔsɔ.

Yesaia 6:8

Amu na línu ka Unwoti uuye ɔnini, “Ɔma na ndubɔtala aani mina ɔtu kalɛ lɛkya mina bekyuli na ɔma ndubusie ute-bu?” Mmɔ na lɛ́su nnini, “Ami ndubo busie! Tala-mi!”

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Ala Kalɔ Buse 11:7

Anwuɔsu bɛya na bɔyu busie-ma kudɔ. Na butéƒu bana lɛdi lɛni na baatɛmi kalɛ na ɔdi ɔsɔ ulenu ɔkpanadi butemi kalɔ.”

Yeremia 27:6

Na ami náƒuna mina kabla ɔblane Ɔga Nebukadnesar ka ɔdi kadi bekyuli kɔlɔ kɔmmɔ ƒui lɛlɔ ku amii kadi lɛnɔ. Na ndubo bɔya na ɔdi lɛku kemmo bebuo bammɔ ƒui lɛnɔ lɛlɔ. Na kadi bekyuli ƒui badubunwini kabla bablane bete Ɔga Nebukadnesar ku ubibidi ku nwuna uwɔ lɛnɔ útédu uwi ɔni na bana uwi wedu na kadi bamba baga basala lɛlɔ na bakɛ ɔyikun na badi Babilon kalɔ lɛlɔ na ama lɛnɔ benwini bana kabla bablane.

Hiob 35:10

Nsu si uwi ɔni na Katɔti údie-ma ɔ́lɛku bana lɛbibo lɛmmɔ kemmo ɔ́wɔlɔ ni, basɔ belényimo teeye banii wɛ na bana Udiene ɔmmɔ ɔkya,

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Batalane Kabla 17:20

Ɔsika ala ani na aasu ni, eeese-bu nwaa. Anwuɔsu bɔɔyɔ́ bunu-nya kalɔ.”

Hiob 5:23

Ɔɔɔdi atakpɛ akɔ na asɔ adubo bɔtuma. Na beƒiebuo lɛnɔ basɔ belékpoku-ɔ.

Ala Kalɔ Buse 2:19

Anwuɔsu Unwoti Katɔti ɔ́kpanku bebuo ku baasɛ ku bebweyi bani ƒui na úti kalɔ lɛti ɔ́bla mmɔ úboku ukyuli ɔmmɔ kudɔ ɔnii ɔsia-ma anyi. Na lɛnyi lɛni na ukyuli ɔmmɔ úte kebweyi biala ni, ani nénwini-nwu lɛnyi.

Yesaia 45:18

Unwoti lɛti kani ndi Katɔti! Anwu nédie katɔ ku kalɔ kesii kani na bekyuli bakana bulie, utulo ka udie ketele kalɔ kakwiidi sɔɔn kani kemmo na lɛla lɛdi liiibo. Unwoti lɛti kani ndi Katɔti, na ɔbambadi ɔdi ɔsɔ uuubo.

Hiob 39:11

Áƒɔ ádi ka ɔdi ebuo ɔni na asia lɛnu anii ɔdubuti nwuna ɔyikun unengudi ɔmmɔ na ɔbla kabla kpakplaa kadi ute-ɔ?

Lɛnu Ƒui Ɔnu 1:11

Nsu bɔdubɔvɔ sika ugyiedi asɛɛ ebi ani na akya atu bute-ɔ na bɔkya-nwu bɔdia ku sika ɔƒualadi.