Ala Kalɔ Buse 1:16 - Katɔti Ɔku Kedee

¹⁶ Katɔti ɔ́bla bukeye bonwu akpa anyɔ. Bukeye bunengudi bɔni ndi ɔƒɛ bɔdanku kadi nwaa, na kɔbuli kɔni nsia lɛnɔ kɔdanku usien. Na ɔ́bla ayabi lɛnɔ.

Ala Kalɔ Buse 1:16 Referans Kwoze

Lɛkpa Ulu 4:19

Na bitaya na lɛla lɛdi lɛkɔku-mii na bɛta bitákpa ala ani nkya kayaa na bina anumi aanu aani ɔƒɛ ku kɔbuli ku ayabi. Ɔsika anya na Unwoti Katɔti údie úte kayawi bekyuli ƒui.

Kɔgya 8:3

Si mɔɔnu kalɛ na édie kayaa na mɔɔnu kɔbuli ku ayabi ani na áya na enye ana kunyenkɔ ni,

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Kɔgya 148:5

Bimwi-nwu, ɔsika Unwoti Katɔti údie lɛdi na údie lɛla biala ku nwuna kenye litemi.

Kɔgya 74:16

Awɔ nédie usien ku ɔƒɛ. Na áya na ɔƒɛ ku kɔbuli benye bana kunyekɔ.

Kɔgya 148:3

Ɔƒɛ ku kɔbuli ku ayabi ku ala ani ƒui muukeye na kayaa ƒui, bimwi-nwu.

Hiob 38:7

asa na únwini lɛlɔyɔ lɛnu na ɔtanta lɛyabi ku katɔ batu beete yiiduu?

Korintoƒuɔ 1 15:41

Ɔƒɛ ɔdanku nwuna bukeye, na kɔbuli lɛnɔ kɔdanku bukeye bɔbambadi. Na ayabi lɛnɔ ana bukeye buse bun. Na ayabi ammɔ akɔ muedi kavumana kakya ana bukeye kemmo.

Mateo 27:45

Amu na kalɔ kammɔ ƒui kábla suu ɔ́si lɛdɔ leevu-inyɔ uwi útalɛ lɛdɔ ɛtɛ kemmo.

Habakuk 3:11

Ɔƒɛ ku kɔbuli ƒui bédi bénye liku linwi kpoo uwi ɔni na aatu ƒula kɔtaminta ku abuala atula taavinku aani kalɛ na kayaa kaabwɛ ogya.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Kɔgya 19:6

Ɔɔtu taasi kayaa ɔvi unwi teesie taatánu ɔvi ɔkladi. Na nwuna liwulu liiwi lɛla biala lɛlɔ.

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.

Yesaia 24:23

Na kadi ƒui Unwoti ɔdubɔdi lɛga na Sion Kɔbi lɛlɔ ku Yerusalem ku bana benengu ƒui anumi na udie nwuna lɛgadi bukeye keyi. Na nwuna bukeye bɔya na kɔbuli ku ɔƒɛ bukeye bɔbla suu aani kalɛ na kɔƒa kuukpó ukyuli.

Hiob 31:26

Na ńtanu ɔƒɛ iye kɔbuli bukeye na lɛkya lili kalɔ lite ɔdi.

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Ala Kalɔ Buse 1:15

Na bukeye lidu lɛmɛni lɛsɔ lɛkya kayaa na buteekeye teewi kalɔ lɛlɔ.” Na úbo úte lɛni.

Yeremia 31:35

Ami ndi Unwoti Ɔyikune Ƒui na ami nédie lɛdi líte ɔƒɛ ka uteete bukeye limeyi ndi limeyi. Na kɔbuli ku ayabi lɛnɔ eteekeye usien na ɛpu avlɔvɔ eteeto taabla kudu.