Ala Kalɔ Buse 1:12 - Katɔti Ɔku Kedee

¹² Anwuɔsu kalɔ kammɔ kénwini lɛku ku livo ku adingyii lidu lidu. Na Katɔti ɔ́nu ka ɔdia.

Ala Kalɔ Buse 1:12 Referans Kwoze

Marko 4:28

Kalɔ kani lɛlɔ na báva ala kani mɔɔtumini ebi ammɔ lɛni. Kudeedi, si kɔ́kwɛ ni, kɔdubudie lili asa na nwuna kugyii kɔlɛ. Na si kɔɔlɛ́ lili ni, na kɔɔnwu ebi pii.

Luka 6:44

Kugyii biala ni, kuna ebi lɛlɔ na baanu-ku taati. Belede kɔnwingyie ebi na liyu kugyii lɛlɔ, na belede atoo na lɛnyɛ kɔbuli lɛnɔ lɛlɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Korintoƒuɔ 2 9:10

Katɔti ɔni muute umonsene edula ani na ɔɔgya na uute-nwu adila na ɔɔdi ni, anwu ndubute-nwu edula agyadi ani ƒui na ɔɔwia. Lɛni kani na ɔdubɔya ukyuli siin ala ani na uute ɔya na nwuna kabla buni kanwu ebi pii na bekyuli akɔ.

Yesaia 61:11

Kalɛ na edula ebi aakwɛ́ taalɛ kalɔ kemmo na aalɛ́ lili ni, lɛni na Unwoti Ɔyikune Ƒui ɔdubɔya na kadi bekyuli ƒui balɛ lili na babla siin na beti bumwi bete-nwu.

Hebriƒuɔ 6:7

Kalɔ kani mɔɔƒɔ́ ntu si ɔnantu ɔ́na na kaadia edula abuni teete bemonsene ni, Katɔti kusɛ kusɛ ɔɔsiáku-ka.

Ala Kalɔ Buse 1:11

Na údie lɛdi ɔnini, “Kalɔ kamɛni kakwɛ egyii ku livo lidu lidu ku adingyii lidu lɛnɔ.” Na úbo úte lɛni.

Ala Kalɔ Buse 1:13

Na useyi údu na kadi kégye na limeyi lɛtɛdi lɛ́vi.

Kɔgya 104:14

Na aayá na livo lɛɛkwɛ́ teete bebuo kalɛ na bakun. Na edula aakwɛ́ teete bekyuli kalɛ bakɛ adila.