Ala Kalɔ Buse 1:11 - Katɔti Ɔku Kedee

¹¹ Na údie lɛdi ɔnini, “Kalɔ kamɛni kakwɛ egyii ku livo lidu lidu ku adingyii lidu lɛnɔ.” Na úbo úte lɛni.

Ala Kalɔ Buse 1:11 Referans Kwoze

Hebriƒuɔ 6:7

Kalɔ kani mɔɔƒɔ́ ntu si ɔnantu ɔ́na na kaadia edula abuni teete bemonsene ni, Katɔti kusɛ kusɛ ɔɔsiáku-ka.

Kɔgya 147:8

Anwu náya na ulɔyɔ ɔ́ƒɔ kayaa ƒui. Na ɔɔyá na ɔnantu ɔɔna teewi kalɔ, na livo lɛɛkwɛ́ abi lɛlɔ.

Ala Kalɔ Buse 1:29

Ɔmmɔ kama ni, Katɔti ɔ́su bekyuli bammɔ ɔnini, “Binu! Líti livo lidu ku adingyii lidu ƒui líte-mii nnii enwini bina adila.

Ala Kalɔ Buse 2:9

Na kemo kammɔ kemmo ni, Katɔti ɔ́ya na egyii ákwɛ enye na adi egyii abuni ani mɔɔdia bɔnu ku edula ani ndia kaduɛ na adia ete ka badi. Na kemo kammɔ ntɛntɛ ni, kugyii kɔni muute ukyuli ngba kunye na kɔni mɔɔyá na ɔɔnu lɛbuni ku likpidi taati lɛnɔ kunye.

Marko 4:28

Kalɔ kani lɛlɔ na báva ala kani mɔɔtumini ebi ammɔ lɛni. Kudeedi, si kɔ́kwɛ ni, kɔdubudie lili asa na nwuna kugyii kɔlɛ. Na si kɔɔlɛ́ lili ni, na kɔɔnwu ebi pii.

Mateo 6:30

Katɔti muute eveteli amɛni bɔdia lɛni. Na eveteli amɛni ni, bɔkana bɔnu-nya ɔmwi. Na kɔnaadi asɔ eeebo, ɔsika bákyula-nya na ogya kemmo. Katɔti ɔdubɔsia-mii anu na ute-mii adala utulo eveteli amɛni. Bina bɔƒɔtaadi bɔsɔ.

Hiob 28:5

Na kalɔ kani lɛlɔ na bekyuli beli baatuma edula taadi ni, kana kemmo kani na bekyuli baatu ogya taakya kalɛ na ukeye na banu atabi ammɔ.

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Ala Kalɔ Buse 2:5

edula ku egyiibi adi átakwɛ tɔ na kalɔ lɛlɔ. Ɔsika Unwoti Katɔti útaya na ɔnantu ɔna uwi kalɔ lɛlɔ. Na ukyuli ɔdi lɛnɔ uuubo na utaatuma kalɔ kammɔ lɛlɔ.

Yakobo 3:12

Mina banwani, kugyii kulátu ebeli na aƒoƒoli alánwu kugyii ebi lɛnɔ. Lɛni kani na libiɔ lɛbuni lilakana na lɛyu mma ntu.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Yeremia 17:8

Na badubɔbla aani egyii ani nákwɛ enye kutudɔ na ana ligyiitu líduo lísie kalɔ ƒui na lɛɛkɛ́ ntu na evete asia-ku lili bili bili uwi biala. Egyii ani nákwɛ enye ketudɔ ina ɔnantu ulána muedi baaadaku-ni.

Ala Kalɔ Buse 2:16

Na ɔ́su ɔnana ɔmmɔ ɔnini, “Ebo kuƒi ka adi egyii ani nnye kemo kamɛni kemmo ebi ƒui.

Korintoƒuɔ 1 15:38

Katɔti muute kebi kammɔ ugyii udu ɔni na ɔɔyɔ́. Uute kebi biala ku kana kugyii udu ɔni námanku-ka.

Ala Kalɔ Buse 1:12

Anwuɔsu kalɔ kammɔ kénwini lɛku ku livo ku adingyii lidu lidu. Na Katɔti ɔ́nu ka ɔdia.

Yesaia 61:11

Kalɛ na edula ebi aakwɛ́ taalɛ kalɔ kemmo na aalɛ́ lili ni, lɛni na Unwoti Ɔyikune Ƒui ɔdubɔya na kadi bekyuli ƒui balɛ lili na babla siin na beti bumwi bete-nwu.