Ala Kalɔ Buse 1:1 - Katɔti Ɔku Kedee

¹ Na kayawi kalɔ kesekɔ ƒui ni, Katɔti údie katɔ ku kalɔ.

Ala Kalɔ Buse 1:1 Referans Kwoze

Hebriƒuɔ 11:3

Ɔkɛnku bɔƒɔtaadi lɛlɔ na búnu kalɔ ka Katɔti úti nwuna kenye litemi údie kayawi ƒui. Na lɛla lɛni na bula anumi aakana bɔnu mɛni ni, Katɔti údie-nya ɔ́siku lɛla lɛni na bulákana bɔnu kemmo.

Yesaia 45:18

Unwoti lɛti kani ndi Katɔti! Anwu nédie katɔ ku kalɔ kesii kani na bekyuli bakana bulie, utulo ka udie ketele kalɔ kakwiidi sɔɔn kani kemmo na lɛla lɛdi liiibo. Unwoti lɛti kani ndi Katɔti, na ɔbambadi ɔdi ɔsɔ uuubo.

Budie Taatina 4:11

“Blɔti ku bula Katɔti! Awɔ námanku éte bumwi ku ɔbu ku ɔyikun. Ɔsika awɔ nédie ala ani ƒui, na áya na ana ƒui eli ngba na ƒula lɛƒɔyɔ kenye.”

Hebriƒuɔ 1:10

Katɔti ɔ́sɔ ɔ́su ɔnini, “O Blɔti, na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Israelƒuɔ Bɔlɛ 20:11

Ɔsika emeyi aku kemmo na Unwoti údie katɔ ku kalɔ ku ɛpu ku ala ani nkya-nya kemmo, nsu ɔ́nwuna limeyi maatɛdi lɛlɔ. Anwuɔsu Unwoti údie Lɛnwunameyi sɛsɛɛ na úte-ni kusɛ kusɛ.

Hiob 38:4

“Dɛ na lɛ́kya kayawi awodu ɔka kalɔ? Na wɛ na akya uwi ɔmmɔ?

Batalane Kabla 17:24

“Ati ɔmɛni ndi ala ƒui Ɔti ɔni nédie katɔ ku kalɔ ku ala ani nkya-nya kemmo ƒui. Na ulélie ɔtɔ ɔni na ukyuli ɔyawine enu ábla kemmo.

Petro 2 3:5

Na bagyi ƒui nsu béni kalɛ na Katɔti útemi na úti údie katɔ ku kalɔ. Ɔ́bla na kalɔ kákɔ kálɛ ntu kemmo.

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Yesaia 44:24

“Israel, bɛnu bɛti ka ami ndi Unwoti, na mina kudɔ na ngba ƒui bɔɔlɛ́ taasi. “Ami náƒɔ-mii ngba, na ami nédie lɛla biala na lɛkya katɔ úbalɛ kalɔ lɛlɔ ƒui.

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Yeremia 51:15

Katɔti úti nwuna lɛnunda ku ɔyikun na údie kalɔ ku kayaa ala ƒui.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Agba 3:19

Lɛnunda na Unwoti úti ɔ́kya kalɔ kammɔ ɔka kalɔ. Na ala kalɔ bunu na úti údie katɔ ɔ́ƒala kayaa.

Budie Taatina 14:7

Ɔ́su ku lɛdi bonwu ɔnini, “Bɛbu Katɔti na bɛkɔliku-nwu lɛnyi katɔ! Ɔsika nwuna uwi údu ka ɔtɛku bayawine ƒui litemi. Bimwi anwu ɔni nábla katɔ ku kalɔ ku ɛpu ku ntukpa ƒui!”

Kɔgya 115:15

Unwoti ɔni nédie katɔ ku kalɔ ute-mii kusɛ kusɛ!

Batalane Kabla 14:15

básu banini, “Ati bene, bi na bɛɛbla mɛni? Abu lɛnɔ bekyuli bayawine kani na bɔdi aani amii kalɛ. Búbo mɛni bɔnii buuti litemi buni lɛmɛni buboku-mii. Bɛda ala keeke amɛni udu kama bɔsiaku bɛya na binwini biteemwi Blɔti ɔni mbo ngba. Anwu nédie katɔ ku kalɔ ku ɛpu ku ala ani nkya-nya kemmo ƒui!

Kɔgya 136:5

Bɛgya anwu ɔni nkɛnku nwuna lɛnunda bonwu kemmo na údie katɔ ku kana ala ƒui enu. Ɔsika ɔɔyɔ́-bu uwi ndi uwi.

Yeremia 10:12

Ƒula lɛnunda ku ɔyikun na éti édie kalɔ ku kayaa ala ƒui.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Kɔgya 8:3

Si mɔɔnu kalɛ na édie kayaa na mɔɔnu kɔbuli ku ayabi ani na áya na enye ana kunyenkɔ ni,

Kɔgya 102:25

Na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Hebriƒuɔ 3:4

Ɔsika ɔtɔ biala ubo ukyuli ɔni nátu-nwu. Nsu Katɔti nátu lɛla biala.

Kɔgya 124:8

“Unwoti ɔni nédie katɔ ku kalɔ ni, anwu nédie-bu.”

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Agba 16:4

Unwoti nábla lɛla biala ɔkɛnku nwuna kasusu kani kenye na ɔɔwia lɛla lɛmmɔ. Na bekyuli bekpidi muedi benye bete ka bani-ma kɔtu.

Kɔgya 33:6

Unwoti Katɔti údie lɛdi. Na ɔkɛnku nwuna kenye butemi lɛlɔ údie katɔ ku ɔƒɛ ku kɔbuli ku ayabi.

Kɔgya 121:2

Katɔti ɔni nábla katɔ ku kalɔ ni, anwu ndububo ubaƒɔ ute-mi.

Sakaria 12:1

Linyesia lɛmɛni lɛdanku Israel na lɛ́si Unwoti kudɔ lɛnini, “Ami ndi Unwoti! Na ami nébimi kayaa lɛ́ƒala katɔ, na lɛ́ya na kalɔ kenye kana ɔka lɛlɔ, na líti ɔƒɛƒɛɛ líte ukyuli na ɔɔnwuna.

Yesaia 40:28

Bɛɛɛgyi na bítenu dii lɛnɔ ka Unwoti ndi Katɔti ɔni nli usela uwi ƒui, na anwu nédie kayawi ku kana kemmo ala ƒui? Lɛlɔ liletu-nwu kudii na ukyuli ɔdi lɛnɔ ulakana-nwu kasusu bɔkɔku bɔnu kalɛ na kese.

Kɔgya 104:24

O Unwoti ábla ala pii ɔkɛnku ƒula lɛnunda lɛlɔ. Na áya na ƒula ala ediedi áƒɔ kalɔ kammɔ ƒui lɛlɔ.

Kɔgya 96:5

Ɔsika baƒiɔ bani mɔɔdi kadi bamba bekyuli ƒui lɛlɔ badi ala avɔdi ku anwidi sɔɔn ani naaadi ku lɛla. Nsu Unwoti nédie kayaa ala ƒui.

Budie Taatina 10:6

Na ɔ́kpali ala ɔ́lɔ Katɔti lɛnyi. Ɔ́lɔ Anwu ɔni nli ngba ɔ́si ɔƒɛni úsela ƒui ɔni nédie katɔ ku kalɔ ku ɛpu ku ala ani nkya-nya kemmo ƒui. Na ɔ́su ɔnini, “Katɔti ɔsɔ ulebile uwi!

Romaƒuɔ 11:36

Ala ani ƒui nási Katɔti kudɔ, na anwu ɔlati lɛlɔ na ɔkɛ údie-nya, na adi anwu adi. Bɛya na bɔkɔliku-nwu lɛnyi katɔ ɔ́si ɔƒɛni úsela ƒui. Ɔsia lɛni.

Batalane Kabla 4:24

Amu na baƒɔtaadine bamɛni ƒui bása lisu na bákpali Unwoti banii, “O Ati, awɔ nédie katɔ ku kalɔ ku ɛpu ku ala ani ƒui nkya-nya kemmo.

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Yesaia 51:16

Lɛ́tina-mii lɛla lɛni na bɛsu na nda-mii na mina lɛkɔkɔ kemmo kɔkɔɔ. Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Na mɔɔsu ɔƒaani nnini, ‘Yerusalem bekyuli ni, ami ɔdi na badi.’ ”

Yesaia 37:16

“O Unwoti ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Kɔgya 146:6

Anwu nédie kalɔ kammɔ ƒui ku ɛpu ku ala ani ƒui nkya-nya kemmo, na ɔɔdi nwuna litemi lɛlɔ uwi biala.

Kɔgya 134:3

Na anwu Unwoti ɔni nédie katɔ ku kalɔ ni, ute-mii kusɛ kusɛ ɔ́siku Sion.

Budie Taatina 22:13

Ami ndi Alƒa ku Omega, Udeedi ku Ukplodi, Kalɔ Kesekɔ ku Kawɔlɔkɔ.

Yohane 1 1:1

Katɔti ngba litemi ndi anwu ɔni nkya ɔ́si kayawi kalɔ kesekɔ. Na ngba litemi lɛmmɔ lɛsa na bɔɔkɔ́. Búnu-nwu ala bɔsu na bɔ́nu-nwu ku anumi. Na sɔsɔ ni, búti bula enu bútuku-nwu. Uwi ɔni na ɔ́da ɔ́lɛ ni, abu bɔ́nu-nwu bɔ́ti.

Marko 13:19

Ɔsika lɛbibo lɛni ndubo uwi ɔmmɔ kemmo ni, lɛdubo bubomo butulo lɛdi biala lɛni udu na kayawi kamɛni káanu dii ɔ́si kana kalɔ kesekɔ úti úbedu ɔmwi limeyi. Na lɛbibo lɛmɛni udu lɛdi lɛsɔ lilebo lɛnɔ kudii.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Kɔgya 104:30

Édie ala ƒui ɔkɛnku ƒula Kɔyu lɛlɔ. Na aasɔku kalɔ kemodi taabla ɔwɔdi.

Ala Alɛdi 1 16:26

Ɔsika baƒiɔ bani mɔɔdi kadi bamba bekyuli ƒui lɛlɔ badi ala avɔdi ku anwidi sɔɔn ani naaadi lɛla lɛdi. Nsu Unwoti nédie kayaa ala ƒui.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.

Eƒesoƒuɔ 3:9

Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemmo adubo kabla bɔbla na bekyuli akɔ.

Yesaia 51:13

Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Nsu amii bɛ́yiƒala ami bina Unwoti ku Udiene, na bekyuli bani néti kɔnyi bákya-mii na baawia ka badumi-mii mmomu na bilie bɛɛyia uwi ndi uwi, nsu wɛ na bakya ɔƒɛni?

Yesaia 65:17

“Ndubo katɔ kawɔdi ku kalɔ kawɔdi budie na bekyuli bayiƒala ala ani na ávi ƒui.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Hiob 26:13

Ɔƒɛƒɛɛ ɔni mɔɔlɛ́-nwu enwu kemmo mɔɔyá na kayawi kammɔ ƒui keekeye nwaa. Na anwu ɔlati néti nwuna kɔnu úƒie kɔlakpi bonwu kɔni muukeli mmɔ.

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Hiob 9:8

Anwu lɛti nédie katɔ na úbimi-ka ɔ́ƒala kayaa, na ɔ́kɔliku nwuna ɔgba ɔ́nya ɛpu ɔni mɔɔnwanɛ lɛlɔ mmɔ lɛlɔ.

Yesaia 40:21

Bɔgyi na bɛɛɛgyi tɔ ukyuli ɔni na Katɔti ɔdi? Munuu bítenu tɔ? Na ɔdi lɛnɔ útasu-mii tɔ ɔ́si kalɔ kesekɔ? Bítenu tɔ ɔmɛni kalɔ ɔ́si ɔni na údie kayawi?

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Ala Alɛdi 2 2:11

Amu na Hiram lɛnɔ ɔ́sɔku kenye ɔ́sia úmene Salomo ɔnini, “Ngyi ka Unwoti ubo bɔyɔ geen ute nwuna kadi bekyuli, ɔsika ɔ́ƒuna-a ka enwini bana ɔga.

Kɔgya 8:4

na muuye lɛlɔ nnii bi na ukyuli ɔdi, ɔsu na aasia-nwu anu lɛni? Na bi na Ukyuli Ɔyawine Ubi ɔdi, ɔsu na aanu-nwu lɛlɔ lɛni?