Galatiƒuɔ 6:9 - Katɔti Ɔku Kedee

⁹ Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Galatiƒuɔ 6:9 Referans Kwoze

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Tesalonikaƒuɔ 2 3:13

Nsu amii ni, banwa, bitaya na enu aƒɛ-mii na lɛbuni bɔbla kemmo.

Hebriƒuɔ 12:3

Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Petro 1 3:17

Ɔdia si biibó abi na lɛbuni lɛni bɛɛbla ɔsu si Katɔti lɛnɔ ɔ́tuna lɛni utulo si biibó abi na ala ekpidi ani na bɛɛbla ɔsu.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Budie Taatina 2:3

Ngyi ka binye lɛbibo lɛmmɔ kenye kpakplaa na bɛɛkya ɔkplu na ami ɔsu, na enu átaƒɛ-mii.

Petro 1 4:19

Anwuɔsu ni, bɛya na bekyuli bani muubó abi kalɛ na Katɔti uute kuƒi beti bana ayu bakya bana Ɔƒɔne ɔni mɔɔdi nwuna linyese lɛlɔ uwi ƒui lɛkɔkɔ.

Luka 18:1

Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Mateo 24:13

Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Lewiƒuɔ Ɔda Bubo 26:4

ndubɔya na ɔnantu utaana nwuna uwi lɛlɔ na edula ataadia, na bina egyiibi lɛnɔ ataanwu ebi teete-mii kaduɛ.

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Lɛkpa Ulu 11:14

Na si bɛɛdi ɔda bubo bɔmmɔ lɛlɔ ni, Unwoti Katɔti ɔdubɔya na ɔnantu utaana kaƒɛndi ku ketudi na bilayaki edula aani antabi ku ntɛ ku nnɔ.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Kɔgya 145:15

Ƒula ala ediedi ƒui aanu-ɔ anumi. Na awɔ muute-ma bana lɛdila na uwi lɛlɔ.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Seƒania 3:16

Uwi ɔdi ɔdubo ubédu ɔni na badubɔsu awɔ Yerusalem banini, “Sɔ tayia, na enu ataƒɛ-ɔ!

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Eƒesoƒuɔ 3:13

Anwuɔsu ni, enu ataƒɛ-mii ka muubó abi lɛni na amii ɔsu. Amii ndubɔkɛ lɛbibo lɛmmɔ kɔsia.

Kɔgya 104:27

Ƒula anumi kani na ala amɛni ƒui aanu ka ete-nya bana lɛdila na uwi lɛlɔ.

Hebriƒuɔ 12:5

Munuu bɛ́ɛyiƒala Katɔti etemila ani na ɔ́su-mii úti ɔ́kya-mii ogya aani bebi kalɛ? Ɔ́su ɔnini, “Mina ubi, teti Katɔti kɔtu bɔni tabla lɛla keeke. Na enu ataƒɛ-ɔ si ɔɔdɔnku-ɔ.

Malakai 1:13

Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Kɔgya 126:5

Ɔsika bekyuli bani nákya edula ku lɛbibo ku keku ni, ama mɔɔƒɛ ku ebiti ku lɛma.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Etemila 11:1

Taabla lɛƒɔndia na adubɔkɛ ƒula lɛyuƒɔla limeyi lɛdi.

Yeremia 45:3

“Enye eewulo kɔnyana na aadú ami Unwoti kɔtɔ na ƒula lɛbibo ku kɔnyana kɔni kemmo na akya ɔsu, ku kalɛ na lɛlɔ lítu-ɔ na alakɛ bɔnwuna bɔdi.

Korintoƒuɔ 2 9:6

Bɛya na ɔbla-mii nwaa ka ni, si ágya edula blii suɛ ni, adubɔƒɛ-nya blii suɛ lɛni kani. Na si ágya-nya pii ni, adubɔƒɛ-nya pii lɛnɔ.

Ala Kalɔ Buse 29:7

Amu na ɔ́su-ma ɔnini, “Bɛnu, ɔƒɛ ɔmmɔ ɔɔbi na útedu tɔ ka baƒonu balɛ alakpi akɔ babasala tɔ kesii kadi. Anwuɔsu bite-ma ntu na bɛsɔku-ma binwini biteesienku kadikɔ.”

Mateo 9:19

Anwuɔsu Yesu ɔ́ta ɔ́siaku-nwu ku nwuna batɛyane lɛnɔ.

Mateo 25:17

Lɛni kani na kabla ɔblane ɔni náƒɔ aƒo anyɔ lɛnɔ úbo nwuna ɔdi únwini na ɔ́sɔ ɔ́kɛ aƒo anyɔ abambadi ɔ́sia.

Marko 3:3

Yesu ɔ́lɔ ɔnana ɔni na kɔnu kunwi kɔ́gogolo-nwu mmɔ ɔnii ubenye bekyuli ƒui anumi.