Galatiƒuɔ 6:10 - Katɔti Ɔku Kedee

¹⁰ Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Galatiƒuɔ 6:10 Referans Kwoze

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Agba 3:27

Teni lɛbuni bɔbla bute ukyuli ɔni mɔɔwia-a kebunku si ánu ka ébo ɔyikun ɔmmɔ.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Eƒesoƒuɔ 2:19

Anwuɔsu amii bani naaadi Yudaƒuɔ mɛni bɛsɔ bɛɛɛdi baƒɔ iye belusiene keeke. Mmomu ɔƒɛni ni, bɛdi Katɔ Ɔga Ɔma bekyuli akɔ badi ku Katɔti bebi geen.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Kɔgya 37:3

Ti ƒula anu sia Unwoti lɛlɔ na ataabla lɛbuni na adubulie ngba ku kubiti na kalɔ lɛlɔ na lɛla lɛdi lilékpoku-ɔ.

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Ƒilipiƒuɔ 4:10

Lɛlɔ lɛɛyɔ́-mi geen na Blɔti kemmo ka bɛ́sɔ bɛ́bla kasusu kawɔdi na mina lɛlɔ bɔnu lɛlɔ. Ɔɔɔdi ɔni na bilánu-mi lɛlɔ ɔsu. Mmomu kuƒi nátatɛ ka bɛbla lɛni bite-mi.

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Eƒesoƒuɔ 5:16

Bɛda bina lɛlɔ kaduɛ, ɔsika likyulikpi ala bɔbla bɔ́ƒɔ uwi ɔni kemmo bɔkya mɛni.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Kɔgya 37:27

Keli likpidi bɔbla na ataabla lɛbuni na ƒula bawɔ badubulie kalɔ kammɔ lɛlɔ uwi ƒui.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Marko 3:4

Amu na únwini anumi ɔ́tina bekyuli bammɔ na úye-ma ɔnini, “Ɔdia ka ukyuli ɔbla lɛbuni na lɛnwunameyi lɛlɔ? Munuu lɛnwunameyi ɔdi limeyi lɛni lɛlɔ na ukyuli ubile lɛla? Ɔdi limeyi lɛni lɛlɔ baaƒɔ́ ngba, munuu ɔdi limeyi lɛni lɛlɔ na beebile ngba?” Nsu bátakana-nwu lɛla lɛdi bɔsu.

Eƒesoƒuɔ 3:15

Anwu mɔɔyá na lɛla biala lɛni nkya katɔ ku kalɔ ƒui libo lɛnyi na nina udu kenye.

Mateo 5:43

“Bínu ka básu banii, ‘Bɛyɔ bina bekyulikpana na bini bina bekisine!’

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Etemila 3:12

Anwuɔsu lɛla lɛbuni ƒui lɛni na ɔlɛka bɔbla ndi ka ɔdi biala unye nwuna kabla lɛlɔ ku kubiti, na utaabla lɛbuni na nwuna ngba kemmo.

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Galatiƒuɔ 1:23

Na lɛla lɛni kani na bénu na mina lɛlɔ ndi ka, “Ukyuli ɔni na nka ɔ́kya úteekpoku-bu mmɔ ni, ɔƒɛni amu ɔkya ɔɔkɔ́ bɔƒɔtaadi bɔni na ɔ́yɔ ka nka ubile mmɔ lɛsa.”

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Yohane 3 1:3

Lɛlɔ lɛ́yɔ-mi geen uwi ɔni na banwani badi bébo na bábasu-mi kalɛ na aadi litemi geen lɛmmɔ lɛlɔ aani kalɛ na ngyi ka asiaku-ni kama.

Yohane 3 1:10

Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.

Korintoƒuɔ 2 2:8

Ɔmɛni ɔsu ni, bise-nwu kayi na bidie bɛtina-nwu ka bɛmu bɛɛyɔ́-nwu.