Galatiƒuɔ 6:1 - Katɔti Ɔku Kedee

¹ Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Galatiƒuɔ 6:1 Referans Kwoze

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Tesalonikaƒuɔ 2 3:15

Nsu bitekisi ukyuli ɔmmɔ. Mmomu bɛlɛ-nwu aani bina ɔnwani kalɛ.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Yohane 1 5:16

Si ɔdi ɔ́nu ka nwuna ɔnwa ɔƒɔtaadine ɔ́bla likpidi lɛdi lɛni na lilákpanku-nwu taatákya kukpi ƒui kemmo ni, ɔkpali katɔ na nwuna lili na Katɔti ɔdubute-nwu ngba. Na ɔmɛni use ute bekyuli bani na bana ekpidi alákpanku-ma taatákya kukpi ƒui kemmo. Nsu likpidi lɛdi lɛkya lɛni mɔɔkpanku bekyuli taatákya kukpi ƒui kemmo. Na naaasu nnii bɛkpali katɔ na likpidi lɛmɛni lili.

Korintoƒuɔ 2 2:7

Na ɔƒɛni ni, biti bɛkyiɛ-nwu na bɛkya-nwu ɔkplu kalɛ na lɛlɔ lilayuɛ-nwu na enu aƒɛ-nwu ƒui.

Hebriƒuɔ 12:13

Bɛbwɛ bina kɔvinkɔ ƒui na kɔdia bɔvi kalɛ na bani neeebo ɔlɔkplu ni, balakpa balaƒɛ belewi kalɔ, mmomu basia-mii kama na bakɛ ɔlɔkplu bawɔlɔ.

Petro 1 3:15

Mmomu bitaabu Kristo aani Blɔti. Na si ukyuli ɔdi uuye-mii lɛla lɛni lɛlɔ na bɛsia anu lɛni ni, binye kagyumana na bidie lɛlɔ kenye. Nsu bɛbla ɔmɛni ku udu buɛɛ ku lɛlɔ kalɔ buboku.

Romaƒuɔ 14:1

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Korintoƒuɔ 1 10:12

Ɔdi biala ɔni mɔɔkali ɔnii unye kpakplaa ni, ɔnu kaduɛ kalɛ na ulebuli.

Korintoƒuɔ 1 4:21

Bɛɛyɔ́ ka libo-mii kudɔ na mbani-mii kɔtu, munuu mbo-mii kudɔ ku anumi buɛɛ na bɔyɔ kemmo?

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Mateo 9:13

Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Korintoƒuɔ 1 2:15

Ukyuli ɔni na Katɔti Kɔyu kɔ́ƒɔ-nwu lɛlɔ kemmo ni, ɔɔkana na ɔɔnu lɛla biala taati. Nsu anwu ni, bekyuli balakana-nwu bɔnu bɔti.

Romaƒuɔ 8:6

Ukyuli ɔni kasusu mɔɔsia ɔlɔna ala lɛlɔ ni, ɔɔkɛ́ kukpi. Nsu ukyuli ɔni kasusu mɔɔsia Katɔti Kɔyu lɛlɔ ni, ɔɔkɛ́ ngba ku keyi buɛɛ.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Yakobo 3:13

Si ukyuli ɔdi ɔɔnu lɛlɔ aani ɔnundane na bina akɔ ni, ɔlɛka uboku lɛlɔ kalɔ na ɔbla ala buni uti ɔtina ka ɔ́da anu.

Hebriƒuɔ 13:3

Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.

Galatiƒuɔ 5:23

ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Samuel 2 11:2

Limeyi lɛdi useyi uwi ni, Dawid ɔ́ta katɛnkɔ na ɔkɛ uusié taavi na ɔga kesii ɔtɔ katɔ mmɔ. Amu na ɔ́nu úmene na kaduli kadi kemmo na kalɔ ka uleku ɔdi ulie ɔɔkpí ntu. Na uleku ɔmmɔ ɔɔdia bɔnu geen.

Korintoƒuɔ 1 3:1

Banwa, na litemi geen bɔsu kenye ni, naaakana na matɛmiku-mii aani kalɛ na mɔɔtɛmiku bekyuli bani na Katɔti Kɔyu kɔ́ƒɔ-ma lɛlɔ kemmo. Mmomu ndubɔtɛmiku-mii aani bekyuli bani na bana anu amu asia kayawi ala lɛlɔ. Na bɛmu bɛdi banamu wɛlɛ wɛlɛ na Kristo bɔƒɔtaadi bɔmmɔ kemmo.

Mateo 26:75

Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.

Mateo 26:69

Amu na Petro ɔmu ulie keyi mmɔ asa na ɔkpane unengudi kabla ɔblane ɔni ndi ulekubi úbo mmɔ na ɔ́su-nwu ɔnini, “Awɔ lɛnɔ ásiaku Yesu ɔni nási Galilea kalɔ lɛlɔ.”

Kɔgya 141:5

Taya na lini ka ukyuli ɔni nse siin ɔni-mi kɔtu iye ɔdɔnku-mi. Ɔsika ɔmmɔ ɔdubunwini lɛƒɔndia mmomu ute-mi. Taya na lɛƒɔ bumwi bɔdi lɛsiku bekyuli bekpidi kudɔ aani kalɛ na beewi ukyuli lili nnɔmii, ɔsika mɔɔkpali katɔ uwi biala nnii utatɛ utete bekyuli bani mbo likyulikpi.

Galatiƒuɔ 6:18

Banwa, muuvele nnii Blɔti Yesu Kristo lɛƒɔndia lɛsiaku-mii na lɛkya bina kɔyu ɔkplu. Ɔsia lɛni.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Korintoƒuɔ 2 2:8

Ɔmɛni ɔsu ni, bise-nwu kayi na bidie bɛtina-nwu ka bɛmu bɛɛyɔ́-nwu.