Galatiƒuɔ 5:6 - Katɔti Ɔku Kedee

⁶ Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 5:6 Referans Kwoze

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Korintoƒuɔ 1 7:19

Ɔsika si ɔdi ékulo lego iye étekulo lego ni, ɔmmɔ ɔɔɔda. Mmomu kalɛ na abla lɛla lɛni na Katɔti ɔ́su-bu ka bɔbla ni, anwu nda.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Korintoƒuɔ 1 13:13

Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Eƒesoƒuɔ 6:23

Banwa, Unwoti Katɔti ku Blɔti Yesu Kristo ute-mii keyi buɛɛ ku bɔyɔ ku bɔƒɔtaadi.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Yosua 5:5

Na banana bammɔ ƒui békulo ago. Nsu banana bani ƒui na báwɔ na bana ulu busie na kalɔ kakwiidi kemmo ni, bétekulo tɔ ago.

Luka 7:5

ɔsika ɔɔyɔ́ bula kadi. Na anwu ɔlati ɔ́tu Yudaƒuɔ kasalakɔ úte-bu.”