Galatiƒuɔ 5:2 - Katɔti Ɔku Kedee

² Bise ɔmɛni likpo! Ami Paulo mɔɔsu-mii ka si bíte kuƒi na békulo-mii ago ni, na Kristo ɔsɔ uuubo kɔsia kɔdi uuute-mii.

Galatiƒuɔ 5:2 Referans Kwoze

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Batalane Kabla 15:1

Uwi ɔni na Paulo ku Barnaba bakya Antiokia ni, bekyuli badi bási Yudea bébo na bátina baƒɔtaadine bani nkya mmɔ ala básu banini, “Amu ntu ukyuli biala ɔ́ƒɔ lego bukulo ɔdi ɔmmɔ aani kalɛ na Mose ɔda bubo bɔɔtina asa na wakɛ bɔƒɔ.”

Hebriƒuɔ 4:2

Ɔsika básu abu lɛnɔ litemi buni lɛmmɔ aani kalɛ kani na básu ama lɛnɔ. Nsu litemi lɛni bénu kátalɛ kɔsia kɔdi kétete-ma. Ɔsika ama bani nénu kenye kammɔ ni, bátaƒɔ-ka bátadi.

Galatiƒuɔ 5:11

Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Batalane Kabla 15:24

Búnu ka baƒɔtaadine badi bási bula akɔ mɛni, na bébo mmɔ bábakyaku-mii unyeƒi na bula Yudaƒuɔ ɔlɔna bukulo ɔdi lɛlɔ. Nsu ni, bútatala-ma bɔnii babasu-mii ala amɛni udu.

Tesalonikaƒuɔ 1 2:18

Anwuɔsu bɔ́yɔ ka bɔsɔ bubo bubanu-mii. Na ami Paulo geen ni, lɛ́wia ulu kɔlɛ kɔlɛ ka libo. Nsu ukisine ɔmmɔ únye útile ulu.

Korintoƒuɔ 1 16:21

Ami ɔlati mina kɔnu na líti muunweni ɔmɛni nnii, “Ami Paulo muugyele-mii o-o!”

Batalane Kabla 15:5

Nsu ni, Ƒarisiƒuɔ lɛkpa lɛni nénwini kayi mmɔ badi báta bénye-ma akɔ na básu banii, “Ɔlɛka banwa bani naaadi Yudaƒuɔ na bakya-bu akɔ mɛni lɛnɔ bekulo lego na basiaku Mose ɔda bubo kama.”

Ƒilemon 1:19

Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.