Galatiƒuɔ 5:12 - Katɔti Ɔku Kedee

¹² Na bekyuli bani muuƒú-mii kasusu mɛni ama ni, ndubɔyɔ ka besie anumi utédu ka bekulo lɛlɔ bedie bina akɔ ƒui.

Galatiƒuɔ 5:12 Referans Kwoze

Galatiƒuɔ 5:10

Lɛ́ƒɔ lɛ́di na Blɔti lɛnyi kemmo ka bɛsɔ bileti kasusu kabambadi. Na ukyuli ɔni muuƒú-mii kasusu mmɔ ni, ɔdubɔkɛ nwuna kɔtu bɔni kalɛ na ɔ́manku-nwu si ina bi ukyuli na ɔdi.

Tito 3:10

Bɔku ukyuli ɔni muuƒú bekyuli kasusu na bɔƒɔtaadi litemi lɛmmɔ lɛlɔ kunyɔ. Na ɔmmɔ kama ni, na ada atu edie-nwu lɛlɔ.

Yosua 7:25

Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.

Lewiƒuɔ Ɔda Bubo 22:3

“Su-ma anini, ‘Ɔ́si ɔƒɛni úsela ni, bina bawɔ bani na ɔdi ɔ́sɔ ɔsu na beeese kedee batani betede etela ani na Israelƒuɔ béboku-mi na bábla-nya sɛsɛɛ béte Unwoti si ɔɔɔdi lɛni badubɔyila ukyuli ɔmmɔ udu. Ami ndi Unwoti.

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Ala Kalɔ Buse 17:14

Ɔnana biala na útekulo tɔ lego ni, ɔdubukulo kɔna kɔni nkya anwu ku mina bekyuli ntɛ, ɔsika útadi mina bunyimi lɛlɔ.”

Galatiƒuɔ 2:4

Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Batalane Kabla 15:24

Búnu ka baƒɔtaadine badi bási bula akɔ mɛni, na bébo mmɔ bábakyaku-mii unyeƒi na bula Yudaƒuɔ ɔlɔna bukulo ɔdi lɛlɔ. Nsu ni, bútatala-ma bɔnii babasu-mii ala amɛni udu.

Batalane Kabla 5:9

Petro ɔ́su-nwu ɔnini, “Bi ɔsu na awɔ ku ƒ'ɔgyani bɛ́kana bɛ́sa kenye bɛnii bɛɛsɔ Blɔti Kɔyu bɛnu? Aanu bakloƒu bani néti ƒ'ɔgyani bátáva. Ama kani ndubo-ɔ bɔgyu bɔlɛku.”

Batalane Kabla 5:5

Amu ka Anania ɔ́nya únu litemi lɛmɛni ni, anwu kani na úbuli ɔ́tɛ kalɔ, na úkpi! Na ɔmɛni ɔ́da bekyuli bani nánu ƒui liƒu.

Yohane 9:34

Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Yosua 7:12

Ɔmɛni ɔsu na Israelƒuɔ bátakana bunye bɔsiaku bana bekisine na bukeli mmomu na bekeli-ma. Ɔsika ala ani udu na ɔlɛka bɛyila ni, bíti-nya bɛkya lɛlɔ. Ɔmɛni ɔsu na ɔ́lɛku-mii lɛni. Na nsɔ lɛɛɛdubo bukpo bute-mii lɛnɔ wetédu uwi ɔni na bɛyila lɛla biala lɛni na lɛ́su-mii.”

Lɛkpa Ulu 23:1

Ukyuli ɔni ndi ɔsaɛ ni, bitaya na uduo Unwoti bebi kasalakɔ.

Ala Kalɔ Buse 30:34

Amu na Laban lɛnɔ údie kenye ɔnini, “Lɛ́tunaku-ɔ ka bɔdubɔbla lɛni.”