Galatiƒuɔ 5:11 - Katɔti Ɔku Kedee

¹¹ Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Galatiƒuɔ 5:11 Referans Kwoze

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Galatiƒuɔ 6:12

Bani nnye-mii lɛlɔ na baayɔ́ ka bikulo ago mmɔ ni, ama ndi bekyuli bani mɔɔkun lɛmɛnɛ na ɔlɔna lɛlɔ. Baabla ɔmɛni kalɛ na bekyuli belékpoku-ma na Kristo kukpi na ugyii lɛlɔ litemi ɔsu.

Galatiƒuɔ 4:29

Na uwi ɔmmɔ kemmo ni, ubi ɔni na uleku ɔni mɔɔbla kaduli kabla mmɔ ɔ́wɔ ni, úkpoku ubi ɔni na ɔkɛnku Katɔti Kɔyu ɔyikun lɛlɔ na kɔduni ɔ́wɔ-nwu. Na lɛni kani na ɔɔlɛ́ ɔmwi.

Galatiƒuɔ 2:3

Tito ɔni na líti nda ni, ina ka ɔdi Grikini ni, ukyuli ɔdi útenye-nwu lɛlɔ ka ukulo lego.

Korintoƒuɔ 1 15:30

Na abu batalane nɔɔ? Bi ɔsu na bula ngba bɔkya ɔgbankpi kemmo uwi biala?

Batalane Kabla 21:21

Badi básu-ma ka awɔ nátina Yudaƒuɔ bani nkya ekpo ekpo anii batasiaku Mose ɔda bubo ku bula ɔdi bɔbla kama, na ásu lɛnɔ ka betekulo bana bebi ago lɛnɔ.

Galatiƒuɔ 6:17

Ukplodi ni, nsɔ naaayɔ ka ukyuli ɔdi ɔsɔ ute-mi lɛƒɛda lɛdi. Ɔsika lɛtaala lɛni mma-mi lɛlɔ mɛni ɔɔtina ka ndi Yesu kabla ɔblane.

Korintoƒuɔ 1 1:18

Bekyuli bani na bana ɔbladu ɔ́ya na badaku bukpi na kɔyu kemmo ni, Kristo kukpi na ugyii lɛlɔ kɔtɛ kɔdi adɔlɔla kute-ma. Nsu abu bani na Katɔti ɔɔyá na bɔɔkɛ́ bɔƒɔ ni, bɔgyi ka Katɔti litemi lɛmmɔ lɛdi Katɔti ɔyikun ɔni na úte-bu.

Batalane Kabla 21:28

Na bákya baava taasu banini, “Israelƒuɔ banana, bibebunku-bu o-o! Ɔnana ɔmɛni nkɛ mɔɔsu bekyuli ƒui taavi na kesi kesii ku mɛni lɛnɔ ɔnii batadi bula Yudaƒuɔ ɔda bubo lɛlɔ. Na lɛnɔ ni, uuti Grikiƒuɔ teeduoku Yudaƒuɔ kakpakɔ ɔni mɔɔtina ka bula Yudaƒuɔ kakpakɔ kammɔ keesé lɛlɔ!”

Batalane Kabla 16:3

Anwu geen na Paulo ɔ́wia ka utiku na ɔsiaku-nwu. Anwuɔsu ɔ́bla-nwu Yudaƒuɔ ɔlɔna bukulo ɔdi, ɔsika Yudaƒuɔ bani nkya amadɔ mmɔ ƒui bagyi ka ɔti ɔdi Grikini.

Yesaia 8:14

na ɔdubɔbla katamikukɔ nsu na Israel lɛgakɔdikɔ inyɔ bɔmmɔ ƒui akɔ ni, ɔdubunwini lɛtabi lɛni na bekyuli badubutulo, na ani kani na ndubɔya na begyiile bebuli. Na Yerusalem kadi bekyuli ama ni, ɔdubunwini kakpagyuɛ ku kamia ute-ma.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.