Galatiƒuɔ 4:26 - Katɔti Ɔku Kedee

²⁶ Nsu Yerusalem ɔni nkya katɔ ni, lɛla lɛdi lɛɛɛda-nwu, na anwu ndi kɔduni ɔni ndi bula uni.

Galatiƒuɔ 4:26 Referans Kwoze

Hebriƒuɔ 12:22

Biiise aani Israelƒuɔ bammɔ. Mmomu amii ni, Sion Kɔbi kudɔ na bíbo bínye ɔni ndi Katɔ Ɔga Ɔma Yerusalem ɔni ndi Katɔti ɔni nli ngba uwi ƒui ɔma unengudi. Katɔti batu mpim mpim kasala bani na lɛlɔyɔ lɛ́ƒɔ-ma kemmo na bíbo bíbasiaku.

Ƒilipiƒuɔ 3:20

Nsu abu ni, bula ɔma ndi Katɔ Ɔga Ɔma. Na bunye bɔgya bula Ɔƒɔne ɔni ndi Blɔti Yesu Kristo.

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.

Budie Taatina 3:12

Ndubo ukyuli ɔni madi lɛlɔ bɔbla aani lɛkpa na mina Katɔti kakpakɔ ɔni na lɛsɔ lilágyu mmɔ kudii. Ndubo mina Katɔti lɛnyi ku nwuna ɔma kedee ɔmmɔ lɛnyi bunweni bɔsia-nwu lɛlɔ. Na ɔdi Yerusalem ɔwɔdi ɔni mayu masi katɔ na Katɔti kudɔ. Na ndubo ami ɔlati lɛnyi lɛwɔdi lɛnɔ bunweni bɔsia-nwu lɛlɔ.

Yesaia 66:10

Bɛkɛ lɛlɔyɔ ku Yerusalem na ebiti ada amii bani mɔɔyɔ́-nwu. Bibo lɛlɔyɔ kudu momoomo amii bani néwulo-nwu kɔnyana.

Galatiƒuɔ 4:22

Ɔsika ɔda bubo bɔmmɔ bɔɔtina ka ni, Abraham ɔ́wɔ bebi inyɔ. Na ubi udeedi ni, uleku ɔni mɔɔbla-nwu kaduli kabla náwɔ-nwu úte-nwu. Na ubi unyɔdi anwu ni, nwuna kɔduni náwɔ-nwu úte-nwu.

Romaƒuɔ 6:18

Na bɛ́lɛ likpidi enu kemmo, na bínwini kabla bablane bíte ala siin bɔbla.

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Yohane 8:36

Anwuɔsu si ami Katɔti Ubidi lɛ́ya na ákɛ bɔnwuna ni, na ebo bɔnwuna geen sɔsɔ.

Yoel 3:17

“Ami ndi Unwoti bina Katɔti na bɛdubo bɔnu bɔti ka nli Sion Kɔbi kedee lɛlɔ. Na baƒɔ bekpone badi basɔ baaadubo Yerusalem butuku, ɔsika use kedee.

Yesaia 65:18

Bɛdi limeyi ku ebiti na lɛlɔ litaayɔ-mii uselaku uwi ƒui! Muudie Yerusalem ɔwɔdi ɔni kemmo na lɛlɔyɔ bekyuli sɔɔn ndubɔƒɔ-nwu kemmo.

Hosea 4:5

Na amii ku kenye bediene bammɔ ƒui bɛdubo butaabla gyuma gyuma usien ku ɔƒɛ. Na ndubo bina beni udu bɔyila.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Hosea 2:2

“Bɛtɛmiku bina uni! Bɛlɛ-nwu kaduɛ! Ina ka ɔsɔ ɔɔɔdi mina ulekudi, na ami Unwoti lɛnɔ nsɔ lɛɛɛdi ɔgyani. Bivele-nwu na ɔda lɛyalɛ ku lɛsɔnɔdi lɛmmɔ ɔya na ɔda-mi kama bɔlɛ ɔya.

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Yesaia 52:9

Yerusalem, awɔ ɔni na bábwɛ béwi kalɔ, ta na awɔ lɛnɔ atu kɔgya ku ebiti, ɔsika Unwoti ɔ́yala nwuna bekyuli kaƒɔ na úbo ɔnii ubedie Yerusalem.

Budie Taatina 17:5

Na nwuna lɛtɛntɛ ni, bénweni lɛsugba lɛnyi lɛdi básia. Babilon, Ɔma Unengudi. Bayalɛ Ƒui Uni Ku Ekisila Ƒui Uni.

Galatiƒuɔ 4:25

Hagar ɔni nnye nte Sinai kɔbi na Arabia kalɔ lɛlɔ ni, ɔdi lɛgba lɛni mɔɔtina kalɛ na Yerusalem ɔni nkya ɔƒɛni ku nwuna bebi bakya lɛbibo kemmo ɔmwi na bénwini bekyuli bamba kabla bablane.

Budie Taatina 12:1

Amu na akɔla ala budie taatina bonwu adi áda álɛ kayaa. Na ɔƒɛ ɔ́ka ɔ́mana uleku ɔdi aani kɔdi kalɛ, na kɔbuli kɔkya-nwu lɛgba kalɔ. Na úbi ayabi leevu-inyɔ kagabwa kadi lili.