Galatiƒuɔ 4:19 - Katɔti Ɔku Kedee

¹⁹ Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Galatiƒuɔ 4:19 Referans Kwoze

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Eƒesoƒuɔ 4:13

Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Eƒesoƒuɔ 4:24

Na biti udu ɔni mɔɔtina ka bise siin bɛda. Ɔsika Katɔti údie-mii ka bɛbla kedee aani anwu kalɛ.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Ƒilipiƒuɔ 2:5

Bina kasusu ɔlɛka kabla kenwi ku Kristo Yesu kadi.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Ƒilemon 1:10

Muuvele-ɔ na Onesimo lili ɔni nébenwini mina ubidi na Kristo kemmo uwi ɔni na nkya kɔgba kemmo.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 2:1

Mɔɔyɔ́ ka bɛti kalɛ na muukpóku lɛlɔ na amii ku Laodikeaƒuɔ ku bekyuli bani ami ku-ma bútasa tɔ dii ƒui lili.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Yohane 1 2:12

Mina bebi bayɔne, muunweni-mii ɔmɛni ɔsika mɔɔwia ka bɛti ka Katɔti úti bina ekpidi ɔ́kyiɛ-mii na Yesu Kristo ɔsu.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.

Ƒilemon 1:19

Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Korintoƒuɔ 2 12:14

Kɔtɛdi mɛni ka lɛ́klibi lɛlɔ na ndubo-mii kudɔ, nsu naaawia kebunku kadi. Amii alati na mɔɔwia, na ɔɔɔdi bina egulabi. Ɔsika ɔɔɔdi bebi mɔɔklibi ala teese ka banu bawɔne lɛlɔ. Mmomu bawɔne mɔɔklibi ala teese na banu bebi lɛlɔ.

Tesalonikaƒuɔ 1 2:7

bɔ́da lɛlɔ aani kalɛ na uwele ɔɔnu nwuna bebi lɛlɔ.

Yohane 3 1:4

Lɛla biala lilayɔ-mi kaƒɔ teetulo ɔni na muunú ka mina bebi basiaku litemi geen lɛmmɔ kama.