Galatiƒuɔ 4:15 - Katɔti Ɔku Kedee

¹⁵ Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.

Galatiƒuɔ 4:15 Referans Kwoze

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Koloseƒuɔ 4:13

Ami ɔlati muudie-nwu kenye ka ɔ́bla kabla kpakplaa úte-mii ku bani nkya Laodikea ku Hierapoli.

Tesalonikaƒuɔ 1 5:13

Bɛyɔ-ma na bɛbu-ma kaduɛ na bana ulu ɔbuni ɔni na béti-mii baasiaku ɔsu. Na bilieku lɛlɔ ku keyi buɛɛ.

Tesalonikaƒuɔ 1 2:8

Ka bɔɔyɔ́-mii ku kaƒɔ nwaa ɔsu ni, bɔɔwia ka amii lɛnɔ binu litemi buni lɛmɛni. Na ɔɔɔdi Katɔti litemi buni lɛmmɔ lɛti. Mmomu búti bula ngba lɛnɔ bɔ́kpa na bina lili, ɔsika bɛ́ƒɔ-bu kuye geen.

Galatiƒuɔ 6:4

Ukyuli biala ɔkɔku nwuna lɛlɔ udu ɔnu. Na si ɔ́nu ɔ́ti ka ɔdia ni, na ɔkana na ɔkun lɛmɛnɛ na nwuna ablala lɛlɔ. Na ɔɔɔdi ɔni na uti lɛlɔ ɔkɔku ukyuli bamba.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Galatiƒuɔ 4:19

Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Galatiƒuɔ 3:14

Na Kristo ɔ́bla ɔmɛni kalɛ na kusɛ kusɛ ɔni na Katɔti ɔ́su úse ka wasiaku Abraham mmɔ ɔsiaku bani naaadi Yudaƒuɔ lɛnɔ kama ɔkɛnku Kristo Yesu lɛlɔ. Na ɔkɛnku bɔƒɔtaadi bɔmmɔ lɛlɔ ni, na abu lɛnɔ bɔkɛ Katɔti linyese lɛni ndi nwuna Kɔyu.

Korintoƒuɔ 2 8:3

Béte bekyuli ala kalɛ na bakana. Na mɔɔsu-mii geen ka béte bétulo kalɛ bebo muedi na ama alati bɔyɔ kemmo.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 10:2

Nnye-ma kama na mɔɔsu ka ni, anumi eegyie-ma geen na Katɔti bɔsiaku lɛlɔ. Nsu lɛnungyie lɛmmɔ lɛɛɛkɛnku lɛlati lɛlɔ.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Luka 8:13

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Galatiƒuɔ 4:14

Ina ka udu ɔni kemmo na nkya na mina ɔlɛ ɔsu ɔdi bɔkɔku taanu ute-mii muedi ni, bítanu-mi kalɛ kadi iye bini-mi. Mmomu bɛ́ƒɔ-mi aani kalɛ na bɛdubɔƒɔ Katɔti ɔtu, na bɛ́ƒɔ-mi lɛnɔ aani kalɛ na bɛdubɔƒɔ Kristo Yesu ɔmmɔ ɔlati.

Galatiƒuɔ 4:16

Munuu línwini-mii ukisine na litemi geen lɛni na lɛ́su-mii ɔsu?