Galatiƒuɔ 4:14 - Katɔti Ɔku Kedee

¹⁴ Ina ka udu ɔni kemmo na nkya na mina ɔlɛ ɔsu ɔdi bɔkɔku taanu ute-mii muedi ni, bítanu-mi kalɛ kadi iye bini-mi. Mmomu bɛ́ƒɔ-mi aani kalɛ na bɛdubɔƒɔ Katɔti ɔtu, na bɛ́ƒɔ-mi lɛnɔ aani kalɛ na bɛdubɔƒɔ Kristo Yesu ɔmmɔ ɔlati.

Galatiƒuɔ 4:14 Referans Kwoze

Mateo 10:40

“Ukyuli biala ɔni maƒɔ-mii ni, ɔ́ƒɔ ami lɛnɔ. Na ukyuli biala maƒɔ-mi ni, ɔ́ƒɔ Katɔti ɔni nátala-mi lɛnɔ.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Malakai 2:7

“Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Samuel 2 19:27

Na ubanyi ɔkɔ ɔ́sia ami, ƒula kabla ɔblane, úte awɔ mina ati ku ɔga. Mina ati ku ɔga, ese aani Katɔti ɔtu, anwuɔsu bla lɛla biala mɔɔyɔ́-ɔ kaƒɔ.

Samuel 2 14:17

“Lɛ́su lɛlɔ na mina kakali kemmo nnini, ‘Kuli kɔdia na linu lɛla lɛni mɔɔyu kayi buɛɛ lɛsiku ɔga kudɔ, ɔsika kalɛ na Katɔti batu bese ni, lɛni kani na mina ɔga use ute-mi. Na ɔdubɔnu likpidi ku lɛbuni kavumana ɔti na ɔƒuna lɛbuni. Na muuvele nnii Unwoti ɔni ndi ƒula Katɔti ulieku-ɔ.’ ”

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Galatiƒuɔ 4:13

Binyimo kudeedi kɔni na lɛ́ka litemi buni lɛmmɔ lɛsa bɔ́kɔ bute-mii mmɔ, ɔsika na lɛlɔ kemmo kaaadia-mi.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 1:28

Katɔti ɔ́ƒuna bekyuli bani neeebo kenyekɔ kadi na bayawine anumi, na balábu-ma lɛnɔ taakya lɛla lɛdi kemmo kalɛ na uti ɔyila bekyuli bani na bayawine baabu na báƒɔ kuye udu.

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 18:5

“Na ukyuli ɔni maƒɔ ɔnamu blii suɛ aani ɔmɛni udu na mina lɛnyi kemmo ni, ɔ́ƒɔ ami lɛnɔ.

Etemila 9:16

Anwuɔsu lɛ́su nnini, “Lɛnunda lɛdia litulo ɔyikun.”

Kɔgya 119:141

Ndi ukyuli ɔni neeebo kenyekɔ kadi. Béni-mi bése, nsu ƒula ɔda bubo amu naaada-mu teese.

Hiob 12:5

Bekyuli bani nli ƒaa ni, ama mɔɔpii lilikpi ala. Na baanu bani muugyile teebuli aani lɛla lɛni na ama báƒɔ béboku.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 4:15

Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.