Galatiƒuɔ 3:26 - Katɔti Ɔku Kedee

²⁶ Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:26 Referans Kwoze

Eƒesoƒuɔ 1:5

Katɔti ɔ́lɛ ugyii úse na nwuna kaƒɔ ƒaa bɔyɔ kemmo ka ɔdubɔsia Yesu Kristo lɛlɔ na ɔbla-bu nwuna bebi.

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Eƒesoƒuɔ 5:1

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu.

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.

Yohane 1:7

Úbo ɔnii ubedie kenye na ukyuli ɔni ndi bukeye bɔmɛni lɛlɔ kalɛ na ukyuli biala unu linyesia lɛmɛni na ɔƒɔ ukyuli ɔni ndi bukeye mmɔ ɔdi.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 4:14

Ina ka udu ɔni kemmo na nkya na mina ɔlɛ ɔsu ɔdi bɔkɔku taanu ute-mii muedi ni, bítanu-mi kalɛ kadi iye bini-mi. Mmomu bɛ́ƒɔ-mi aani kalɛ na bɛdubɔƒɔ Katɔti ɔtu, na bɛ́ƒɔ-mi lɛnɔ aani kalɛ na bɛdubɔƒɔ Kristo Yesu ɔmmɔ ɔlati.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 1:1

Ami, Paulo ɔni nkɛnku Katɔti lɛƒɔyɔ lɛlɔ ɔsu na ndi Kristo Yesu ɔtalane ni, ami muunweni ɔku ɔmɛni lite amii Katɔti baƒɔtaadine bani nkya Eƒeso na bɛ́blaku Kristo unwi na bɛɛdi nwuna etemila lɛlɔ.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Koloseƒuɔ 2:6

Na kalɛ na bɛ́ƒɔ Yesu Kristo ku bina kayi ƒui aani bina Ɔti ni, bɛblaku-nwu unwi lɛni kani.

Ƒilemon 1:1

Ami Paulo ɔni ntɛ aban ɔtɔ ka mɔɔkɔ́ Kristo Yesu lɛsa ɔsu ku Ɔnwa Timoteo muunweni ɔku ɔmɛni. Na líti muumene awɔ Ƒilemon bula kabla kamɛni ɔblane ɔkpana ɔni na bɔɔyɔ́ geen.