Galatiƒuɔ 3:18 - Katɔti Ɔku Kedee

¹⁸ Na si lɛla lɛni na Katɔti ɔ́su úse ka wete mmɔ lɛkɛnku ɔda bubo lɛlɔ ni, na agyi anii ɔsɔ ɔɔɔdi linyese. Nsu ɔɔɔdi lɛni. Mmomu ɔkɛnku Katɔti ɔlati nwuna lɛƒɔndia ɔsu na úti-ni úte Abraham na nwuna linyese ɔsu.

Galatiƒuɔ 3:18 Referans Kwoze

Galatiƒuɔ 2:21

Lɛɛɛdubo Katɔti kɔnyana kɔni na ɔɔnu bekyuli kama bɔlɛ kudii. Ɔsika si ɔda bubo bɔkukudi bɔmmɔ lɛlɔ na Katɔti ɔɔsɔku anwu ku ukyuli ntɛ taaklibi ni, na Kristo úkpi keeke.”

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:16

Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Galatiƒuɔ 3:12

Nsu ɔda bubo bɔɔɔdanku bɔƒɔtaadi. Mmomu bénweni banii, “Ukyuli biala ɔni mɔɔdi ɔda bubo bɔmmɔ lɛlɔ ni, ɔda bubo ulu ɔmmɔ ɔdubute-nwu ngba.”

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”