Galatiƒuɔ 3:16 - Katɔti Ɔku Kedee

¹⁶ Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Galatiƒuɔ 3:16 Referans Kwoze

Romaƒuɔ 4:13

Katɔti úse kenye úte Abraham ku nwuna bawɔ ka badubɔdi kayawi kamɛni ala. Nwuna kenye kani na úse mɛni kaaakɛnku kalɛ na Abraham ɔ́siaku ɔda bubo bɔdi kama ɔsu. Mmomu ni, úse-nwu kenye kamɛni ɔsika ɔ́ƒɔ Abraham ka use siin ɔkɛnku nwuna bɔƒɔtaadi ɔsu.

Luka 1:55

Únyimo ka uti kɔnyana bɔnu ute Abraham ku nwuna bawɔ úsela ƒui!”

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Batalane Kabla 3:25

Unwoti nényimi kenye kamɛni ku bina bati ɔkɛ nwuna kenye bediene lɛlɔ. Na amii ndi bunyimi bɔmɛni ala badine. Ɔ́su Abraham ɔnini, ‘Na ɔkɛ ƒula kaba kemmo na ndubute kayawi ƒui bekyuli kusɛ kusɛ.’

Ala Kalɔ Buse 21:12

Nsu Katɔti ɔ́su-nwu ɔnini, “Awɔ, nu lɛla biala na Sara wasu-ɔ. Na kayi katakpulu-ɔ na ƒ'ubidi ku ƒula kabla ɔblane uleku ɔmɛni lɛlɔ. Ɔsika ɔkɛnku Isak lɛlɔ na adubudie kaba aani kalɛ na lɛ́su-ɔ líse.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Korintoƒuɔ 1 12:27

Anwuɔsu bina ƒui násala bɛ́bla Kristo ɔlɔna ugyii ɔmmɔ na bɛdi-nwu lɛlɔ ekpo unwi unwi.

Korintoƒuɔ 1 12:12

Kristo use aani ukyuli ugyii ɔni mbo lɛlɔ ekpo pii. Ɔlɔna unwi kani na ɔdi ina ka lɛlɔ ekpo pii násala.

Romaƒuɔ 12:5

lɛni kani na bɔdi bekyuli pii na Kristo kemmo nsu bɔ́sala bɔ́bla unwi aani lɛlɔ ugyii unwi ɔni ndanku lɛlɔ ekpo pii.

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Koloseƒuɔ 2:19

Anwuɔsu baayiƒala lili lɛni lɛlɔ na ɔlɔna ekpo ƒui adanku asa na Katɔti ɔɔyá na ɔlɔna umodi ɔmmɔ ɔɔlɛ́ lili.

Eƒesoƒuɔ 5:32

Litemi lɛmɛni lɛdi abɛla ebendi. Na mɔɔsu-mii nnii etemila ammɔ ese ete Kristo ku baƒɔtaadine lɛkpa lɛmmɔ.

Mateo 1:1

Ɔmɛni ndi Yesu Kristo kaba kemmo bekyuli anyi. Na kási Dawid kaba kani nálɛ kási Abraham kemmo.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Korintoƒuɔ 2 11:22

Si Hebriƒuɔ na badi ni, ami lɛnɔ anwu ndi. Na si Israelƒuɔ badi ni, ami lɛnɔ anwu ndi. Na si Abraham bawɔ lɛnɔ na badi ni, ami lɛnɔ anwu ndi.

Galatiƒuɔ 3:19

Na bi na ɔda bubo bɔmmɔ bɔdanku nɔɔ? Búbebunku na bɔnu likpidi bɔti. Na bɔdubɔkya utédu uwi ɔni na Abraham ubi ɔmmɔ webo. Anwuɔsu na Katɔti úse kenye kammɔ. Katɔti batu béti ɔda bubo bɔmmɔ béboku-bu ɔkɛnku ukyuli unwi ɔni nkya Katɔti ku bekyuli ntɛ.