Galatiƒuɔ 2:6 - Katɔti Ɔku Kedee

⁶ Na bekyuli bani na bɛɛnu ka ama badi batɔnkune ni, ina ka ami naaanu-ma kavumana kadi ina bi na badi ɔsika Katɔti ulánu ukyuli anumi asa na ɔɔtɛku-nwu litemi ni, ama lɛnɔ béteti lɛla lɛdi bétebunku mina litemi lɛni na mɔɔsu ka mbasu-mii.

Galatiƒuɔ 2:6 Referans Kwoze

Galatiƒuɔ 2:2

Lísie mmɔ ɔsika Katɔti nédie ɔ́tina-mi. Na lídie ala kalɔ lɛ́tina-ma ɔkɛnku litemi buni lɛni lɛ́sa na lɛ́kɔ líte bani naaadi Yudaƒuɔ mmɔ lɛlɔ. Nsu ami ku batɔnkune bani ntɔnku baƒɔtaadine akpa ammɔ lɛti nása. Ɔsika naaayɔ nnii ɔkɛnku batɔnkune bammɔ ɔsu na mina kabla kani mɔɔbla mɛni iye kani na lɛ́bla lɛ́vi kabla keeke.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Korintoƒuɔ 2 11:5

Nsu lɛ́ƒɔ lɛ́di ka lɛ́ƒɔ kuye ntulo bekyuli bani na biigyingya enu taaƒɔ aani si badi batalane babuni sɔsɔ.

Romaƒuɔ 2:11

Ɔsika Katɔti ulánu anumi lɛlɔ taatɛ litemi.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Luka 20:21

Ɔmɛni ɔsu kenye bewine bamɛni bésie Yesu kudɔ. Na béye-nwu banini, “Ɔtinane, bɔgyi ka ala ani na aasu ku ani na aatina ƒui adi etemila geen. Na bɔgyi lɛnɔ ka alánu ukyuli anumi taabla ala. Mmomu aatina litemi geen lɛni na Katɔti ɔɔyɔ́ ka bekyuli babla.

Marko 12:14

Ka bétédu-nwu kudɔ ni, básu-nwu banini, “Ala ɔtinane, bɔgyi ka aasu litemi geen uwi biala. Na alávumana ƒula etemila na ɔ́si kalɛ bekyuli baakali taasiku-ɔ lɛlɔ ɔsu. Alánu anii ɔmɛni ɔdi ukyuli ubendi iye ɔmɛni ɔdi ukyuli ubliidi. Nsu aatina ukyuli biala Katɔti kudɔ ulu na ulu geen lɛlɔ. Anwuɔsu su-bu si ɔdia ka butaaƒɔ kuyi teete Romaƒuɔ Ɔga Unengudi.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Batalane Kabla 5:36

Uwi ɔdi nábavi ni, ɔnana ɔdi ɔ́kya ɔni na baalɔ Teuda ɔni nábla lɛlɔ aani si ukyuli unengudi ɔdi na ɔdi. Nkyuli eti maane básiaku-nwu kama. Amu ka bádu-nwu ni, nwuna kama basiakune bamɛni bégyingya na nwuna kasala kammɔ káyii udu.