Galatiƒuɔ 2:4 - Katɔti Ɔku Kedee

⁴ Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Galatiƒuɔ 2:4 Referans Kwoze

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Galatiƒuɔ 4:3

Lɛni kani na use abu lɛnɔ uwi ɔni na bɔdi banamu. Na ala ani na baatina na kayawi mɛni nátaadi-bu lɛlɔ.

Korintoƒuɔ 2 11:26

Na mina ulu busie pii kemmo ni, líduo ɔgbankpi lidu lidu kemmo. Ketu keyi káda-mi kɔlɛ kɔlɛ, na líduo beyune enu kemmo. Líduo ɔgbankpi kemmo na mina kadi bekyuli Yudaƒuɔ enu kemmo ku bani naaadi Yudaƒuɔ lɛnɔ enu kemmo. Líduo ɔgbankpi na lɛma linengudi kemmo ku ketele kemmo. Líduo ɔgbankpi na ntu anumi ku ɔkɔ baƒɔtaadine enu kemmo.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Petro 2 2:19

Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ.

Timoteo 2 3:6

Ɔsika bekyuli bamɛni udu ni, baabɛ́ teeduo bekyuli kɔduli na baadi beleku bani naaakana bana lɛlɔ bɔda lɛlɔ, ɔsika ekpidi lidu lidu bɔbla bɔ́ya na beeebo bunwini teewi.

Galatiƒuɔ 5:10

Lɛ́ƒɔ lɛ́di na Blɔti lɛnyi kemmo ka bɛsɔ bileti kasusu kabambadi. Na ukyuli ɔni muuƒú-mii kasusu mmɔ ni, ɔdubɔkɛ nwuna kɔtu bɔni kalɛ na ɔ́manku-nwu si ina bi ukyuli na ɔdi.

Korintoƒuɔ 2 11:20

Na bɛɛtunaku-ma si ɔdi úti-mii ɔ́bla nwuna kabla ɔblane iye ɔ́kɛ-mii lɛlɔ kɔsia kɔdi iye ɔ́kywɛ-mii kakpagyuɛ kadi iye baanu-mii kalɔ kalɔ iye ɔ́ƒiɛmi-mii ɔtugya muedi.

Korintoƒuɔ 2 11:13

Bekyuli bammɔ baaadi batalane geen. Ɔkɔ batalane na badi, na baanyi ɔkɔ na bana kabla kemmo. Bávumana bana lɛlɔ kalɛ na bekyuli banu-ma aani si Kristo batalane na badi sɔsɔ.

Korintoƒuɔ 2 3:17

Na ɔƒɛni ni, Blɔti ɔni na bɔɔlɔ mɛni ni, anwu ndi Katɔti Kɔyu. Na kesii kani na Katɔti Kɔyu kɔkya ni, lɛla lɛdi lɛsɔ lilényimi ukyuli.

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Batalane Kabla 15:24

Búnu ka baƒɔtaadine badi bási bula akɔ mɛni, na bébo mmɔ bábakyaku-mii unyeƒi na bula Yudaƒuɔ ɔlɔna bukulo ɔdi lɛlɔ. Nsu ni, bútatala-ma bɔnii babasu-mii ala amɛni udu.

Batalane Kabla 15:1

Uwi ɔni na Paulo ku Barnaba bakya Antiokia ni, bekyuli badi bási Yudea bébo na bátina baƒɔtaadine bani nkya mmɔ ala básu banini, “Amu ntu ukyuli biala ɔ́ƒɔ lego bukulo ɔdi ɔmmɔ aani kalɛ na Mose ɔda bubo bɔɔtina asa na wakɛ bɔƒɔ.”

Yesaia 51:23

Mmomu ɔdubunwini usie bina bekisine bani nésusu-mii bákya bana lɛgba kalɔ aani ɔtumu kudɔ.”

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Galatiƒuɔ 4:25

Hagar ɔni nnye nte Sinai kɔbi na Arabia kalɔ lɛlɔ ni, ɔdi lɛgba lɛni mɔɔtina kalɛ na Yerusalem ɔni nkya ɔƒɛni ku nwuna bebi bakya lɛbibo kemmo ɔmwi na bénwini bekyuli bamba kabla bablane.

Korintoƒuɔ 2 11:17

Na lɛla lɛni mɔɔsu mɛni ni, lɛɛɛdi lɛla lɛni na Blɔti úbo-mi ɔda ɔnii nsu. Ɔsika lɛmɛnɛ bɔkun litemi lɛmɛni kemmo ni, ɔdubɔbla-mii aani ɔdɔlɔdi kalɛ.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Kɔgya 119:45

Na ndubulie ku kayi ƒaa, ɔsika mɔɔkya ɔkplu ka lɛdi ƒula ɔda bubo lɛlɔ kaduɛ.

Kɔgya 51:12

Mmomu na asɔku mina ngba bɔƒɔ lɛlɔyɔ lɛni na éte-mi mmɔ akya-mi lɛlɔ kemmo. Na aya na lɛkana bunye kpakplaa na ntaadi ƒula litemi lɛlɔ.

Galatiƒuɔ 1:7

Sɔsɔ na ɔdi ka litemi buni bamba lɛdi liiibo. Nsu mɔɔsu ɔmɛni ɔsika bekyuli badi bakya beeƒú-mii kasusu, na baayɔ́ ka bavumana Kristo litemi buni lɛmmɔ.

Yakobo 1:25

Litemi buni lɛmmɔ ndi Katɔti ɔda ɔni na úbo-bu geen. Na ani mɔɔyá bekyuli baakɛ́ bɔnwuna. Si ukyuli únu na úduo etemila ammɔ kemmo kaduɛ na útayiƒala ka ɔbla ɔsiaku-nya lɛlɔ ni, ala ani na ɔɔbla ƒui adubɔtɛ ete-nwu.

Luka 5:38

Nsu beeti ntɛ bɔwɔdi teewi ɔku koƒo kɔwɔdi kemmo.