Galatiƒuɔ 2:2 - Katɔti Ɔku Kedee

² Lísie mmɔ ɔsika Katɔti nédie ɔ́tina-mi. Na lídie ala kalɔ lɛ́tina-ma ɔkɛnku litemi buni lɛni lɛ́sa na lɛ́kɔ líte bani naaadi Yudaƒuɔ mmɔ lɛlɔ. Nsu ami ku batɔnkune bani ntɔnku baƒɔtaadine akpa ammɔ lɛti nása. Ɔsika naaayɔ nnii ɔkɛnku batɔnkune bammɔ ɔsu na mina kabla kani mɔɔbla mɛni iye kani na lɛ́bla lɛ́vi kabla keeke.

Galatiƒuɔ 2:2 Referans Kwoze

Galatiƒuɔ 2:6

Na bekyuli bani na bɛɛnu ka ama badi batɔnkune ni, ina ka ami naaanu-ma kavumana kadi ina bi na badi ɔsika Katɔti ulánu ukyuli anumi asa na ɔɔtɛku-nwu litemi ni, ama lɛnɔ béteti lɛla lɛdi bétebunku mina litemi lɛni na mɔɔsu ka mbasu-mii.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Tesalonikaƒuɔ 1 3:5

Ala amɛni ɔsu na lɛ́tala Timoteo nnii ubanu si bɛmu bɛda bɔƒɔtaadi bɔmmɔ kpakplaa. Ɔsika litemi lɛmɛni liléte-mi bɔlɛɛ. Na mɔɔyia ka ɔƒɛni kalɛ ukisine ɔmmɔ úbo úbeƒu-mii kasusu na bula lɛbibo ƒui lɛ́bla keeke.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Korintoƒuɔ 1 9:26

Ɔmɛni ɔsu na muukeli siin kalɛ na ntékulo kabuli. Na nse aani ukyuli ɔni muukpó lɛvu ɔni na ulébeyi nwuna lɛvu na kayaa ukpludi.

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Korintoƒuɔ 1 9:24

Bɛgyi nwaa ka bekyuli pii muusié usi kekelikɔ. Nsu ukyuli unwi pɛ mɔɔdi lɛlɔ taaƒɔ lɛyuƒɔla. Anwuɔsu bikeli usi ɔmmɔ kalɛ na bɛdi lɛlɔ na bɛkɛ lɛyuƒɔla.

Korintoƒuɔ 1 2:2

Na uwi ɔni na ḿbakya-mii kudɔ ni, lɛ́tɛmiku-mii na Yesu Kristo ɔmmɔ lɛti pɛ lɛlɔ. Na ɔni ntulo ƒui ndi nwuna kukpi na ugyii lɛlɔ.

Batalane Kabla 15:12

Amu na bana ƒui báda butemi báya na bélie beenú akɔla ani na Paulo ku Barnaba baasu ka Blɔti ɔkɛ bana lɛlɔ ɔ́bla úte ama bani naaadi Yudaƒuɔ.

Batalane Kabla 15:4

Amu ka bétédu Yerusalem ni, baƒɔtaadine ku batalane ku bana benengu ƒui báƒɔ-ma kaduɛ. Na Paulo ku Barnaba béti bana ulu busie litemi báva-ma anumi ɔ́si ala ani ƒui na Katɔti ɔ́bla ɔ́kɛnku-ma lɛlɔ.

Ƒilipiƒuɔ 2:29

Anwuɔsu bigyingya enu na bɛƒɔ-nwu ku kubiti na Blɔti lɛnyi kemmo. Na biti ɔbu bite bekyuli bani ƒui nse aani kalɛ na use.

Batalane Kabla 23:11

Amu na limeyi lɛmmɔ usientɛ ni, Blɔti úbenye Paulo kudɔ na ɔ́su-nwu ɔnini, “Paulo, kya ɔkplu. Kalɛ na ásu mina lɛlɔ litemi mɛni na Yerusalem ni, lɛni kani na adubɔsu-ni na Roma lɛnɔ.”

Batalane Kabla 18:9

Amu na limeyi lɛdi usientɛ ni, Blɔti ɔ́su Paulo na kɔna kemmo ɔnini, “Tayia! Na tada litemi lɛmɛni bɔsu taya.

Batalane Kabla 5:34

Nsu Ƒarisiƒuɔ bammɔ kemmo unwi ɔni na baalɔ Gamaliel ɔ́bala-ma. Baaƒalɛ ukyuli ɔmɛni kaduɛ, ɔsika ɔdi Mose ɔda bubo ala ɔtinane. Anwu náta únye na ɔ́su ɔnii bada-ma bedie mmɔ asa na ama bakladi bataatɛmi.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Etemila 10:1

Kalɛ na si balɔlɔ békpi bákya nnɔmii ƒɛƒɛɛ kemmo na ɔɔyá na nnɔmii bɔmmɔ ɔnyi ɔɔbla buɛ buɛ ni, lɛni na kɔdɔlɔ kɔɔyá na lɛnunda ku ɔbu ɔɔyii udu.

Batalane Kabla 15:2

Nsu Paulo ku Barnaba ku bekyuli bamɛni báni litemi lɛmɛni bénene kaduɛ. Ɔmɛni ɔsu ni, báya na baƒɔtaadine badi básiaku-ma na bésie Yerusalem kalɛ na ama ku baƒɔtaadine bani nkya Yerusalem mmɔ batátɛmi basiku ɔlɔna bukulo kɔtɛ kɔmɛni lɛlɔ.

Romaƒuɔ 9:16

Anwuɔsu kalɛ na Katɔti ɔɔnu ukyuli kɔnyana ni, ɔɔɔkɛnku ukyuli ɔmmɔ kabla bɔbla iye tabla lɛlɔ. Mmomu ni, ɔkɛnku kalɛ na Katɔti ɔlati ɔɔnu kɔnyana lɛlɔ.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Galatiƒuɔ 1:6

Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.

Galatiƒuɔ 1:12

Na ɔɔɔdi ukyuli ɔdi kudɔ lɛnɔ na lɛ́ƒɔ-ni lɛ́siku iye ɔdi nátina-mi lɛla lɛmmɔ lɛnɔ. Mmomu Yesu Kristo ɔlati nédie nwuna ablala etemila ammɔ ɔ́tina-mi.

Galatiƒuɔ 5:7

Na nka binye kabla kammɔ lɛlɔ kaduɛ! Na ɔma náya na bɛ́da bɛ́ya, na ɔ́ya na bɛ́da litemi geen lɛmmɔ lɛlɔ bɔdi bɛ́ya?

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.