Galatiƒuɔ 2:11 - Katɔti Ɔku Kedee

¹¹ Uwi ɔni na Petro úbo Antiokia ni, lɛ́ta línye-nwu lɛlɔ, ɔsika ɔ́bla lɛla lɛni naaadia.

Galatiƒuɔ 2:11 Referans Kwoze

Timoteo 1 5:20

Na bekyuli bani nli nte ekpidi bɔbla ni, ɔlɛka edie alɛ-ma na adɔnku-ma na baƒɔtaadine ƒui anumi. Na ɔmɛni ɔdubɔkya bakladi liƒu.

Galatiƒuɔ 2:14

Amu ka lɛ́nu lɛ́ti ka baaakɛ litemi geen lɛmmɔ ulu lɛlɔ ɔsu ni, lɛ́su Petro na bekyuli bammɔ ƒui anumi nnii, “Yudani na adi, nsu eelie aani ukyuli ɔni naaadi Yudani, na ɔɔɔdi aani kalɛ na Yudaƒuɔ beelie kalɛ. Anwuɔsu dɛ na ɔbla asa na éti ƒula ɔbladu eenye bekyuli bani naaadi Yudaƒuɔ lɛlɔ ka basia Yudaƒuɔ ɔdi bɔbla kama?

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Batalane Kabla 15:1

Uwi ɔni na Paulo ku Barnaba bakya Antiokia ni, bekyuli badi bási Yudea bébo na bátina baƒɔtaadine bani nkya mmɔ ala básu banini, “Amu ntu ukyuli biala ɔ́ƒɔ lego bukulo ɔdi ɔmmɔ aani kalɛ na Mose ɔda bubo bɔɔtina asa na wakɛ bɔƒɔ.”

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Galatiƒuɔ 2:7

Mmomu bánu báti ka Katɔti néti kabla kamɛni ɔ́kya-mi enu kemmo ka lɛkɔ litemi buni lɛmmɔ lɛsa lite bani naaadi Yudaƒuɔ, aani kalɛ na úti ɔ́kya Petro enu kemmo na ɔkɔ litemi buni lɛmmɔ lɛsa ute Yudaƒuɔ.

Galatiƒuɔ 2:5

Nsu abu lɛnɔ bútete-ma kuƒi kɔdi munu munu kalɛ na litemi geen lɛmmɔ lɛkana-mii akɔ bɔkya ɔsu.

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Korintoƒuɔ 2 11:5

Nsu lɛ́ƒɔ lɛ́di ka lɛ́ƒɔ kuye ntulo bekyuli bani na biigyingya enu taaƒɔ aani si badi batalane babuni sɔsɔ.

Batalane Kabla 11:19

Na uwi ɔni na ala amɛni aalɛ́ ni, baƒɔtaadine bani nékeli na lɛbibo lɛni nébo-ma lɛlɔ na Steƒano bɔdu ɔsu ni, bésie bétédu Ƒoinike ku Kipro ku Antiokia lɛma kemmo. Na bakɛ baasu litemi buni lɛmmɔ, nsu ɔɔɔdi bekyuli ƒui, mmomu Yudaƒuɔ lɛti.

Yona 4:9

Amu na Katɔti úye-nwu ɔnini, “Bi ɔyikun na ebo ɔsu na eeti kɔnyi akya kabuli kammɔ?” Yona údie kenye ɔnini, “Mbo kuƒi ka liti kɔnyi kɔni nédu ka líkpi muedi.”

Yona 1:3

Nsu ka Yona ulayɔ ka usie ɔsu ni, úkeli úsie Yopa ɔnii utéti ɔkɔlɔ ubendi na mmɔ na uteesie kalɔ kani baalɔ banii Tarsis. Amu na ɔ́ƒɔ kayu na úduo ɔkɔlɔ ubendi ɔmmɔ kemmo na básia ntu anumi bésela Tarsis kalɔ lɛlɔ likpo lɛni na watábɛ Unwoti.

Yeremia 1:17

“Yeremia, klibi lɛlɔ se! Sie na atásu bekyuli bammɔ lɛla lɛni na líti mɔɔkya-a kɔnu mɛni. Taya na bana lɛlɔ lɛbla-a liƒu si ɔɔɔdi lɛni ni, ndubɔya na liƒu ala adi abla-a na lɛya na ama benye bataanu-ɔ.

Bumomo Bɔka 20:12

Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Yohane 1:42

Na Andrea ɔ́tɔnku Simon úsienku Yesu kudɔ. Na ka Yesu ɔ́nu Simon ni, ɔ́su-nwu ɔnini, “Awɔ ndi Yohane ubidi Simon, nsu bekyuli badubɔlɔ-ɔ banii Keƒas,” iye Petro. Na anyi ammɔ kalɔ budie ndi lɛtakpɛ.

Batalane Kabla 11:20

Nsu ni, baƒɔtaadine bani nási Kipro ku Kirene bésie Antiokia bátásu Blɔti Yesu lɛlɔ litemi béte Grikiƒuɔ.

Batalane Kabla 11:22

Uwi ɔni na baƒɔtaadine bani nkya Yerusalem bénu lɛla lɛni nébo na mmɔ ni, bátala Barnaba banii uteesie Antiokia.

Batalane Kabla 11:27

Uwi ɔmɛni kani kemmo ni, Katɔti kenye bediene badi bási Yerusalem bébo Antiokia.

Batalane Kabla 15:5

Nsu ni, Ƒarisiƒuɔ lɛkpa lɛni nénwini kayi mmɔ badi báta bénye-ma akɔ na básu banii, “Ɔlɛka banwa bani naaadi Yudaƒuɔ na bakya-bu akɔ mɛni lɛnɔ bekulo lego na basiaku Mose ɔda bubo kama.”

Galatiƒuɔ 1:18

Na akwa atɛ kama asa na lísie Yerusalem ńtánu Petro, na lílie-nwu kudɔ emeyi leevu-alɔ.