Galatiƒuɔ 1:24 - Katɔti Ɔku Kedee

²⁴ Anwuɔsu beemwi Katɔti ɔkɛnku ami ɔsu.

Galatiƒuɔ 1:24 Referans Kwoze

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Tesalonikaƒuɔ 2 1:12

Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Korintoƒuɔ 2 9:13

Bina kaƒɔ ƒaa kebunku kani biite bekyuli mɛni mɔɔtina ka bɛɛdi Kristo litemi buni lɛmmɔ lɛlɔ geen. Na kalɛ na biidie bina bɔƒɔtaadi keyi ku kalɛ na biile ala ani nse-mii teete lɛlɔ ku bekyuli bamba lɛnɔ ɔsu ni, bekyuli pii badubuti ɔbu bete Katɔti.

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Marko 2:12

Na ɔnana ɔmɛni ɔ́ta kɔnakunwi na úti nwuna lɛtala na úsie ɔ́vi bekyuli bani nnye mmɔ akɔ, na ɔ́tɔlɔ úsie nwuna kesii. Ɔmɛni ɔ́bla bekyuli bani nnye mmɔ ƒui kalɛ kadi. Na bátakɔsi Katɔti bumwi. Bana ƒui básu banii bátanu lɛla lɛmɛni udu kudii!