Ƒilemon 1:19 - Katɔti Ɔku Kedee

¹⁹ Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.

Ƒilemon 1:19 Referans Kwoze

Galatiƒuɔ 6:11

Amii alati bɛdubɔnu kunweni bonwu kɔni na ami ɔlati líti mina kɔnu línweni mɛni.

Galatiƒuɔ 5:2

Bise ɔmɛni likpo! Ami Paulo mɔɔsu-mii ka si bíte kuƒi na békulo-mii ago ni, na Kristo ɔsɔ uuubo kɔsia kɔdi uuute-mii.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Korintoƒuɔ 2 3:2

Ɔsika amii alati ndi bula kakunkɛ kani na Katɔti únweni ɔ́sia-mii kayi lɛlɔ. Na ukyuli biala ɔdubɔnu bula udu ɔti na bina lɛlɔ.

Ala Kalɔ Buse 43:9

Ami ɔlati líti mina lɛlɔ muunyene kama ka lɛla lɛdi lilálɛku-nwu. Na si ńtasɔku-nwu ńteboku na liti-nwu mbenyene ƒula anumi mɛni ni, ami ndubunye kayu kammɔ kenye mina ngba uwi ƒui.

Romaƒuɔ 16:22

Ami Tertio ɔni nénweni ɔku ɔmɛni líse lɛnɔ muugyele-mii na Blɔti lɛnyi kemmo.

Korintoƒuɔ 2 9:4

Na si nka banwa bani nkya Makedonia badi básiaku-mi bébo-mii kudɔ na bábanu ka bítaklibi lɛla lɛdi bítese aani kalɛ na lɛ́su ni, abu ku amii lɛnɔ geen anumi adubuwi-bu kalɔ. Na buláwia kɔƒa kɔdi na kalɛ na búti anu bɔ́sia-mii lɛlɔ ɔsu.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Ƒilemon 1:18

Si ɔ́ƒiɔ-ɔ iye ɔda-a kayu kadi ni, ti-ka kya mina akunta kemmo.