Israelƒuɔ Bɔlɛ 9:23 - Katɔti Ɔku Kedee

²³ Anwuɔsu ka Mose ɔ́kɔliku ugyii ɔmmɔ ɔ́tina katɔ ni, Unwoti ɔ́ya na katɔ keedu taasia kama na etubankɛ lɛnɔ aana na kayaa kaabwɛ ogya teewi kalɔ lɛlɔ. Na Unwoti ɔ́ya na amɛni ƒui álɛ na Egyipte kalɔ lɛlɔ mmɔ.

Israelƒuɔ Bɔlɛ 9:23 Referans Kwoze

Kɔgya 18:13

Na Unwoti uudie lɛdi ku kudu bonwu na kayaa aani kalɛ na katɔ keedu. Na anwu ɔni ntulo ƒui mmɔ lɛdi lɛɛku taasi katɔ katɔ ƒui teebewi kalɔ.

Yosua 10:11

Uwi ɔni Amoriƒuɔ badaku bukeli taatɔlɔ Israelƒuɔ bekpone kudɔ ni, Unwoti ɔ́ya na etubankɛ bonwu bonwu ánu ábayu-ma lɛlɔ úti útédu Aseka, na békpi ƒui kede kede. Na bani na etubankɛ áyu-ma lɛlɔ na békpi ni, bémomo bétulo bani na Israelƒuɔ bekpone bádu.

Esekiel 38:22

Ndubo bɔya na ɔlɛ buɛ ubo-mii na kukpi na ndubuti lɛni-mii kɔtu. Na ɔnantu ku ɔƒɛƒɛɛ kpakplaa ku etubankɛ ku ogya aƒɛ ku ɔnyi gbagbangba ndubo butaayu-mii lɛlɔ aani kalɛ na baawɛ́ lɛla lɛdi.

Yesaia 30:30

Na Katɔti ɔdubo kɔnyi buti geen na benu-nwu lɛdi lɛni mɔɔda liƒu na nwuna livoƒi ɔsu. Na ogya ɔni ndubo butaada ku ɔƒɛƒɛɛ kpakplaa ɔni muukpó ku ɔnantu ku etubankɛ ani mɔɔna ndubɔtina ka Katɔti nédie nwuna kɔnu ka ubile ala.

Budie Taatina 8:7

Katɔti ɔtu udeedi ɔ́vwi nwuna kakpɛɛ. Mmɔ kani ni, etubankɛ ku ogya ɔni násalaku ubugya ɔ́bwɛ úbewi kalɔ lɛlɔ na kalɔ kemodi ku egyii lɛkpa lɛtɛdi lɛ́kywi. Na livo ƒui lɛ́kywi.

Kɔgya 148:8

Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.

Kɔgya 77:18

Kayaa budu bɔmmɔ bɔɔlɛ́ taasi ɔƒɛƒɛɛ kpakplaa ɔni mɔɔkya ligede kemmo. Na kalɛ na kayaa kaabwɛ ogya ni, uukeye teewi kayawi ƒui. Na kalɔ kemodi kaakunku momoomo.

Kɔgya 29:3

Unwoti uukeye na uudie lɛdi momoomo aani kalɛ na katɔ keedu. Na nwuna lɛdi kɔku kɔ́ƒɔ ɛpu ntu bɔmmɔ ƒui lɛlɔ.

Budie Taatina 16:21

Etubankɛ bonwu adi aani atakpɛ áyu ási kayaa ábaƒiɛmi bekyuli, na béwida Katɔti ɔ́si ɔgbankpi ɔmɛni ɔsu.

Israelƒuɔ Bɔlɛ 20:18

Amu ka bekyuli bammɔ bénu kalɛ na katɔ keedu, na kaabwɛ ogya, na kakpɛɛ lɛnɔ kaaku, na bánu kalɛ na uyɔ lɛnɔ ɔ́ƒɔ kɔbi kɔmmɔ lɛlɔ ni, liƒu bonwu lɛ́da-ma. Anwuɔsu báni bésie kama kama.

Israelƒuɔ Bɔlɛ 19:16

Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Budie Taatina 16:18

Na kayaa kábwɛ ogya ku kɔku bonwu, na katɔ keedu taasia kama! Na kalɔ kaakunku ɔni na kalɔ bɔkunku bɔmmɔ udu bútalɛ kudii ɔ́si uwi ɔni na Katɔti údie ukyuli!

Ala Kalɔ Buse 19:24

Uwi ɔmmɔ kemmo na Katɔti ɔ́ya na ɔgya atabi adi áyu ási Katɔti ɔlati kudɔ aani kalɛ na ɔnantu ɔɔna. Na ébewi Sodom ku Gomora lɛlɔ mmɔ.

Israelƒuɔ Bɔlɛ 9:18

Anwuɔsu kɔnaadi ɔƒɛni kalɛ ni, ndubɔya na etubankɛ ku ɔƒɛƒɛɛ kpakplaa ɔni udu nétebo tɔ na Egyipte kalɔ lɛlɔ ubekpo.

Israelƒuɔ Bɔlɛ 9:24

Etubankɛ ammɔ ána lɛni na katɔ kaabwɛ ogya taasia kama ɔni na ɔmɛni udu útalɛ lɛni kudii na Egyipte kalɔ lɛlɔ.

Hiob 37:13

Na ɔɔyá na ɔnantu ɔɔna na uuti taaní bekyuli kɔtu na bana ablala ɔsu, iye ɔya na ɔna uwi kalɔ kalɛ na edula adia.

Kɔgya 147:17

Na ɔdi ɔɔyu aani abanta bonwu bonwu. Na ɔdi biala ulakana kɔyɔ kɔmmɔ kenye bunye.