Israelƒuɔ Bɔlɛ 8:32 - Katɔti Ɔku Kedee

³² Nsu ɔmɛni kama Ƒarao kayi kásɔ kábayu ɔkplu kébu na úbulo Israelƒuɔ ulu budie.

Israelƒuɔ Bɔlɛ 8:32 Referans Kwoze

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Israelƒuɔ Bɔlɛ 4:21

Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Yesaia 63:17

Unwoti, bi ɔsu na áya na bɔɔyii ƒula ulu, na áya na bula kɔyi kɔ́bla na bubo atu ɔkplu na bulabu-ɔ? Sɔ nwini bo na abu ƒula kabla bablane ɔsu, abu bani ndi ƒula bekyuli bani na áƒuna ése éte lɛlɔ.

Israelƒuɔ Bɔlɛ 8:8

Amu na Ƒarao ɔ́lɔ Mose ku Aaron na ɔ́su-ma ɔnini, “Bɛkpali Unwoti na ɔya na bapɔtɔlɔ bammɔ ƒui balɛ ami ku mina kalɔ bekyuli ƒui lɛlɔ. Na ndubute bina bekyuli kuƒi na batɔlɔ. Kalɛ na batábla akpala bete Unwoti.”

Israelƒuɔ Bɔlɛ 8:31

Unwoti únu Mose bɔkpali. Na balɔlɔ bammɔ ƒui bátɔlɔ Ƒarao ku nwuna benengu ku nwuna bekyuli kɔduli, na ina alɔlɔ unwi muedi ɔ́sɔ útebu Egyipte kalɔ lɛlɔ.

Israelƒuɔ Bɔlɛ 9:7

Ƒarao ɔ́tala bekyuli ɔnii betéye benu si Israelni ɔdi ebuo úkpi. Na bébete-nwu bɔti ka ina Israelni ebuo unwi útekpi. Nsu ɔmɛni kama ƒui Ƒarao ɔmu ɔɔyu kayi ɔkplu. Na útete Israelƒuɔ kuƒi na batɔlɔ.

Samuel 1 6:6

Na bi ɔsu na bɛɛbla atuɔkplu aani kalɛ na Egyipteƒuɔ ku Ƒarao bábla? Na ɔmmɔ ɔsu na ɔ́ni-ma kɔtu kpakplaa útálɛ ka bágya Israelƒuɔ bálɛku bana ɔma na béti bana ulu?