Israelƒuɔ Bɔlɛ 8:15 - Katɔti Ɔku Kedee

¹⁵ Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Israelƒuɔ Bɔlɛ 8:15 Referans Kwoze

Yesaia 26:10

Si ina bi lɛƒɔndia na ábla belikplune ni, baaadubo bɔti kalɛ na baabla ala siin. Kesii kani na siin bɔbla bɔkya muedi ni, ama likpidi bɔbla lilu lɛlɔ kani na baasia uwi ndi uwi na balánu kalɛ na Unwoti úbomo na uukeye lɛnɔ taati.

Hebriƒuɔ 3:15

Lɛni na básu bábavi ɔƒɛni banini, “Si bínu Katɔti lɛdi ɔmwi ni, bitabla atuɔkplu aani kalɛ na bɛ́bla uwi ɔni na bɛ́ta binye Katɔti lɛlɔ.”

Hebriƒuɔ 3:8

bitabla atuɔkplu aani kalɛ na bɛ́bla uwi ɔni kemmo na bɛ́ta bínye-mi lɛlɔ na bɛ́kɔku-mi bɛ́nu na ketele mmɔ.

Etemila 8:11

Si bɔ́nu kalɛ na bekyuli bekpidi benye baabla likyulikpi ala taasia kama na balakɛ lɛtuni lɛdi ni, na ɔɔbla-bu aani abu lɛnɔ buse kalɔ buteelie ngba bɔmmɔ udu.

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 14:5

Amu ka básu Ƒarao ka Israelƒuɔ békeli bátɔlɔ ni, anwu ku nwuna benengu bávumana kasusu na béye lɛlɔ banini, “Bi adɔlɔla adi na bɔ́bla mɛni? Bɔ́ya na Israelƒuɔ békeli bátɔlɔ. Na ɔma bene nsɔ ndubɔbla kabla bete-bu?”

Israelƒuɔ Bɔlɛ 4:21

Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Budie Taatina 16:9

Na bekyuli bákywi ɔ́si ogya liwulu kpakplaa lɛmmɔ ɔsu. Na béwida Katɔti lɛnyi, ɔsika nwuna ɔyikun ɔsu na lɛbibo lɛmɛni líbo-ma lɛlɔ. Nsu ɔmɛni kama ƒui ni, bétenwini kama bátakya bana ekpidi na bemwi Katɔti.

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Israelƒuɔ Bɔlɛ 8:8

Amu na Ƒarao ɔ́lɔ Mose ku Aaron na ɔ́su-ma ɔnini, “Bɛkpali Unwoti na ɔya na bapɔtɔlɔ bammɔ ƒui balɛ ami ku mina kalɔ bekyuli ƒui lɛlɔ. Na ndubute bina bekyuli kuƒi na batɔlɔ. Kalɛ na batábla akpala bete Unwoti.”

Israelƒuɔ Bɔlɛ 8:14

Na Egyipteƒuɔ bábuma bapɔtɔlɔ bammɔ bétéwi liku linwi na bébun na beenwenyi geen.

Israelƒuɔ Bɔlɛ 8:16

Amu na Unwoti ɔ́su Mose ɔnini, “Su Aaron na uti ugyii ɔni na ɔda mmɔ ɔƒiɛmi kalɔ, na ɔdubɔya na ɔtumu ɔni malɛ mmɔ uyi Egyipte kalɔ lɛlɔ. Na ɔtumu ɔmmɔ ɔdubunwini baƒɔtɔ bataadu bekyuli.”

Israelƒuɔ Bɔlɛ 8:28

Amu na Ƒarao ɔ́su-ma ɔnini, “Ndubute-mii kuƒi na bisie bitákpa bina Unwoti Katɔti na ketele kemmo, nsu bitesie ɔgyu. Na ɔƒaani ni, bɛkpali katɔ na bivele Unwoti na mina lili.”

Israelƒuɔ Bɔlɛ 8:29

Amu na Mose údie kenye ɔnini, “Si lɛ́nya lɛ́tɔlɔ-ɔ kudɔ ni, ndubo Unwoti buvele bute-ɔ na balɔlɔ bammɔ batɔlɔ awɔ ku ƒula benengu ku ƒula bekyuli lɛlɔ kɔnaadi. Mmomu bulayɔ ka asɔ atɔlɔ-bu lɛnɔ na elete kuƒi na bula bekyuli besie batábla akpala bete Unwoti.”

Israelƒuɔ Bɔlɛ 8:32

Nsu ɔmɛni kama Ƒarao kayi kásɔ kábayu ɔkplu kébu na úbulo Israelƒuɔ ulu budie.

Samuel 1 6:6

Na bi ɔsu na bɛɛbla atuɔkplu aani kalɛ na Egyipteƒuɔ ku Ƒarao bábla? Na ɔmmɔ ɔsu na ɔ́ni-ma kɔtu kpakplaa útálɛ ka bágya Israelƒuɔ bálɛku bana ɔma na béti bana ulu?

Agba 26:11

Kalɛ na akpewe ɔsɔ uuti nwuna kɔdala ni, lɛni na ɔdɔlɔdi ɔɔsɔ teenwini teesie nwuna kɔdɔlɔ ala bɔbla kudɔ.

Samuel 1 6:3

Mmɔ na bédie kenye banini, “Si bɛ́sɔku Unwoti Bunyimi Adaka ɔmmɔ bíselaku Israel ni, biteti anwu lɛti bitada, mmomu biti etela adi bibunku bitékpi kɔtɔ. Na bina ɔlɛ ɔdubɔba-mii. Na bɛdubɔti lɛnɔ lɛla lɛni ɔsu na Unwoti ɔ́ya na ɔgbankpi ɔmɛni udu ɔ́siaku-mii lɛni.”

Samuel 1 6:9

Na bitaasia-nwu anumi taanu, si ɔ́sia ɔma ulu lɛlɔ siin úsela Bet-Semes ni, na bɛgyi ka ɔgbankpi ɔmɛni ɔ́si Unwoti kudɔ asa na úbo-bu lɛlɔ. Na si útasia lɛni bɔdi ni, na bɛgyi ka ɔgbankpi keeke kani nátuaku-bu.”

Samuel 1 6:12

Amu na ɔmantɛ bakɔ bammɔ báyu ulu, na bakɛ siin bésela Bet-Semes. Na bakɛ beebó kudu na ulu lɛlɔ uwi ƒui. Na bétedeyi kɔmii iye kɔdianu. Na Ƒilistiƒuɔ batɔnkune bammɔ basiaku-ma kama laa útédu Bet-Semes ɔmii lɛlɔ.