Israelƒuɔ Bɔlɛ 7:9 - Katɔti Ɔku Kedee

⁹ “Si Ƒarao ɔ́su-mii ɔnini, ‘Bɛbla akɔla budie taatina bɔdi’ ni, na asu Aaron na uti nwuna ugyii ɔdadi mmɔ ɔva Ƒarao anumi. Na ugyii ɔmmɔ ɔdubunwini kɔlakpi.”

Israelƒuɔ Bɔlɛ 7:9 Referans Kwoze

Yohane 2:18

Na ɔmɛni ɔsu ni, Yudaƒuɔ batɔnkune bádɔnku Yesu banini, “Ɔma nátala-a lɛla lɛmɛni udu bɔbla? Akɔla budie bɔtina bɔmani na adubɔbla na eti atina-bu kenyekɔ kani na ebo ɔsu na aabla lɛni?”

Yesaia 7:11

“Vele ami Unwoti ƒula Katɔti na lɛtina-a likposela lɛdi ɔ́si kalɔ kemmo ƒui útédu katɔ kakaaka.”

Israelƒuɔ Bɔlɛ 4:2

Mmɔ na Unwoti úye-nwu ɔnini, “Bi na ada mmɔ?” Amu na Mose údie kenye ɔnini, “Ugyii ɔdadi.”

Yohane 6:30

Amu na básɔ béye-nwu banini, “Akɔla budie taatina bɔmani na adubɔtina-bu kalɛ na bɔƒɔ-ɔ bɔdi? Bi na aakana bɔbla?

Israelƒuɔ Bɔlɛ 4:17

Nsu ti ugyii ɔmmɔ da kɔnu kalɛ na eteeti taabla akɔla budie taatina lidu lidu.”

Israelƒuɔ Bɔlɛ 10:13

Anwuɔsu Mose únene kɔnu na úti nwuna ugyii ɔdadi ɔmmɔ ɔ́tina Egyipte kalɔ kammɔ lɛlɔ, na Unwoti ɔ́ya na ɔƒɛƒɛɛ ɔdi úkpo ɔ́si ɔƒɛ katukɔ ɔ́vi kalɔ kammɔ lɛlɔ limeyi lɛmmɔ ku usien umodi. Na kadi buteegye ni, baalɔlɔ bani muubile ala mmɔ báyu bébewi geen.

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Mateo 12:39

Mmɔ na Yesu údie kenye ɔnini, “Bɛnu kalɛ na ɔmwi limeyi kaba bekyuli bebo likyulikpi na balayia Katɔti. Bɛɛwia bɛnii mbla akɔla budie taatina adi, nsu lɛɛɛdubo bɔbla. Akɔla budie taatina ani kani na bɛdubɔnu ndi ani ndaku Katɔti Kenye Udiene Yona.

Esekiel 29:3

ami nnini, ‘Awɔ Egyipte ɔga, ábla lɛlɔ aani odenge bonwu ɔdi na ɔtɛ ketu kemmo. Na átaabla lɛlɔ aani si Nil Ketu bonwu kammɔ ƒui ɔwɔ kadi na kadi na awɔ nábla-ka éte lɛlɔ. Nsu ɔƒaani ni, ami Unwoti Katɔti línwini ƒula ukisine!

Israelƒuɔ Bɔlɛ 9:23

Anwuɔsu ka Mose ɔ́kɔliku ugyii ɔmmɔ ɔ́tina katɔ ni, Unwoti ɔ́ya na katɔ keedu taasia kama na etubankɛ lɛnɔ aana na kayaa kaabwɛ ogya teewi kalɔ lɛlɔ. Na Unwoti ɔ́ya na amɛni ƒui álɛ na Egyipte kalɔ lɛlɔ mmɔ.

Israelƒuɔ Bɔlɛ 4:20

Anwuɔsu Mose úti ulekudi ku nwuna bebi bananabi na úti-ma ɔ́sia ɔƒlumu kama. Na bátɔlɔ bésie Egyipte. Na úti Katɔti ugyii ɔdadi ɔmmɔ ɔ́da.

Israelƒuɔ Bɔlɛ 7:8

Amu na Unwoti ɔ́su Mose ku Aaron ɔnini,

Israelƒuɔ Bɔlɛ 4:3

Amu na Unwoti ɔ́su-nwu ɔnini, “Bo ugyii ɔmmɔ va kalɔ.” Amu ka Mose úbo-nwu ɔ́va kalɔ ni, kɔnakunwi ugyii ɔmmɔ únwini kɔlakpi. Amu na Mose úkeli úsie kama.