Israelƒuɔ Bɔlɛ 7:5 - Katɔti Ɔku Kedee

⁵ Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Israelƒuɔ Bɔlɛ 7:5 Referans Kwoze

Israelƒuɔ Bɔlɛ 14:18

Na si lɛ́di Ƒarao ku nwuna bapɔnkɔ kɛɛkɛ bakane ku bapɔnkɔ beliene bammɔ lɛlɔ lɛni na mina lɛnyi líkeye ni, na Egyipteƒuɔ banu bati ka ami ndi Unwoti.”

Israelƒuɔ Bɔlɛ 8:22

“ ‘Nsu limeyi lɛmmɔ lɛlɔ ni, Gosen kalɛkɛ kesii kani na mina bekyuli belie aka ni, alɔlɔ biala ɔɔɔdubo mmɔ bɔkya. Ndubɔbla ɔmɛni na Ƒarao ɔnu ɔti ka ami ɔni ndi Unwoti nkya kalɔ kamɛni kemmo.

Israelƒuɔ Bɔlɛ 7:17

Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Esekiel 39:22

Na ɔ́si uwi ɔmmɔ lɛlɔ lɛnɔ ni, Israelƒuɔ badubɔnu bɔti ka ami ndi Unwoti, bana Katɔti.

Esekiel 39:7

“ ‘Mina kadi bekyuli badubo-mi bɔti na basɔ balakya-mi lɛnyi kɔƒa. Na badubɔti ka ami ndi Israelƒuɔ Ukyuli Kedee.

Israelƒuɔ Bɔlɛ 8:10

Mmɔ ni, Ƒarao údie kenye ɔnini, “Bo na ebevele Unwoti ete-mi kɔnaadi.” Amu na Mose udie kenye ɔnini, “Línu. Ndubɔbla lɛla lɛni na éye-mi lite-ɔ. Na mmɔ na adubɔnu bɔti ka Katɔti ɔdi uuubo na utulo bula Unwoti Katɔti.

Esekiel 36:23

Na kadi bamba bekyuli banu kalɛ na mina lɛnyi liikeye. Na bɛnu bɛti ka ami ndi Unwoti Katɔti. Ami násu.

Esekiel 28:22

na asu-ma anini, ‘Ami Unwoti Katɔti línwini bina ukisine! Na bekyuli badubo-mi bumwi si lɛ́ni-mii kɔtu na banu-mi bati kalɛ na nse kedee.

Esekiel 25:17

Ndubo-ma kasi budie na mina kɔnyi kpakplaa kemmo na uwi ɔmmɔ na badubɔnu bɔti ka ami ndi Unwoti.”

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 10:7

Na Ƒarao benengu bammɔ básu-nwu banini, “Bi ɔsu na ɔlɛka bɔya na ɔnana ɔmɛni uteekpoku-bu lɛni? Bɛya bute Israelƒuɔ bamɛni kuƒi na batɔlɔ, na beteesie batákpa bana Unwoti Katɔti. Aanu taati ka Egyipte kalɔ ƒui kadaku udu bɔyii na ama ɔsu?”

Israelƒuɔ Bɔlɛ 18:8

Na Mose ɔ́su nwuna aasi ala ani ƒui na Unwoti ɔ́bla Ƒarao ku Egyipteƒuɔ na Israelƒuɔ ɔsu. Na ɔ́sɔ ɔ́su-nwu abi ani bébo na ulu lɛlɔ ku kalɛ na Unwoti ɔ́da-ma údie.

Kɔgya 138:7

Ina ka ala ani muukpóku-mi áka ámana-mi ni, amu ada mina ngba. Na adubudie ƒula kɔnu atina mina bekisine ƒui. Na ƒula kɔdianu kɔnu kɔdubɔƒɔ-mi ngba.

Esekiel 32:15

“ ‘Egyipte kalɔ kadubo bubie na kasɔ katɛ ukpludi ɔni na lɛla lɛdi lɛsɔ lilakya ngba na kana kemmo. Na awɔ ku ƒula bekyuli ƒui bɛdubɔnu bɛti ka ami ndi Unwoti.’

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.