Israelƒuɔ Bɔlɛ 7:11 - Katɔti Ɔku Kedee

¹¹ Mmɔ na Ƒarao lɛnɔ ɔ́lɔ nwuna banundane ku bani muubó like ku bani mɔɔbla akɔla lidu budie taatina na bébo. Na ama lɛnɔ bábla lɛni kani.

Israelƒuɔ Bɔlɛ 7:11 Referans Kwoze

Israelƒuɔ Bɔlɛ 7:22

Amu na Ƒarao akɔla ala bediene lɛnɔ bábla lɛni kani ɔkɛnku bana lɛkwɛ likpidi akɔla ala budie taatina lɛlɔ. Na Ƒarao úsie anumi ɔɔyu kayi ɔkplu teebu aani kalɛ na Unwoti ɔ́su na ulenu-ma litemi.

Timoteo 2 3:8

Na aani kalɛ na Yane ku Yambri báta bénye Mose lɛlɔ dii ni, lɛni kani na ɔkɔ ala batinane bamɛni lɛnɔ baata teenye litemi geen lɛmɛni lɛlɔ. Bekyuli bamɛni badi bekyuli bani na likpidi bɔbla bɔ́ƒɔ-ma kasusu ƒui, na báyila baƒɔtaadine geen bɔmmɔ ulu.

Israelƒuɔ Bɔlɛ 8:18

Nsu ka Ƒarao bevone lɛnɔ banii beedie baƒɔtɔ bammɔ badi ni, bátakana, na Mose badi báƒɔ bekyuli ku bebuo lɛlɔ ƒui.

Israelƒuɔ Bɔlɛ 8:7

Nsu Ƒarao bevone lɛnɔ bábla akɔla budie taatina na báya na bapɔtɔlɔ bákɔ bálɛ kalɔ kammɔ kemmo.

Tesalonikaƒuɔ 2 2:9

Na ukyuli ukpidi ɔmmɔ ɔdububo ku Satan ɔyikun, na ɔdubudie ɔkɔ akɔla budie taatina lidu lidu ɔtina.

Daniel 2:2

Anwuɔsu ɔ́lɔ nwuna kasusu bakyane ku bevone ku kelisa benengu ku banundane ƒui ɔ́sala.

Ala Kalɔ Buse 41:8

Na ɔtanta ɔmmɔ ni, kasusu kékpoku Ƒarao geen. Ɔmmɔ ɔsu ɔ́ya na bálɔ bekebone ku Egyipteƒuɔ banundane béte-nwu. Na ɔ́sɔku ana ani na úgye ƒui ɔ́su-ma. Nsu ɔdi útakana na udie-nya kalɔ ute-nwu.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Daniel 5:7

Amu na ɔga ɔmmɔ ɔ́kpali nwuna bevone bani mɔɔtɛmiku bekpine ayu ku ama bani mɔɔnu ayabi na beebó like ɔnii bebo. Na ɔ́su banundane bamɛni ɔnini, “Ukyuli ɔni ndubɔkana ala amɛni bɔka na udie-nya kalɔ ute-mi ni, ɔdubunwini ukyuli ɔtɛdi ɔni ndubɔkɛ kenyekɔ ku ɔyikun butulo ƒui na mina lɛga kadikɔ. Na ɔdubo awu ɔni náƒɔ kuye geen butaakya na ɔkya sika ugyiedi kɔsɛɛ ɔkwɛ.”

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Daniel 2:27

Amu na Daniel údie kenye ɔnini, “Ɔga Ɔbune, ɔnundane unengudi ƒui na kalɔ kamɛni lɛlɔ muedi ulakana lɛla lɛni na aawia mɛni bɔbla.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Timoteo 2 3:9

Nsu ni, bekyuli bamɛni belésie ɔgyu, ɔsika bana kɔkwɛ kukpidi kɔdubɔlɛ keyi na bekyuli ƒui anumi aani bani nábla udu ɔmɛni bávi kalɛ kani.

Israelƒuɔ Bɔlɛ 7:12

Na ama lɛnɔ báda bana ligyii lɛni na bada báva kalɔ na ligyii lɛmmɔ línwini balakpi. Nsu Aaron ugyii ɔni nénwini kɔlakpi mmɔ úbweli bana balakpi bammɔ ƒui.

Samuel 1 6:2

Amu na Ƒilistiƒuɔ bálɔ bana bakpane ku like bebone na béye-ma banini, “Bi na bɔdubo bɔbla ku Unwoti Bunyimi Adaka ɔmɛni? Bɛsu-bu kalɛ na bɔdubo bɔbla asa na wasɔ wetédu kesii kani na ɔ́si.”

Daniel 4:6

Anwuɔsu lɛ́lɔ banundane bani nkya Babilon kalɔ lɛlɔ ƒui nnii bebo mina kesii na bebedie kɔna kɔmɛni kalɔ bete-mi.

Israelƒuɔ Bɔlɛ 8:3

Na ndubɔya na Nil Ketu keyi ku bapɔtɔlɔ. Na bapɔtɔlɔ bammɔ badubo ƒula kaduli kemmo buduo. Na beduo ƒula katɛnkɔ ku atɛla lɛlɔ. Na beduo ƒula benengu kɔduli ku Egyipteni biala kaduli. Na badubuduo bina bodobodo ayu ku bodobodo ɔlaaƒɔ kɔnwukɔ ƒui.